אונטערשייד צווישן ווערסיעס פון "רוי:מאה שערים"

דער פלאנירער פונעם קווארטל איז געווען דער [[דייטשלאנד|דייטשער]] [[ארכיטעקט]] און [[ארכעאלאג]] איינוואוינער פון ירושלים [[קונרד שיק]]. אום [[אייר]] [[ה'תרל"ד]] (מאי [[1874]]) איז געלייגט געווארן די אבן הפינה און אום [[ראש חודש]] כסלו [[ה'תרל"ה]] (דצמבר 1874) איז פארענדיגט געווארן די ערשטע צען הייזער אין קווארטל. אום ט' כסלו ה'תרל"ה האט מען געפייערט די "הנחת אבן הפינה" פארן ערשטן בית הכנסת אין קווארטל, ביהכנ"ס "ישועות יעקב" (שטיבלאך מאה שערים), אין שפיץ פון [[רבי מאיר אויערבאך]]<ref>{{צ-ספר|שם=ירושלים של מעלה|מקום הוצאה=ירושלים|שנת הוצאה=ה'תשמ"ג}}</ref>. אום [[חנוכה]] [[ה'תרל"ה]] איז געווען א גורל צווישן די מיטגלידער פונעם גרופע אויף די הייזער פונעם קווארטל, צווישן די געווינער איז געווען [[רבי אשר אנשיל ניימאן]] רב אין וייטצען און סוף ימיו אין ירושלים, מח"ס כרם בן שמן. אום [[ה'תרמ"א]] (1880) האט מען געפפיערט די "חנוכת הבית" פונעם גאנצן קווארטל. אסאך געלט צו בויען די קווארטל איז געשאפן געווארן פון די ביישטייערונג פון [[רבי מאיר אויערבאך]] פון קאליש און רב אין ירושלים. אום ה'תרל"ד זענען געדרוקט געווארן די תקנות פונעם קווארטל. אום [[ה'תר"ן]] ([[1890]]) האט די קווארטל אריינגערעכנט 200 הייזער און ארום 800 איינוואוינער, און דריי יאר שפעטער איז ארויף די צאל הייזער צו 300 און די איינוואוינער צו ארום 1,500, אין רעזולטאט פון די הויכע געבורט ראטע און די אימיגראציע כוואלעס פון [[מזרח אייראפע]]. די שנעלע וואוקס פונעם באפעלקערונג האט געשעדיגט די היגיענישע סטאנדארטן, און זי איז פארוואנדלט געווארן אין א ענגע פארלאזטע פלאץ. צו דעם האט צוגעגעבן די פאקט אז נאך [[מלחמת העצמאות]] און טיילונג פון ירושלים איז זי געווען א קווארטל נאנט צום ירדני'שע גרעניץ.

די פארוואלטונג פונעם קווארטל איז איינגעלייגט געווארן ביי א קאמיטע וואס האט זיך געציילט ביי 7 מיטגלידער, און האט דורכגעפירט די שטרענגע תקנות פונעם קווארטל. אין צוגאב צו זיין שטרענגע זארג אויפן ריינקייט פונעם קווארטל און אוועקשטעלן תקנות וועגן אפלויף וואסער דורך רערן צו די בורות וואסער, האט ער אויך גע'דאגה'ט צו אפהיטן איר פרומע כאראקטער דורך תקנות פון די סארט "מען טאר נישט פארינגען א הויז פאר ווער עס איז נישט מוחזק אלס א כשר'ער איד". כדי צו אפהאלטן א חשש אז מיט די יארן וועט זיך טוישן די כאראקטער פונעם באפעלקערונג, איז אוועקגעשטעלט געווארן פון פאראויס אז די תקנות זענען לדורות און מען טאר זיי נישט טוישן.

ווי רבנים פון קווארטל האבן געדינט, צווישן אנדערע, הרב [[שאול חיים הלוי האראוויץ]] וואס האט גערינדעט די [[ישיבת מאה שערים]] צוזאמען מיט הרב [[זרח בראווערמאן]], און האט געדינט ווי דער רב פון קווארטל און ראש הישיבה אין די יארן ([[ה'תרמ"ה]]-[[ה'תרס"ה]]), און אויך זיין פלומעניק הרב [[יוסף גרשון האראוויץ]] וואס האט געדינט אין די שטעלע'ס ארום 46 יאר (ה'תרס"ה-[[ה'תשי"א]]).