אונטערשייד צווישן ווערסיעס פון "רבי יהושע העשיל וואלהענדלער"
אין תקציר עריכה |
ק (לינק צום העברעאישער מכלול) |
||
| שורה 44: | שורה 44: | ||
[[קאַטעגאָריע:חסידישע רבנים]] | [[קאַטעגאָריע:חסידישע רבנים]] | ||
[[קאַטעגאָריע:מחברי ספרים]] | [[קאַטעגאָריע:מחברי ספרים]] | ||
[[he:רבי יהושע השל וולהנדלר]] | |||
רעוויזיע פון 21:11, 17 אויגוסט 2023
רבי יהושע העשיל וואָלהענדלער (תשי"ג – כ"ט חשוון תשע"ב) איז געווען א חסידישער רב און פוסק, א מחבר ספרים אויף הלכות טהרה און הלכות גיטין. ער האט געוואוינט אין וויליאמסבורג.
ביאגראפיע
רבי יהושע העשיל וואלהענדלער איז געבוירן אין תשי"ג חיים שמואל מאיר וואלהענדלער (אוועק כ"ב שבט תשע"ב) פון פוילן[1], א שטארקער כענטשינער חסיד וואס האט געהייסן נאך רבי חיים שמואל הורוויץ, און צו ריזל נחמה (תרע"ח–תשפ"ב), טאכטער פון יהודה דים פון קראקא ביי וועם בעלזער רב איז איינגעשטאנען, תלמידה פון שרה שנירער אין קראקא און שפעטער א לערערין אין פאפא שולע אין וויליאמסבורג[2].
רבי יהושע העשיל האט מען גערופן נאך רבי יהושע העשיל הורוויץ, דער לעצטער כענטשינער רבי.
ער האט חתונה געהאט אין חודש כסלו תשל"ה מיט גיטל טויבא, טאכטער פון רבי בנציון הכהן קאהן, סענפעטערער רב[1]. רבי בנציון האט פארמאגט א גרויסן פריוואטן ביבליאטעק מיט פילע ספרים, מיט וואס רבי יהושע העשל האט זיך אפט באניצט[3].
ער איז געווען ראב"ד פון בית דין הרבני לעניני אישות, און האט מסדר געווען גיטין, זייענדיג א בקי אין שמות גיטין. ער פלעגט ענטפערן שאלות אנגעפרעגט דורך דיינים און מורי הוראה.
צוזאמען מיט יוסף בעכער פון לאנדאן האט ער געטון פאר די תימנ'ע אידנטום, און איז אויך זיבן מאל געפארן קיין תימן און טוניזיע.
ער איז געווען דבוק אין סאטמאר רב און צו די סקולענע רבי'ס. ער האט געהאט א קירבה ביי קאשויער רב און ביי רבי עובדיה יוסף.
ער פלעגט דאווענען אין בית המדרש אמת ליעקב נאנאש[4], און ער פלעגט לערנען אין בית המדרש תורה ודעת אין וויליאמסבורג, און האט דארט אפט איבערגעגעבן שיעורים.
ער איז נפטר געווארן כ"ט חשוון ה'תשע"ב אין עלטער פון 58 נאך יענע מחלה, איבערלאזנדיג זעקס זין און דריי טעכטער, צוויי פון זיי אומפארהייראט. ער איז באהאלטן געווארן אין בית החיים אין קרית יואל[5].
חיבורים
זייענדיג בלויז 28 יאר האט ער ארויסגעגעבן דעם ספר גופי הלכות (משנה ברורה החדש) אויף הלכות נדה און טבילה. דער ספר איז אויסגעשטעלט גענוי ווי דער משנה ברורה פונעם חפץ חיים מיט'ן ביאור הלכה און שער הציון נוצנדיג די זעלבע נעמען, ווי אויך האט ער צוגעלייגט דער משנת סופרים מיט אייגענע חידושים. דער ספר האט הסכמות פון פאפאער רב און דעברעצינער רב. נאכ'ן ערשיינען האבן עטליכע ליטווישע רבנים ארויסגעגעבן א מחאה פארן געבן דעם נאמען פונעם משנה ברורה[מקור פארלאנגט]. אינעם צווייטען דרוק האט ער זיך פארענטפערט אז אנדערע מחברים האבן געטון די זעלבע, ווי די מחברים פון באר היטב.
ער האט אויך פארפאסט א פירוש מאיר עיני חכמים אויף סדר הגט און סדר חליצה, און האט געשריבן נאך חיבורים און תשובות וואס זענען אין כתב יד.
ווייטער ליינען
פאראמעטער פעלערן אין מוסטער:אוצר החכמה
פאראמעטער [ עמוד ] ערשיינען נישט אין מוסטער דעפיניציע "קווים לדמותו של הג"ר יהושע העשיל וולהנדלר זצ"ל", קובץ המשביר ד, עמ' צב–קא, אויף אוצר החכמה
דרויסנדע לינקס
- גופי הלכות, נדה א, אויף אוצר החכמה
- גופי הלכות, נדה ב, אויף אוצר החכמה
- בילד פון זיין מציבה
- משה ויסברג, מסכת גיטין • הרה"ח יהושע העשיל וואלענדער זצ"ל, אויף בחדרי חרדים, א' כסלו תשע"ב
- משה ויסברג, רבי יהושע העשיל וואָלהענדלער זצ"ל • דמעות וזכרונות, אויף בחדרי חרדים, ט' טבת תשע"ב
- Rabbi Yehoshua Heshil Wolhendler, אויף Geni (ענגליש)
- Brooklyn, NY – Tribute to Rav Yehoshua Heschel Wolhendler Z’l, אויף וואס איז נייעס, 3 בינואר 2012 (ענגליש)
רעפערענצן
- ↑ 1.0 1.1 משה ויסברג, רבי יהושע העשיל וואָלהענדלער זצ"ל • דמעות וזכרונות, אויף בחדרי חרדים, ט' טבת תשע"ב
- ↑ https://www.ivelt.com/forum/viewtopic.php?t=42063&start=16950
- ↑ אסאך פלעגן קומען בארגן ספרים פון דארט, צווישן זיי אויך רבי פייוויל כהן וואס האט ארויסגעגעבן זיין ספר "בדי השולחן" אויף הלכות טהרה קורץ נאך רבי יהושע העשיל'ס ספר איז ארויס. רבי יהושע העשיל פלעגט אים העלפן און צואווייזן חידושים אין פארשידענע ספרים, נישט אויסזאגנדיג אז ער האלט אט ביים ארויסגעבן דער זעלבער סארט ספר.
- ↑ "זקני מתפללי ביהמ"ד אמת ליעקב דנאנאש ווילימסבורג" אויף אייוועלט
- ↑ משה ויסברג, מסכת גיטין • הרה"ח יהושע העשיל וואלענדער זצ"ל, אויף בחדרי חרדים, א' כסלו תשע"ב