רוי:בני ברק

בני ברק בני ברק ראַטהויז מדינה / טעריטאָריע מדינת ישראל גרינדונג דאַטע 1924 דיסטריקט גוש דן בירגערמייסטער אברהם רובינשטיין שטח 7,022 הייך=26 קוואדראט ק"מ  ‑ אין שטאָט 200,162‏  (שטייענדיג 2017) http://www.bnei-brak.muni.il

בני ברק איז א אידישע פרומע שטאָט אין געגנט גוש דן וואס איז אין תל אביב דיסטריקט פון ישראל, וואס דארטן זענען פּלאַצירט פילע חסידישע הויפן און אויך די ליטווישע וועלט בארימטע פאניוועזשער ישיבה. דעם 27סטן סעפטעמבער 2012 איז בני ברק געווען די צענטע גרעסטע שטאט אין ישראל, מיט א באפעלקערונג פון 176,556.

די שטאט ווערט דערמאנט אין דער הגדה של פסח: מַעֲשֶׂה בְּרַבִּי אֱלִיעֶזֶר וְרַבִּי יְהוֹשֻעַ וְרַבִּי אֶלְעָזָר בֶּן עֲזַרְיָה וְרַבְּי עֲקִיבָא וְרַבִּי טַרְפוֹן שֶהָיוּ מְסֻבִּין בִּבְנֵי בְרַק, וְהָיוּ מְסַפְּרִים בִּיצִיאַת מִצְרַיִם כָּל אוֹתוֹ הַלַּיְלָה עַד שֶׁבָּאוּ תַלְמִידֵיהֶם וְאָמְרוּ לָהֶם: רַבּוֹתֵינוּ, הִגִּיעַ זְמַן קְרִיאַת שְׁמַע שֶׁל שַׁחֲרִית.

בני ברק רעכנט זיך ארעמע שטאט ווייל א סאך איינוואוינערס ארבעטן נישט און לערנען נאר תורה.

שילד ביים אריגינעלן אריינגאנג צו בני ברק, ראג רבי עקיבא גאס און זשאבאטינסקי

שילד ביים אריינגאנג צו רמת אהרן, בני ברק, וועגן שר התורה הרב רבי אהרן קאטלער

שטאטראט

ביי די מוניציפאלישע וואלן אין 1959 האבן די חרדים באקומען 5 מאנדאטן, מפד"ל 4 מאנדאטן, דער מערך 3 מאנדאטן, חרות 2 מאנדאטן און די ליסטע פון די עדות המזרח איין מאנדאט..

ביי די מוניציפאלישע וואלן אין 1965 האבן די חרדים באקומען 5 מאנדאטן, מפד"ל 3 מאנדאטן, דער מערך 3, גח"ל 2 און די באוועגונג פאר אחוה 2.

ביי די מוניציפאלישע וואלן אין 1969 האבן די חרדים באקומען 6 מאנדאטן אין דער שטאטראט, מפד"ל 4 מאנדאטן, מערך 3 און גח"ל 2 מאנדאטן.. נאך די וואלן האט ישראל גאטליב פון מפד"ל אויפגעשטעלט א קאאליציע מיט מערך און גח"ל, איבערלאזנדיק די תורה בלאק אין אפאזיציע.

ביי די מוניציפאלישע וואלן אין דעצעמבער 1973 האט מפד"ל באקומען 5 מאנדאטן, אגודה און פועלי אגודה וואס זענען געלאפן צוזאמען האבן באקומען 3 מאנדאטן, נאמני תורה ספרדיים 2 מאנדאטן, דער מערך 3 מאנדאטן און ליכוד 2 מאנדאטן.

