אונטערשייד צווישן ווערסיעס פון "רוי:הארץ אטאקע"

'''הארץ אטאקע''' איז ‫אַן [[wikt:אַקוטע|אַקוטע]] [[אינפאַרקציע]] פון [[הארצמוסקל]] (AMI אָדער, מער געווענליך צווישן [[דאקטאר|דאָקטוירים]], MI) איז אַן ערנסטע, פּלוצעמדיקע האַרצקרענק וואָס איז כּולל פאַרשיידענע ניוואָען [[ברוסטקאסטן|ברוסטווייטיק]] אָדער אומבאַקוועמקייט, [[שוואַכקייט]], [[שוויצן]], ניט־גוטקייט, [[ברעכן]] און קרומע האַרצריטמען, און דערפירט טייל מאָל צום פאַרלירן די [[באוויסטזיין|באַוווּסטזײַן]].

עס קומט פאָר ווען דאָס בלוטשטראָם צו אַ טייל [[הארץ|האַרץ]] ווערט איבערגעריסן. דאָס דערפירט צום [[טויט]] און [[שראם|פאַרשראַמונג]] (scarring) פון דאָס האַרצגעוועב אין יענעם אָרט. דער באַווירקטער ראַיאָן קען זײַן אַ גרויסער אָדער אַ קליינער, און דערפאַר זענען '''האַרצאַטאַקעס''' פון פאַרשיידענע מדרגות ערנצטקייט, נאָר זיי שטעלן מיט זיך פאָר אָפטמאָל אַ [[מעדיצין|מעדיצינישן]] נויטפאַל וואָס פאָדערט אויפמערק תּיכּף־ומיד, און דערמיט אַן אַקטיווירונג פון דער אָרטיקער גיכער הילף.

מע שטעלט דעם [[דיִאַגנאָז]] מיט אַ קאָמבינאַציע פון דער מעדיצינישער געשיכטע, רעזולטאַטן פון [[ע.ק.ג]], און [[הארצענזימען|האַרצענזימען]] (cardiac enzymes). די סאַמע וויכטיקסטע באַהאַנדלונג פאַר אַ מיִאָקאַרדיום־אינפאַרקט איז צו ווידער אויפצועפענען די בלוטשטראָם צום האַרץ, דורכן [[טראמבאליז|טראָמבאָליז]] (thrombolysis), דאָס הייסט צעלאָזן די בלוט־[[גליווער|פאַרגליווערונג]] אין דער [[ארטעריע|אַרטעריע]] מיט [[ענזים|ענזימען]] (enzymes), אָדער [[אנגיאפלאסטיק|אַנגיאָפּלאַסט]] (angioplasty), וואָס ניצט אַ באַלאָן אויפצופּראַלן די אַרטעריע. מע מוז שטרענג אויפפּאַסן אויפן פּאַציענט אויף אַ ספּעציעלן האַרצאָפּטייל אין [[שפיטאל|שפּיטאָל]] כּדי צו פאַרהיטן געוויסע קאָמפּליקאַציעס. מע לייגט אויך אַ טראָפּ אויף צווייטיקע פאַרהיטונג (secondary prevention), דאָס הייסט עלימינירן ריזיקעס וואָס קענען דערפירן צו ווײַטערדיקע האַרצאַטאַקעס.

[[קאטעגאריע:אומבאקוקט]]

[[קאטעגאריע:אויף יידיש]]