אונטערשייד צווישן ווערסיעס פון "רבי אלעזר הקליר"

'''רבי אלעזר בירבי קליר''' (אויך '''קיליר'''), אדער '''רבי אלעזר הקליר''' איז געווען א [[דיכטער]] פון [[ארץ ישראל]] פון די חשובע קלאסישע דיכטער. די פונקטליכע צייט ווען ער האט געלעבט איז נישט באקאנט; טייל זאגן אז ער איז פון די צייטן פון די [[תנאים]], אנדערע רוקן אראפ זיין צייט ביז ענדע די תקופה וואס די [[ביזאנטישע אימפעריע]] האט געוועלטיגט אין ארץ ישראל און די ערשטע יארן פון די [[מוסלמענער]] קאנטראל אויף ארץ ישראל. ער האט פארפאסט זייער אסאך [[פיוט]]ים, וואס טייל פון זיי זענען אריין אין די [[מחזור|מחזורים]] פון דאווענען אין [[נוסח אשכנז]], [[נוסח צרפת]], [[נוסח איטאליע]] אן [[נוסח רומעניע]], און נאך אסאך זענען געפונען געווארן אין [[קאיר גניזה]].

די משמעות פון די נאמען קליר איז נישט קלאר (צומאל ערשיינט ער אויך מיט '''קלר''' און '''קיליר'''). לויט [[ רבי נתן מרומי|רבי נתן]] בעל '[[הערוך]]', איז די מקור פונעם נאמען פון די [[גריכיש]]ע ווארט, {{משמאל לימין|κολλύρα}}{{הערה|שם=האנציקלופדיה היהודית|1={{cite web|url=http://jewishencyclopedia.com/articles/9148-kalir-eleazar|title=ḲALIR, ELEAZAR|accessdate=30 September 2013|year=1906|work=[[האנציקלופדיה היהודית]]|language=en}}}} וואס איר טייטש איז א [[קוכן]], און דאס איז וויבאלד די קלוגשאפט פון ר' אלעזר איז אים אנגעקומען פון עסן א קוכן וואס דערין איז געווען [[קמיע]]{{הערה|1=[http://www.hebrewbooks.org/pdfpager.aspx?sits=1&req=42538&st=%u05E7%u05DC%u05E8 ערוך ערך קלר]. געבן צו עסן פאר קינדער קוכן מיט פסוקים איז נישט פרעמד צו אידישקייט. [[רבי אלעזר פון ווירמייזא|רבי אלעזר בעל הרוקח]] ברענגט א מנהג צו פיטערן די קינדערן מיט קוכן און דערויף פסוקים פון [[ספר ישעיהו|ישעיהו]] [[S:ישעיהו נ|נ', ד-ה]] און [[ספר יחזקאל|יחזקאל]] [[S:יחזקאל ג|ג, ג]] ביים אריינגיין צו לערנען תורה [[שבועות]] ביינאכט.}}. [[שד"ל]] האט פארגעשלאגן אז מעגליך איז די מקור פון איבערדרייען די אותיות פון די ביזאנטישע נאמען קיריל, און מען דארף עס ליינען קיליר{{הערה|1=שד"ל ציטירט די געדאנק פון רבי משה לנדאו, אייניקל פון [[נודע ביהודה]], אין זיין פירוש אויף הערוך "מערכי לשון".}}.