ביי די מוניציפאלישע וואלן אין 2008 איז געווען נאר איין קאנדידאט פאר בירגערמייסטער, הרב יעקב אשר. פארן שטאטראט האט קאנדידירט נאר איין ליסטע, מיט די פאלגנדע נעמען:

• יהדות התורה- יעקב אשר, חנוך זייבערט, ישראל משה פרידמאן, מנחם מענדל אייזנבערג, מיכאל קאקאן, מאיר יהודה מארמארשטיין, אברהם רובינשטיין, שמחה שטיצבערג, נתן צבי כהן, חיים דוד ראזנער, יעקב ווירזשבינסקי, חיים מאיר לאנגזאם, שלמה שטערן, ישראל דרענגער, יהודה האבער, שלמה קאסטעליץ, מאיר שאקראן, מרדכי דריימאן
• ש"ס - פינחס צברי, אליהו דאדאן, ניסן יגאל געטאַ, נתן בצלאל, אברהם פאַרטאש, גדליהו בן שמעון
• מפד"ל - לוי אליעזר זוראווין

אזוי ווי ס'איז נישט געווען מער ווי איין ליסטע, האבן די בירגער פון בני ברק נישט געדארפט וויילן.

ביי די מוניציפאלישע וואלן אין 2013 איז חנוך זייבערט געוויילט געווארן בירגערמייסטער.

שטאט'ס רבנים

רעליגיעזע באדינונגען אין בני ווערן געפירט דורך דעם שטאטראט (און נישט דורך א "רעליגיע־ראט" ווי אין אנדערע שטעט אין מדינת ישראל). אויך דעם שטאט'ס רב ווערט געוויילט דורך דעם שטאטראט.

די רבנים פון בני ברק זייט זיין גרינדונג:

• הרב אריה מרדכי רבינאוויטש, תרפ"ד–תרפ"ח (1924–1928)

• הרב שלמה זאלקינד לאנדערס (ממלא מקום), תרפ"ח–תרצ"א (1928–1931)

• הרב נחמן שמואל יעקב מיאדאסער, תרצ"א–תרצ"ד (1931–1934)

• הרב יוסף צבי קאליש, תרצ"ה–תרצ"ו (1935–1936)

• הרב רבי יעקב לאנדא, תרצ"ו–תשמ"ו (1936–1986)

• הרב משה יהודה לייב לאנדא, תשמ"ו–תשע"ט

• הרב יצחק אייזיק לאנדא, הרב שבח צבי ראזענבלאט, הרב מסעוד בן שמעון (-זייט ה'תשע"ט).

ווען מען האט באשטימט הרב יעקב לאנדא רב אין 1936 און דערנאך ווי הויפט רב פון בני ברק, האבן א טייל איינוואוינער ווייטער געהאלטן רב יוסף צבי קאליש אלס שטאט'ס רב ביז זיין פטירה אין 1957, און האבן נישט מקבל געווען זיין נאכפאלגער. הרב קאליש האט ווייטער געפירט איינשרייבן פאר חתונות אלס רב פון דער שטאט.

באפעלקערונג

לויט די דאטן פונעם צענטראלן ביורא פאר סטאטיסטיק ריכטיג פאר דעצעמבער 2013, וואוינען אין בני ברק 172,485 באוואוינער. די באפעלקערונג וואקסט מיט א יערליכער ראטע פון ‎2.2%‏.

אין בני ברק האט געוואוינט הרב רבי אברהם ישעיהו קארעליץ דער "חזון איש" וואס האט געשטעלט חרדישן אידנטום אין ארץ ישראל אויף זיינע פיס אין דער תקופה ווען די מדינה איז אויפגעשטעלט געווארן, און בארימטע ליטווישע רבנים, כולל הרב רבי יעקב ישראל קאניעווסקי (דער סטייפלער), רב רבי אלעזר מנחם מן שך און הרב חיים גריינימאן, ווי אויך דער רב פון זכרון מאיר, הרב רבי שמואל וואזנער

היינט, וואוינען פיל אשכנזישע רבנים אין בני ברק ווי הרב רבי אהרן לייב שטיינמאן, הרב רבי חיים קאניעווסקי און הרב רבי נסים קארעליץ.

אזוי אויך א סך רבי'ס פון חסידים וואוינען, אדער האבן געוואוינט, אין בני ברק, ווי דער גערער, נאדווארנער, לעלובער, וויזשניצער, אלעקסאנדער, ראדזינער, מאדזשיצער און סטריקאווער רבי'ס.

צווילינג שטעט

• ברוקלין, ניו יאָרק, פאראייניגטע שטאטן
• לעיקוואד, ניו דזשערסי, פאראייניגטע שטאטן

זעט אויך

• בני ברק באן סטאנציע

שטעט אין מדינת ישראל

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!