אונטערשייד צווישן ווערסיעס פון "המכלול:אלגעמיינע אנווייזונגען פאר שרייבער"

די "אנהייב" פון אן ארטיקל איז דער קרוין און שפיץ דערפון; באטראכט עס ווי א קונסטווערק, און שלייף עס ווי א דיאמאנט.

צו אלעמען ערשטן, נעמט אין אכט אז רוב רובם פון די ליינער ליינען בלויז די אנהייב פון אן ארטיקל; דאס איז וואס מען זעט ווען מען לייגט די מייזל איבער א אינערליכע לינק, און דער טייל איז דאס וואס ווערט דאס מערסטע געליינט און דאס מערסטע ציטירט. דורך דעם אנהייב וועט איר דאס מערסטע משפיע זיין אויף דער וועלט.

פאר טייל ליינער, איז די אנהייב אייער "לעצטע געלעגנהייט" זיי אויסצולערנען עפעס, און אפשר אפילו צורעדן צו ליינען די ארטיקל זעלבסט...

*'''די אנהייב איז נישט קיין אריינפיר''' אדער אונטערגרונד צום טעמע, דאס קען געטון ווערן אין די ארטיקל זעלבסט אין א קאפיטל מיטן טיטל "אריינפיר". עס איז א תמצית און א קורצע איבערזיכט אויף די טעמע.

*שרייב די אנהייב נאך די גאנצע ארטיקל, אדער שרייב עס איבער נאכאמאל דאן. א גרייטע ארטיקל וועט אייך ערמעגליכן צו קענען אפשאצן ריכטיג וואס געהער אין די אנהייב. איר קענט קיינמאל נישט וויסן וואו אהין דער ארטיקל וועט אייך פירן.

*די ערשטע ווארט אדער פאר ווערטער פון די אנהייב איז די פולע און אפיציעלע נאמען פון די טעמע, אין באָלד בוכשטאבן. אין זעלטענע פעלער לייגט מען צו אן ארטיקל ("דער", "א") און אין נאך מער זעלטענע פעלער די וויסנשאפטליכע געביט ("אין מאטעמאטיק, איז א '''פאקטאר'''...").

*די נאמען פון די טעמע, איז טייל פון די ערשטע זאץ אין די ארטיקל. די ערשטע זאץ דארף דעפינירן דעם טעמע, און עס שילדערן מיט א קלארקייט, ('''רבינו משה בן מימון''' (....) איז געווען א פוסק, מפרש, פילאזאף, אלצווייסער און דאקטער אין די מיטלאלטער, און איז פון די גרעסטע פוסקים און פון די געשעצסטע פערזענליכקייטן ביי אידן אין אלע דורות, און פון די וואס האבן אוועקגעשטעלט די יסודות הדת און עיקרי האמונה"). דער גאנצע ארטיקל אין איין זאץ.

*די ערשטע פאראגראף דארף ענטהאלטן די דעטאלן איבער'ן טעמע וואס מאכן עס באקאנט און בארעכטיגט פאר אן ארטיקל דא. דא איז וואו דער ענציקלאפעדישע וויכטיגקייט דארף ערקלערט ווערן.

*די איבריגע טייל פון די אנהייב, ביז דריי פאראגראפן אלעס צוזאמען על פי רוב, דארף איבערגעבן דאס גאנצע ארטיקל אויפ'ן שפיץ גאפל, אויף א פארשטענדליכע און אינפארמאטיווע אופן. שטעל אייך פאר אז מען געבט אייך נישט מער ווי דריי פאראגראפן צו רעדן וועגן אייער טעמע, און פרובירט אייער בעסטע.

*לייגט אריין ביים טעמע איין – אבער איין – בילד (אויב איז דא א מוסטער מיט דאטא גייט עס אריין דארט). זעלבסט פארשטענדליך, היות עס וועט זיין בלויז איין בילד, קלויב אויס דאס בעסטע, וואס וועט דאס מערסטע דערגענצן די הבנה איבער די טעמע.