אונטערשייד צווישן ווערסיעס פון "אייוועלט"

===אפטיילונגען===

אייוועלט איז איינגעטיילט אין א צאל אפטיילונגען פאר פארשידענע סארט נושאים. עס ווערט געפירט אן אנגייענדע קאמפיין דורכ'ן ניק "ציגאנער", גערופן די [[אינפראסטרוקטור]] פראיעקט, געצילט צו מסדר זיין די פארומס און אשכולות פאר דער באקוועמליכקייט פון די באניצער{{הערה|{{אייוועלט|3991333|קרעטשמע אינפראסטראקטור פראיעקט; אפדעיטס און קאמענטארן|זוטאג דעצעמבער 11, 2022 10:48 am|ציגאנער}}}}.

אין דער "נייעס אפטיילונג", ווערט געלופטערט אויף א רעגלמעסיגע פארנעם אידישע און וועלטליכע נייעס, און נייעס פון די לאקאלע אידישע געגנטן{{הערה|{{לינק|אדרעס=https://www.ivelt.com/forum/viewforum.php?f=182|קעפל=נייעס|זייטל=אייוועלט}}}}. צו קענען שרייבן אין די נייעס פארומס דארף מען זיך איינשרייבן אין א דעזיגנירטע נייעס גרופע און זיך האלטן צו א צאל תנאים, אריינגערעכנט נישט שרייבן קיין קאמענטארן אין אן אשכול וואס איז דעזיגנירט בלויז פאר נייעס ("זיראנץ אשכול"), און נישט שרייבן אויף אן אומסענסיטיוון אופן{{הערה|{{אייוועלט|4656088|צו קענען שרייבן אין די נייעס פארום ליינט די אשכול!|דאנערשטאג אקטאבער 19, 2023 11:24 am|וויכטיג מאכער}}}}.

אייוועלט פארמאגט א שנעלע ראטע פון ברענגען קראנטע נייעס, און א גרויס טייל פון די פאפולעריטעט פונעם וועבזייטל איז אדאנק דעם. ביי דער [[רוסישע אינוואזיע אויף אוקראינע|קריג פון רוסלאנד און אוקראינע]], וועלכע איז שטארק נאכגעפאלגט געווארן, האט דער אשכול איבער דעם גענאסן פון א שטארקע נאכפאלגערשאפט פאר א לענגערער תקופה.

אין די "היימישע קרעטשמע" פארום ווערן געווענליך פובליצירט פיל לענגערע ארטיקלען וואס אייוועלט באניצער שרייבן, סיידן אויב די נושא געהערט צו אן אנדער פארום און דער שרייבער באשליסט עס אהינצושטעלן. די געלונגענע ארטיקלען ווערן געלינקט צום פארום "היימישע זשורנאל". פון ארטיקלען צוזאמגענומען פון אייוועלט, זענען שוין במשך די יארן ארויסגעקומען [[#אויסגאבעס און ביכער|עטליכע אויסגאבעס]].

באזונדער ווערט די וועבזייטל באניצט צו פארברענגען, שמועסן, און דורכטון אקטועלע נושאים. אינעם "דעת הקהל" פארום ווערן אויסגעשמועסט און דעבאטירט אקטועלע איינגעלעגנהייטן. די פארום "היימישע פארברענגען" איז מיוחד פאר מער אינערליכע סארט שמועסערייען, די אשכולות פון יענעם פארום קומען נישט ארויף ווען איינער זוכט פאר "אקטיווע אשכולות". און אין די "נייעס קאך לעפל" קומען פאר דעבאטעס איבער פאליטישע נייעס און אקטיוויטעטן.

[[זינגער|בעלי מנגנים]] און נייע [[סידי]]ס ווערן אויסגעשמועסט אין די "היכל הנגינה" אפטיילונג, באזונדער איז פארהאן א סוב-פארום "שירי קודש" דורכצוטון פארצייטישע חסיד'ישע ניגונים און זייערע מקורות{{הערה|{{אייוועלט|3157004|ברוכים הבאים - קבעו שיר ורננים|מיטוואך נאוועמבער 24, 2021 12:38 am|סטאוו יא פיטא}}}}. אינעם "אינטערהאלטונגס" פארום שרייבט מען איבער שפילן און אונטערהאלטונגען; אויך ווערט דארט ארויפגעשטעלט רעגלמעסיג אינטערעסאנטע כשר'ע קליפס, וואס זענען און אויסגעהאלטן אן קיין בילדער פון נשים און אן נישט-אויסגעהאלטענע רייד; דאס ווערט גע'כשר'ט און ארויפגעשטעלט דורך באניצער פאר די וואס האבן נישט קיין צוטריט צו [[יוטוב|יוטיוב]] און אנדערע [[סטרימינג|לופטערונג פלאטפארמעס]]{{הערה|{{אייוועלט|4029|אינטערעסאנטע קליפס}}}}.

א גרויסע צאל אשכולות זענען מיוחד פאר הילף אין פארשידענע געביטן, פון [[געזונט]]הייט און [[תורת הנפש]], ביז [[טעכנאלאגיע]] און [[קאמפיוטער פראגראמירן|פראגראמינג]]. פארהאן פארומס פאר עקספערטן אין זייער פאך זיך דורכצושמועסן און ארויסהעלפן איינער דעם צווייטן. ס'איז דא א פארום פאר [[גראפיקס|גראפיקער]], פאר [[שפראך]] מבינים, און פיל נאך.