אונטערשייד צווישן ווערסיעס פון "רוי:רבי אליעזר יהודה פינקל (א)"

רבי ליעזר יודל איז געבוירן אלול תרל"ז אין [[קעלם]], ליטע, צו זיין פאטער רבי [[נתן צבי פינקל]], דער "אלטער פון סלאבאדקע". שוין אלס קינד האט ער געלערנט ביי זיין פאטער די מסכתות גמרא אין [[סדר נשים|נשים]] און [[סדר נזיקין|נזיקין]].

אין תרנ"ד איז ער געגאנגען לערנען אין [[בריסק]] ביי רבי [[חיים סאלאווייטשיק]], און אין תרנ"ו איז ער צוריקגעקומען קיין סלאבאדקע אויף א יאר. אין תרנ"ז האט זיין פאטער געשיקט אים מיט א גרופע אויסגעקליבענע בחורים קיין [[סלוצק]] צו העלפן דעם [[יעקב דוד ווילאווסקי|רידב"ז]] אויפשטעלן זיין ישיבה אונטער הרב [[איסר זלמן מעלצער]]. נאך א שטיק צייט איז ער ווייטערגעגאנגען לערנען אונטער רבי [[ברוך בער לייבאוויץ]], און נאכהער אינעם קדשים כולל פונעם [[חפץ חיים]] אין [[ראדין]]. פון ראדין איז ער געגאנגען אין דער [[מיר]] לערנען אונטער דעם שטאטס רב, הרב [[אליהו ברוך קאמאי]]. הרב קאמאי האט אים געשעצט ווי דער בעסטער פון זיינע תלמידים, און אין תרס"ג האט ער אים גענומען פאר אן איידעם.