אונטערשייד צווישן ווערסיעס פון "רבי אלעזר הקליר"

==זיינע פיוטים==

רבי אלעזר הקליר האט מחבר געווען הונדערטער פארשידענע פיוטים, פאר אלע ימים טובים (אמאל מער ווי איינס פארן זעלבן יום-טוב), פאר די ספעציעלע שבתים, פאר יומא דפגרא'ס, און פאר די תעניתים. דער עיקר ווערק זיינע זענען אינעם געביט פון [[קרובה]], דאס הייסט, פיוטים אויף [[חזרת הש"ץ]]{{הערה|שולמית אליצור, '''סוד משלשי קודש: הקדושתא מראשיתה ועד ימי אלעזר בירבי קליר''', ירושלים תשע"ט, עמ' 5.}}. זיינע פיוטים נעמען ארום אלע סארטן קרובות: א גרויסער צאל [[קדושתא|קדושתות]] פאר שחרית אין ימים טובים און ספעציעלע שבתים (ארבע פרשיות, שבע דנחמתא, און נאך), ווי אויך פאר מוסף ראש השנה און אלע תפילות פון יום כיפור; [[שבעתא|שבעתות]] פאר די הויכע שמונה עשרה פון מוסף, מנחה און מעריב (ווען מען פלעגט נישט זאגן קיין [[קדושה]]) פון שבתים און יום-טובים; [[קרובה|קרובות]] פאר די 18 ברכות פון שמונה עשרה פון די יומי דפגרא ([[פורים]], [[תשעה באב]], [[י"ז בתמוז]], און נאך); און קדושתות י"ח פאר וואכנדיגע טעג אין וועלכע קדושה פלעגט געזאגט ווערן ([[חנוכה]], [[הושענא רבה]]){{הערה|זעט באריכות: {{אוצר החכמה|שולמית אליצור|תרביץ|182813|page=2|קעפל=למקומו של היוצר במורשתו של ר' אלעזר בירבי קליר: גילויים חדשים|באנד=סו, ג (ניסן תשנ"ז)}}}}, ווי אויך אנדערע פיוטים פאר חזרת הש"ץ ווי תקיעתות פאר די ברכות פון מלכיות זכרונות און שופרות אין [[ראש השנה]], און א גרויסער צאל [[קינות]] פאר די חזרת הש"ץ פון [[תשעה באב]].

משכילים און פערזאנען וועלכע האבן אויפגעלעבט עברית האבן שטארק מזלזל געווען אין זיין סטיל. [[מענדעלע מוכר ספרים]] האט גענוצט א טערמין "מתאצקוצצים" צו שפעטן פון דער סטיל פון די פייטנים וואס ער האט נישט פארשטאנען{{הערה|מנדלי מוכר ספרים, '''[http://benyehuda.org/mos/book_of_beggars.html ספר הקבצנים]''', עמ' 23–24}}, און [[חיים נחמן ביאליק|ביאליק]] האט עס אנגערופן "אבני חצץ של אץ קוצץ"{{הערה|1=[[חיים נחמן ביאליק]], "[http://benyehuda.org/bialik/article07.html שירתנו הצעירה]", אודסה, כסלו תרפ"ו}}. צוביסלעך האבן חוקרים און לינגוויסטן קענענגעלערנט די טיפקייט און רייכטום פון דעם קליר'ס סטיל, בפרט ווען מ'האט אנגעהויבן פארשן די קאירא גניזה.

==ביבליאגראפיע==