אונטערשייד צווישן ווערסיעס פון "ניסוך המים"

די מצוה ווערט נישט דערמאנט אין דער [[תורה]], אבער לויט'ן [[מסורת]] איז דאס אן "[[הלכה למשה מסיני]]". מיט דעם, האבן [[חז"ל]] געטראפן א [[רמז]] צו ניסוך המים אין [[פרשת פנחס]] פון קליינע טוישונגען אין די אותיות צווישן די פסוקים - וואס זענען כמעט די זעלבע גלייך - וועגן די קרבנות פון די פארשידענע טעג פון סוכות, וואס שאפן צוזאמען די צירוף "מים"{{הערה|"מתניתין דרבי עקיבא, דרבי עקיבא אמר ניסוך המים דבר תורה: בשני ונסכיהם בששי ונסכיה בשביעי כמשפטם מ"ם יו"ד מ"ם: מים" ({{ירושלמי|ראש השנה|א|ג}}). רבי עקיבא באציט זיך צו די קרבנות וואס מען האט מקריב געווען אין בית המקדש חול המועד סוכות, אין צייט וואס ער פארלאזט זיך אויף קליינע אותיות טוישונגען וואס זענען דא אין געוויסע ווערטער, וואס ענדע שאפן זיי די ווארט "מים" - אין אלע טעג שטייט "ונסכה", אבער אינעם צווייטן טאג שטייט אנשטאט דעם "ונסכיהם" (מיטן צולייגן די אות מ"ם), און אינעם זעקסטן טאג שטייט "ונסכיה" (מיטן צולייגן די אות יו"ד). אין אלע טעג שטייט געשריבן "כמשפט", און אינעם זיבעטן טאג שטייט "כמשפטם" (מיטן צולייגן די אות מ"ם). און דאס איז דער רמז.}}. אין [[ספר שמואל]]{{הערה|1={{תנ"ך|שמואל א|ז|ה}}; {{תנ"ך|שמואל ב|כג|טז}}.}} ווערט דערמאנט ניסוך מים, אבער עס איז נישט פארבינדן צו [[רעגן]] אדער צו חג הסוכות.

דאס ניסוך ווערט געטון אום יום טוב סוכות וואס אין אים דאוונט מען און מען ווערט פארמשפט וועגן די וואסער - די [[ווינטער]] רעגן פון די יאר. די קרבן ניסוך המים, ענליך צו [[מנחת העומר]] אדער צו ברענגען [[ביכורים]], איז ווי א קרבן ראשית אויפ'ן ווינטער, ווי עס שטייט אין [[תוספתא]]: {{ציטוטון|אמר [[רבי עקיבא]]: אמרה תורה: הבא עומר שעורים בפסח, שהוא פרק שעורין, כדי שתתברך עליך תבואה... הבא ניסוך המים בחג כדי שיתברכו עליך גשמים.|{{תוספתא|סוכה|ג|ז}}}}

יעדן טאג פון די טעג פון סוכות, פארטאגס, זענען די כהנים און דער פאלק ארויס שעפן וואסער פון [[מעיין השילוח]] אין א [[גאלד]]ענע קרוג וואס אנטהאלט דריי [[לוג]] (ארום א [[ליטער]]). דאס שעפן איז געטון געווארן אין עפנטליכקייט און מיט גרויס פאראד, און איז באגלייט געווארן מיט מוזיקאלישע אינסטרומענטן. נאכן שעפן, איז מען אנגעקומען צו [[שער המים]] אין [[בית המקדש]] דארט האט מען געבלאזן מיט [[טרומפייטער]] און [[שופר]]ות תקיעה תרועה תקיעה. דער כהן וואס האט זוכה געווען אין די עבודה פון מנסך זיין, איז ארויף אויפ'ן [[כבש (מזבח)|כבש]] צום [[מזבח העולה]], און זיך געקערט צו די מערבית-דרומית ווינקל, דארט האט מען אפגעראכטן די נסכים. דער כהן האט געגאסן די וואסער פונעם גאלדענעם קרוג אין א [[זילבער]]נע [[טעפל]] וואס איז געלעכערט פון אונטן, צוזאמען מיטן גיסן וויין אין א זעלבע סארט טעפל דערנעבן, וואס איז אויך געלעכערט פון אונטן{{הערה|1=כדי דאס ארויסגיין פון די וואסער און די וויין זאלן זיך ענדיגן צוזאמען, איז די לאך פון די טעפל וויין געווען ברייטער, וויבאלד די וויין איז מער געדיכט, און וויבאלד מען האט אנגעהויבן צו גיסן די וויין און די וואסער אויף אמאל.}}. פון די טעפלען האבן די וואסער און די וויין גערינען דורך די מזבח צו די [[שיתין]] (א טיפער חלל אונטער'ן מזבח).