אונטערשייד צווישן ווערסיעס פון "רוי:קאסאן (חסידות)"

'''קאסאן''' איז אן אונגאריש [[רשימה:חסידישע הויפן|חסידות]] געגרינדעט אין די תר״מ יארן דורך רבי [[יהוסף ראטנבערג]], איידעם און ממלא מקום פון רבי משולם פייש פון טאש.  

* רבי '''חיים שלמה''' דער זון פון רבי יהוסף האט איבערגענומען זיין פאטער׳ס רעביסטעווע. ער איז געווען אן איידעם פון רבי אשר ישעיה פון [[קאלבאסאוו]]. ער האט געדינט אין [[ניראדאן]], דערנאך אין דעברעצין און צום סוף אין קאסאן. זיין זון האט ארויסגעגעבן זיינע תורות אין דעם ספר "שמועה טובה". ער איז נפטר געווארן [[ו' טבת]] [[ה'תר"ף|תר״ף]]. נאָך זיין פטירה האבן ביידע זיינע ברידער און זיין זון געפירט.

* רבי '''משה שמואל''', זון פון רבי יהוסף, האט געפירט אין [[קליינווארדיין]]. סוף פון זיינע טעג איז ער אריבער צו די [[פאראייניגטע שטאטן|פאַראייניגטע שטאַטן]] און האט געוואוינט אין [[לאס אנדזשעלעס]]. ער איז נפטר געווארן [[ט״ז אייר]] [[תש״ו]].

* רבי ישראל צבי, זון פון רבי יהוסף, איז געווען אן איידעם (צוויי מאָל) פון זיין ברודער רבי חיים שלמה, און ביים דריטן זיווג אן איידעם פון רבי [[שלום אליעזר האלבערשטאם]] פון [[ראצפערט]]. נאָך דער פטירה פון זיין ברודער און שווער, האט ער אנגעהויבן פירן א רעביסטעווע. ער איז געווען א ראש ישיבה. אין די [[חורבן]] יארן האט מען אים אריבערגעפירט אין דער [[בערעגסאז|בערעגסאזער]] [[געטא]] און פון דאָרט קיין [[אוישוויץ]] וואו ער איז דערמארדעט [[ג׳ סיון]] [[תש״ד]] מיט זיין זון רבי אלטער חיים שלמה. זיין איידעם (ביים זיווג ראשון) איז געווען רבי חנניה יום-טוב ליפּא טייטלבוים פון [[נירבאטור]]. זיינע תורות זענען געדרוקט אינעם ספר "אור מלא".

* רבי פנחס שלום זון פון רבי משה שמואל האט אימיגרירט אין די תר״פ יארן אין די פאראייניגטע שטאטן האט געדינט אין דעם [[בראנקס]] און דערנא אין [[ברוקלין]]. ער איז געווען אן איידעם ביירבי נפתלי ערליך פון [[דעלאטין]] (איידעם פון רבי שלמה יעקב פון [[חסידות זידיטשוב|זידיטשוב]]). נפטר [[כ"ד תמוז]] [[ה'תשכ"ו]].

*** רבי משה שמואל קאסאנער רבי אין [[לאנדאן]]. האט א ישיבה ״עדות ביהוסף״.

* [http://www.piyut.org.il/articles/910.html#tush קאסאנער ניגונים] ״הזמנה לפיוט״ וועבזייטל.