אונטערשייד צווישן ווערסיעס פון "רוי:רבי חיים מאיר האגער (רבי ישראל'ס)"

רבי חיים מאיר איז געבוירן געווארן אין יא ה'תשל"ג אין [[קרית וויזשניץ]], בני ברק, צו זיין פאטער רבי ישראל האגער, וועלכע אין יענע יארן פלעגט דינען אלס דער עמטליכער מרא דאתרא פון קרית וויזשניץ, און צו זיין מוטער מרת '''שרה חנה חיה''', טאכטער פון הרה"ק '''[[רבי משולם זוסיא טווערסקי]]''', דער אמאליגער [[טשערנאביל (חסידות)|טשערנאבילער]] רבי פון בני ברק. רבי חיים מאיר איז דער ערשטער אייניקל פון זיין זיידן הרה"ק דער '''[[משה יהושע האגער|ישועות משה]]''', וואס איז געבוירן געווארן פארהעלטענמסיג קורץ נאך דער פטירה פון זיין עלטער-זיידן הרה"ק דער '''[[רבי חיים מאיר האגער|אמרי חיים]]''', און צו געהייסן ווערן נאך איהם. אין זיינע קינדערישע יארן האט ער ערהאלטן זיין [[חינוך|אויסבילדונג]] אין די וויזשניצער מוסדות, און איז אויפגעצויגן געווארן אין שאטן פון זיין זיידן דער רבי. אלס בחור איז ער אריינגעגאנגען לערנען אין [[ערלוי]]ער ישיבה, וואס געפינט זיך אין דער "קאטאמאן" געגנט אין [[ירושלים]], און אלע יארן זייט ער האט אנגעפאנגען צו לערנען דארט, איז ער געווען געקניפט און געבינדען צום פריערדיגן ערלויער רב רבי הרה"ק '''[[רבי יוחנן סופר]]''', און האט איהם אייביג אויסגערעכנט אלס מורו ורבו. ווען ס'איז אנגעקומען די צייט, איז ער א חתן געווארן מיט זיין ווייב מרת '''רייצא הענדל''', טאכטער פון [[רבי אהרן טייטלבוים (נירבאטור)|אהרן טייטלבוים]], דער [[סיגעט (חסידות)#נירבאטורער צווייג|נירבאטורער]] רב פון [[בארא פארק]]. נאך דער חתונה האט ער זיך אומגעצויגן וואוינען אין [[ניו יארק]].