רוי:רבי אהרן קאטלער

רבי אהרן קאטלער

רבי אהרן קאטלער (ה'תרנ"ב- ב' כסלו ה'תשכ"ג) איז געווען א ראש ישיבה אין דער ליטע און שפעטער אין אמעריקע, וואו ער האט געגרינדעט די ישיבה בית מדרש גבוה.

יונגע יארן

הרב קאטלער איז געבוירן אין סיסלעוויטש, ווייסרוסלאנד, רוסלענדישע אימפעריע (היינט בעלארוס) אין תרנ"ב, צו זיין פאטער הרב שניאור זלמן פינעס, דער שטאטס־רב.

די לעצטע נאמען קאטלער האט ער גענומען פון א משפחה-קרוב, כדי זיך ארויסצודרייען פון דארפן דינען אין מיליטער.

שוין אלס קינד איז ער געווען א עילוי, מ'זאגט אז ער האט אלס יונגל געקענט גאנץ תנ"ך אויסעווייניג.

ער האט געלערנט אין דער סלאבאדקער ישיבה ביי רבי נתן צבי פינקל, דער "אלטער פון סלאבאדקע", און רבי משה מרדכי עפשטיין. רבי איסר זלמן מעלצער האט אים גענומען פאר אן איידעם, און ער האט אטייל גענומען מיט זיין שווער אין דער הנהלה פון דער לוצקער ישיבה.

ער האט געגרינדעט די ליטווישע ישיבה בית מדרש גבוה ד'לעיקוואוד אין דער געגנט וואס איז היינט באוואוינט מיט טויזנטער אידישע איינוואוינער און אין דרום ניו זשערסי.

דער היינטיגער ראש ישיבה איז רבי מלכיאל קאטלער זיין אייניקל, א זון צו רבי אהרן'ס איינציגן זון הרב שניאור.

ער ליגט אין הר המנוחות.

באקאנטע תלמידים

• הרב יהושע יגל
• ד"ר ישראל בורגאנסקי
• הרב אפרים זורייווין
• הרב שלמה לייב ברעוודע
• הרב משה הלל הירש
• הרב הלל זאקס
• הרב שלמה קורח

נוסח מציבה

רבינו הגדול שר התורה ועמוד היראה רבן של ישראל צדיק יסוד עולם, הקים עולה של תורה בדורו והאיר יובל שנים עיני ישראל באור תורתו חסידותו, עורך מערכות ומיישר הדורים מפרק הוויות ומפרק שברים, קברניט נאמן, לוחם מלחמתה של תורה, גודר גדר ועומד בפרץ, עשה מעשי חייא ונתן נפשו על קיומה של תורה בישראל בגולה ובאה"ק (=ובארץ הקודש), על עבודת הצלה בשנות הזעם ת"ש-תש"ה, ועל מעשה החסד לכלל ולפרט, החזיר עטרה ליושנה להעמיק ולהרחיב גבולות לימוד התורה בטהרתה ובקדושתה בארצות הברית על ידי בית מדרשו בלייקווד, ועל ידי השפעתו קיבץ וריבץ תלמידים לאלפים בישיבתו בקלצק ובירושלים עיה"ק (=עיר הקודש) בישיבת עץ חיים.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!