אונטערשייד צווישן ווערסיעס פון "רוי:נויט (געגנט)"
קאין תקציר עריכה |
אין תקציר עריכה |
||
| שורה 16: | שורה 16: | ||
== רעפערענצן == | == רעפערענצן == | ||
{{רעפערענצן|יישור=שמאל}} | {{רעפערענצן|יישור=שמאל}} | ||
{{ | {{וויקי קרעדיט|שוועדיש|sv|Nöden}} | ||
{{דרעפט}} | {{דרעפט}} | ||
[[קאַטעגאָריע:שטעט אין שוועדן]] | [[קאַטעגאָריע:שטעט אין שוועדן]] | ||
[[קאַטעגאָריע:אידישע ישובים אין אייראפע]] | [[קאַטעגאָריע:אידישע ישובים אין אייראפע]] | ||
[[קאַטעגאָריע:אויף ווייניג אדער קיין אנדערע וויקי|02]] | [[קאַטעגאָריע:אויף ווייניג אדער קיין אנדערע וויקי|02]] | ||
רעוויזיע פון 06:19, 1 יולי 2024
די נויט (שוועדיש: Nöden; אפיציעל: Nya Stan, "נייע שטאט") איז א געגנט אין דרום מזרח טייל פון דער שטאט לונד. דאס איז געווען איינע פון די ארעמע געגנטן אין לונד[1]. די נויט האט אמאל אויך געהאט א גרויסע אידישע באפעלקערונג, א זעלטנהייט אין סקאנדינאוויע.
היסטאריע
ווען די שטאט'ס באפעלקערונג איז געוואקסן און ס'האט זיך אנגעהויבן א מאנגל אין דירות אין די 1870'ער יארן, האט מען אנגעהויבן אנטוויקלען דעם געגנט, אריגינעל א פעלד, פאר הייזער. די געגנט איז געווען געצילט פאר ארבעטער-וואוינונגען, און מ'האט עס געזאלט פארקויפן "פאר אזא פרייז און מיט אזעלכע באצאלונג באדינגען אז ס'זאל זיין מעגליך פאר א ווייניגער פארמעגליכן, אונטערנעמערישן מענטש צו באקומען בוי-פלעצער פאר א ביליגן פרייז". מ'קען זען אז די גאסן אין די נויט זענען געפלאנט געווארן שפעטער ווי די גאסן אין צענטער פון שטאט, ווייל די גאסן אין דער טייל פון שטאט באגעגענען זיך אין גלייכע ווינקלעך, רעלאטיוו צו דאס מער מיטל-עלטערליכע, אומרעגלמעסיגע גאסן-נעץ אין דעם רעשט פון שטאט-צענטער.
אידישע אימיגראנטן
אריגינעל האט מען גערופן דעם שטאטטייל "די נייע שטאט", אבער מ'האט איר געגעבן דעם אידישן צונאמען "די נויט" צוליב דעם נידריגן לעבנס-סטאנדארט אין דער געגנט. מ'האט אויך גערופן די געגנט "יהודה", ווייל דארט איז געווען א גרויסע אידישע באפעלקערונג[2]. ביים שפיץ האבן דארט געוואוינט ארום 400 אידן, ארום די יארן 1910–1914. מען האט דאן גערופן דעם געגנט דער "ירושלים פונעם צפון"[מקור פארלאנגט]. די מערסטע פון זיי זענען געקומען פון רוסישן אימפעריע, אריינגערעכנט פון ליטע[3], אנטלויפנדיג פון די פאגראמען וואס האבן זיך פארשטארקט ארום 1870. עס זענען דערפאר געווען עטליכע הייזער אין די נויט וואס מ'האט געניצט אלס שולן, צווישן זיי אויף פרעננעגאס און קליין דרום-גאס. די לעצטע וואס האט געדינט אלס שול איז געווען די אויף קליין דרום-גאס, וואס מ'האט אראפגעווארפן אין 1979[4]. אין דער געגנט איז אויך געווען א מקווה. רוב פון די אידן וואס האבן זיך באזעצט אין די נויט זענען געווען אויפ'ן וועג קיין דייטשלאנד און די פאראייניגטע שטאטן, אזוי אז ווען מ'האט דורכגעפירט דעם אויסלענדער-צענזוס אין 1939, זענען געווען נאר ארום פופציג אידן אין לונד[3].
צו דעם שטאטטייל זענען געקומען ארעמע מענטשן, ווי נייע ארבעטער פון דארף און אידישע אימיגראנטן. אין די הייזער איז געווען זייער ענג און שווער. גרויסע משפחות האבן געקענט וואוינען אויף א קליינעם שטח, מ'האט געהאט געמיינזאמע בית-הכסא'ס אינדרויסן, נאר איין וואסער-קראן, און אויך זענען געווען אסאך שרצים אין דער געגנט.
פארבעסערונג
די געגנט האט דעמאלט געהאט א נידריגן סטאטוס, און אין די 1960'ער און 1970'ער יארן האט מען פארוואנדלט אסאך הייזער אין איין-פאמיליע הייזער און אנדערע האט מען אראפגעווארפן. אין די קווארטלען וואו מ'האט אראפגעווארפן האט מען לעצטנס צוריקגעברענגט קליינע הייזער אין ענליכן סטיל ווי די אלטע. דורך א פראצעס פון פארבעסערונג איז די געגנט היינט געווארן א שטאטטייל מיט רייכע און בא'חנ'טע הייזער.
רעפערענצן
- ↑ ואלה שמות: מחקרים באוצר השמות היהודיים, בר-אילן אוניווערזיטעט פרעסע, עמ' 80,מסת"ב 978-965-226-267-7. (ענגליש)
- ↑ Nordisk kriminalkrönika 2000, Lindhardt og Ringhof,מסת"ב 978-87-11-87347-2. (שוועדיש)
- ↑ 3.0 3.1 Svensson, Anna. Nöden - en shtetl i Lund (1995)
- ↑ Företagsamhetens Lund, Lindhardt og Ringhof,מסת"ב 978-87-11-70714-2. (שוועדיש)
cc-by-sa 3.0 ערלויבעניש • אריגינעלער בלאט • ביישטייערער
 |
דאס איז א דרעפט ארטיקל. עס איז אַן אַרבעט אין פּראָגרעס וואָס איז אָפן פאַר רעדאַגירונג דורך סיי וועם. ווען דער דרעפט איז פארטיג, ביטע גייט איבער דעם אריבערפירן טשעקליסט, זיכער צו מאכן אז עס איז גרייט. דערנאך קענט איר בעטן פון די דרעפט אריבערפירער אז זיי זאלן עס איבערגיין און אריבערפירן צום הויפט געביט. (אייער בקשה וועט פובליצירט ווערן אין המכלול:אריבערפירן דרעפטס, און דארט וועט אויך ערשיינען דער ענטפער - אויב פעלט אויס). |