אונטערשייד צווישן ווערסיעס פון "רוי:מאריס הירש"

באַראָן '''משה "מאָריס"''' '''הירש''' ([[דייטשיש]]: ''Moritz Freiherr von Hirsch auf Gereuth‏'' ''מאָריץ פרייהער פאן הירש אויף גערויט''; [[9טן דעצעמבער]] [[1831]] - [[21סטן אפריל]] [[1896]]) איז געווען א אידישער [[אליגארך|אָליגארך]], און א מולטי מיליאָנער פון [[דייטשלאנד]], אָבער האָט געוואוינט אין פארשידענע לענדער פון [[מערב אייראפע|מערב אייראָפּע]], ווי [[פראנקרייך]], [[גרויסבריטאניע]], און אין די [[עסטרייך אונגארישע אימפעריע]].  

ער איז געבוירן צו א רייכע יידישע [[פאמיליע]], אין דער [[בייערן|בייערישער]] [[הויפטשטאט|הויפּטשטאָט]] [[מינכן]]. ער האט באקומען א טראדיציאנעלע דערציאונג, און צו זיין [[בר מצווה]], איז ער געשיקט געווארן לערנען אין [[בריסל]] יידישע לימודים. ער האט אבער גענויגט צו געשעפטן, און אין [[1851]], איז ער געווארן אן איינגעשטעלטער אין א [[באנק]]. אין [[28סטן יוני]] [[1855]], האט ער חתונה געהאט מיט די טאכטער פון דעם באנק דירעקטאר, קלארא. דעמאלט האט ער געהאט א ריזיקן דערפאָלג געהאט אין זיינע געשעפטן, און האט באקומען די רשות צו לייגן [[באן]] ליניעס, איבער די לענג און די ברייט פון [[אייראפע]], אין [[עסטרייך]], אין [[טערקיי]], און אין די [[באלקאן לענדער]], ער האט אויפגעשטעלט די טראנס באלקאן באן ליניע, פון טערקיי קיין מערב אייראפע, וואס איז געווען זייער דערפאָלגרייך, ער האט צוליב דעם, זיך אריבערגעצויגן קיין [[פאריז]], און באקומען פראנצויזישע בירגערשאפט.