אונטערשייד צווישן ווערסיעס פון "רבי משה טויב"

רבי משה איז געבוירן [[כ"ח אלול]] [[ה'תרצ"ח|תרצ"ח]] אין [[מיהאליפאלווא]] (Valea lui Mihai) אין [[רומעניע]] צו [[רבי מנחם שלמה טויב]] און ריזל, א טאכטער פון רבי ישכר דוב רוקח דעם [[לינסק (חסידות)|לינסק]]ער רבי, אן אייניקל פון צדיקי בית [[בעלזא]] און [[ראפשיץ (חסידות)|ראפשיץ]]. ער הייסט נאך זיין זיידן [[רבי משה טויב (עת רצון)|רבי משה טויב]], דער קאלובער רבי בעל "עת רצון".

ביים תקופה פון דער [[חורבן אייראפע|צווייטער וועלטס קריג]] האט ער זיך אריבער געצויגן מיט זיין טאטן קיין אמעריקע, דארט האבן זיי זיך באזעצט אינעם [[לאוער איסט סייד|איסט סייד]] געגנט. ער איז אריין לערנען אינעם [[ליובאוויטש (חסידות)|ליובאוויטש]]ער תלמוד תורה און שפעטער אין [[צאנז-קלויזענבורג (חסידות)|קלויזענבורג]]ער ישיבה ביי [[רבי יקותיאל יהודה האלבערשטאם]], דער קלויזענבורגער רב. ווען ער איז אלט געווען זעכצן יאר איז ער געפארן לערנען אין [[ארץ ישראל]] אינעם בעלזער ישיבה. זייענדיג א בעלזער אייניקל, האט אים דער בעלזער רב, [[רבי אהרן רוקח]], שטארק מקרב געווען. נאך צוויי יאר האט ער זיך צוריק געקערט קיין אמעריקע וואו ער איז אריין אין [[בית מדרש עליון]] ישיבה און [[מאנסי]].

ער האט חתונה געהאט מיט רעביצין יוכבד, א טאכטער פון רבי לוי יצחק קלוגהויפט, דער [[סטרעליסק (חסידות)|סטרעליסק]]ער רבי פון [[לאנדאן]]. נאך זיין חתונה האט ער זיך באזעצט אין לאנדאן נעבן זיין שווער, ער האט געלערנט אינעם כולל פון רבי שלום שניצלער, דער טשאבער רב פון לאנדאן, א זון פון [[רבי שרגא שמואל שניצלער|רבי שרגא שמואל]].