אונטערשייד צווישן ווערסיעס פון "בנימין"

בנימין איז געווען דער איינציגסטער ברודער פון [[יוסף]] פון זייער מאמע'ס זייט. ווען יעקב האט געשיקט זיינע זין קיין [[מצרים]] צו שאפן שפייז בשעת'ן הונגער האט ער נישט מיטגעשיקט בנימין, וויבאלד זייענדיג דער איינציגסטער זון וואס איז פארבליבן פון זיין באליבטע ווייב רחל איז יעקב געווען גאר צוגעבינדן צו אים און ער האט זיך געפארכט עס זאל אים נישט פאסירן קיין אומגליק, אבער יוסף האט זיך גע'עקשנ'ט אז זיי זאלן ברענגען אויך זייער יונגסטן ברודער. אנפאנג האט יעקב נישט צוגעשטימט אבער עווענטועל האט בנימין באגלייט זיינע ברידער קיין מצרים נאך וואס יהודה האט אונטערגענומען צו זיין פאראנטווארטליך פאר אים. ווען בנימין איז אים פארגעשטעלט געווארן, איז יוסף געווארן אזוי איבערגענומען פון זיינע געפילן, אז ער איז אריין אין אַ פּריוואטן צימער און דארטן געוויינט. ער האט געלאדנט זיינע ברידער צו א מאלצייט, וואו ער האט געשענקט בנימין מיט פינף מאל אזויפיל פּארציעס ווי פאר די אנדערע. יוסף האט אבער געשטעלט די ישרות פון זיינע ברידער אויף פּראבע און זיך נישט דערקענט פאר זיי. ער האט באפוילן זיין פארוואלטער צו באהאלטן זיין זילבערנעם בעכער אין בנימין'ס זאַק און דערנאך איבערפאלן די ברידער אויף זייער וועג אהיים און אים באשולדיגן אין גנב'ענען און [[שקלאפעריי|פארשקלאפן]]. זעענדיג אז מ'האט געטראפן דעם בעכער ביי בנימין האבן די ברידער צעריסן זייערע קליידער און זיך איינגעריסן פאר אים. יהודה האט דערקלערט זיין גרייטקייט צו אויפגעבן זיין פרייהייט אין אויסטויש פאר בנימין'ס באפרייאונג צו אפּשוינען  זייער פאטער'ס טרויער אויב זאל ער נישט צוריקקומען. ווען [[יוספ'ס אנטפלעקונג צו זיינע ברידער|יוסף האט ענדליך אנטפלעקט]] זיין אידענטיטעט, זענען יוסף און בנימין ארויפגעפאלן איינער אויף דעם אנדערן'ס האלז און געוויינט. יוסף האט דערנאך געגעבן קליידונג פאר זיינע ברידער, און פאר בנימין פינף פּאָר קליידונג און דריי הונדערט זילבער שטיק{{הערה|{{תנ"ך|בראשית|מב}}–{{תנ"ך|בראשית|מה|ללא=ספר}}.}}. קעגן די שבטים וועלכע האבן צעריסן זייערע קליידער אויף בנימין, איז פון אים ארויסגעקומען [[מרדכי]] וועלכער האט צעריסן זיינע קליידער אויף די אידן ביי די גזירה פון המן{{הערה|{{תנחומא|מקץ|י}}}}.

{{ציטוט|תוכן=בִּנְיָמִין זְאֵב יִטְרָף, בַּבֹּקֶר יֹאכַל עַד; וְלָעֶרֶב, יְחַלֵּק שָׁלָל.|מקור={{תנ"ך|בראשית|מט|כז}}}}

== שבט בנימין ==

{{הויפט ארטיקל|שבט בנימין}}

דער [[בית המקדש]] איז געווען ביים גרעניץ צווישן די נחלות פון [[שבט יהודה]] און [[שבט בנימין|בנימין]] - דער מזבח אין חלק פון שבט יהודה, אבער דער [[היכל]] און [[קדש הקדשים]] ביי בנימין{{הערה|{{בבלי|יומא|יב|א}}; {{בבלי|זבחים|נד|א}}}}. דאס איז געווען צוליב וואס בנימין איז נישט געווען קיין שותף ביי [[מכירת יוסף]]{{ביאור|דער [[משך חכמה]]{{הערה|{{תנ"ך|שמות|כח|ט|מפרש=משך חכמה}}}} ערקלערט, אז אויך יוסף וועלכער איז זעלבסט פארקויפט געווארן האט נישט אויסגעזאגט פאר זיין טאטע אז ער לעבט (צוליב דעם חרם), דעריבער איז בנימין געווען דער איינציגסטער וואס האט נישט מצער געווען זיין טאטע. דערפאר האט די געשיכטע פון [[דמא בן נתינה]] - ווען השי"ת האט געוויזן די גרויסקייט פון [[כיבוד אב ואם|כיבוד אב]], פאסירט מיט'ן פארלוירענעם שטיין פון בנימין{{הערה|ווי געברענגט אין {{ירושלמי|קידושין|א|ז}}.}}, די "ישפה".}} און וויבאלד ער איז דער איינציגסטער פון די שבטים וואס איז געבוירן אין ארץ ישראל{{הערה|{{מכילתא דרבי ישמעאל|יט|יח}}}}.

דער של"ה שרייבט אז בנימין האט געהאט א קדושה מער ווי די אנדערע ברידער, וויבאלד ער האט זיך נישט געביקט צו עשו. דעריבער זענען ארויסגעקומען פון אים מלכים{{הערה|של"ה, [https://shitufta.org.il/Shenei_Luchot_HaBerit/,_Torah_Shebikhtav,_Vayeshev,_Miketz,_Vayigash,_Torah_Ohr?selectedunittext=68 וישב, מקץ, ויגש, תורה אור]}}.