אונטערשייד צווישן ווערסיעס פון "רוי:שלמה גאלדין"

זינט 1908 האָט שלמה גאָלדין געוווינט אין לאָנדאָן, אַרבעטנדיק אין ייִדישע פּעריאָדישע אויסגאַבעס. אין 1916 האָט ער עמיגרירט קיין [[פאראייניקטע שטאטן פון אמעריקע|פש"א]], זיך באַזעצט אין ניו-יאָרק און אָנגעהויבן אַרבעטן אין רעדאַקציע פון דער צײַטונג "ייִדישע טאַגעבלאַט". זינט 1920 האָט שלמה גאָלדין געאַרבעט אין דער רעדאַקציע פון דער צײַטונג "דער טאָג". אין 1947 – 1953 איז ער געווען דער רעדאַקטאָר פון דער צײַטונג. אין 1953 האָט "דער טאָג" זיך פאַרייניקט מיט דער צײַטונג "מאָרגן-זשורנאַל", און זינט דעמלט ביזן סוף פון זײַן לעבן האָט שלמה גאָלדין רעדאַגירט די פאַרייניקטע צײַטונג "דער טאָג-מאָרגן-זשורנאַל". חוץ דעם האָט שלמה גאָלדין אָנגעשריבן צוויי פּיעסן: "דער נדר" (1920) און "פרעמד בלוט" (1922).