אונטערשייד צווישן ווערסיעס פון "רוי:פאראייניגטע קעניגרייך"

דאס פאראייניקטע קעניגרייך איז געווען איינער פון די גרעסטע פיאנערן אין עקאנאמישע ענינים. די ערשטע [[אינדוסטריעלע רעוואלוציע]] [די רעזולטאט פון א סך פונדאמענטאלע בייטונגען וואס האבן טראנספארמירט אגריקולטור עקענאמיעס אין אינדוסטריעלע. די ערשטע טויש איז געווען פראדוקציע. מערערע זאכן וואס זענען טראדיציאנעל פאבריצירט געווארן אין היימען און אין קליינע ווארשטאטן האבן אנגעהויבן פאבריצירט ווערן אין פאבריקן] איז פארגעקומען אינעם פאראייניקטן קעניגרייך אין די 18טן און 19טן יארהונדערטער און האט געפירט צו דער אנטוויקלונג פון דער וועלטס ערשטער געזעלשאפט דאמינירטע דורך א מיטל קלאס. בריטאניע איז געווען דאס ערשטע לאנד אין דער וועלט וואו מער פון א העלפט פון אירע איינוווינערס האבן געוווינט אין די שטעט. גיכע עקאנאמישע אנטוויקלונג און וועלטס האנדל האבן געמאכט בריטאניע דאס רייכסטע לאנד דורכאויס דער הערשאפט פון [[קעניגין וויקטאריע]].{{הערה|קעניגין וויקטאריע האט געוועלטיקט אויף דער בריטישער אימפעריע אין אירע בעסטע יארן פון 1837 ביז 1901. איר הערשפאט איז געווען די לענגסטע פון יעדער מאנארכיע אין דער בריטישער געשיכטע ביז איר צייט (די היינטיגע קעניגין [[עליזאבעט די צווייטע]] קעניגט שוין לענגער ווי וויקטאריע) און איז באצייכנט געווארן אלס די וויקטאריאנישע תקופה}} א לאנגע צייט פאר און נאך דער אינדוסטריעלער רעוואלוציע איז לאנדאן געווען דער צענטער פון דער וועלטס קאפיטאליזם. נאך היינט איז ער איינער פון די וויכטיקסטע ביזנעס און פינאנציעלע צענטערס אין דער גארער וועלט.

דאס פאראייניקטע קעניגרייך איז א קליין לאנד אין פיזיקאלע גרויסקייט. מיט 94,251 קוואדראט מייל (244,110 קוואדראט קילאמעטער) איז עס אזוי גרויס ווי דער שטאט [[קאלאראדא]], אדער בעסער געזאגט, צוויי מאל אזוי גרויס ווי דער שטאט [[ניו יארק]] . דאס פאראייניקטע קעניגרייך געפינט זיך אזוי צו צפון פונעם גלאבוס ווי לאבראדאר (א פראווינץ אין [[קאנאדע]]) אין [[צפון אמעריקע]], אבער אנדערש ווי אין לאבראדאר, וואו עס איז תמיד קאלט געפרוירן, איז עס און דער גאנצער צפון אייראפע, געווענליך גאנץ מילד און פרעסטלדיק (טשילי) און א סך נאס. רעגן און פארוואלקנטער הימל קענען פארנעמען אזוי פיל ווי 300 טעג אין א יאר. דאס איז ווייל די ראיאן ווערט געווארעמט דורך דעם [[גאלף שטראם]] וואס קומט ארויס פונעם [[אטלאנטישן אקעאן]].

דאס פאראייניקטע קעניגרייך גרענעצט זיך אויף דרום מיטן [[ענגלישער קאנאל]] (דער ענגלישער קאנאל טיילט אפ צווישן דעם פאראייניקטן קעניגרייך און [[פראנקרייך]]. עס איז א שמאלער און לאנגער ים), וועלכער טיילט איר אפ פונעם [[אייראפע]]ישן [[קאנטינענט]]. אויף מזרח, גרענעצט עס זיך מיטן צפון [[ים]] (אן ארעם פונעם [[אטלאנטיק]]), און אויף מערב מיטן [[אירישער ים|אירישן ים]] און דעם אטלאנטיק. דעם פאראייניקטן קעניגרייכס איינציגסטע לאנד גרעניץ מיט אן אנדערן לאנד איז צווישן צפון אירלאנד און [[אירלאנד]].

[[ענגלאנד]] איז די גרעסטע, מערסט באקאנטסטע, און רייכסטע אפטיילונג פון דעם פאראייניקטן קעניגרייך. עס נעמט אויף 50,352 קוואדראט מייל (130,410 קילאמעטער) פון דאס פאראייניקטע קעניגרייך'ס סך-הכל 94,251 קוואדראט מייל (244,110 קילאמעטער). די געגנט פון סקאטלענד איז 30,420 קוואדראט מייל (78,790 קילאמעטער), וויילז נעמט אויף 8,020 קוואדראט מייל(20,760 קילאמעטער), און צפון אירלאנד נעמט אויף 5,470 קוואדראט מייל (14,160 קילאמעטער). דאס מיינט אז ענגלאנד נעמט אויף 53.4 פראצענט פון דעם פאראייניקטן קעניגרייך, סקאטלענד 32.3 פראצענט, וויילז 8.5 פראצענט, און צפון אירלאנד 5.8 פראצענט.

דאס פאראייניקטע קעניגרייך אנטהאלט אין זיך א סך קליינע אינדזלען. צווישן זיי איז די איילענד אף ווייט, ענגליסעי, סילי, העברידעס, ארקני איילענד, און שעטלענד אייילענדס.

[[קאַטעגאָריע:פאראייניקטע קעניגרייך|*]]