רוי:רבי אלכסנדר סענדער יום טוב ליפא אייכנשטיין

רבי אלכסנדר סענדער יו"ט ליפא אייכנשטיין זצ"ל (ה'תקפ"ד - י"א תשרי ה'תרמ"ד), רבי אין זידיטשוב.

אפשטאם

רבי סענדער ליפא איז געבוירן אין יאר ה'תקפ"ד (אומגעפער), דער עלצטער זון צו זיין פאטער, רבי יצחק אייזיק אייכנשטיין רבי אין זידיטשוב, באקאנט אלס דער מהרי"א, א זון פון רבי ישכר בעריש אייכנשטיין רב אין זידיטשוב, דער פערטער זון פון רבי יצחק אייזיק אייכנשטיין פון סאפרין.

רבנות

רבי סענדער ליפא איז געווען זיין פאטער'ס רעכטע האנט, מערסטנסטייל פלעגט ער דאווענן מוסף שבת פאר דעם עמוד. ער איז געווען א תלמידד פון זיין שוועסטער-קינד רבי יהודה צבי הירש אייכנשטיין רב אין ראזלא, רבי סענדער ליפא האט געהאט היתר הוראה פון רבי יוסף שאול נאטאנזאן דער שואל ומשיב.

רבי סענדער ליפא איז געווען דרייסיג יאר רב אין זידיטשוב, פון תרי"ד ביז תרמ"ד. נאך דער פטירה פון זיין פאטער אין תרל"ג איז ער געווארן זידיטשויווער רבי אויף זיין פאטער'ס ארט.

הסתלקות

יום כיפור תרמ"ד איז רבי סענדער ליפא שוין געווען זייער שלאַף, דאך האט ער געזאגט ביינאכט מיט א ציטערדיגער שטימע לדוד מזמור, און בייטאג האט ער געזאגט שיר המעלות ממעמקים. מוצאי יום כיפור האט ער מחדש געווען די לבנה, צומארגנס י"א תשרי ה'תרמ"ד איז ער נפטר געווארן.

פאמיליע

רבי סענדער ליפא האט געהייראט בזיווג שני א טאכטער פון רבי יהודה ליביש יאליש א זון פון מלא הרועים. זיינע קינדער:

• רבי יהושע העשיל אייכנשטיין (ה'תר"ב (אומגעפער) - ה'תרמ"ה (אומגעפער) ), רב אין חודראוו.

• רבי ישכר בעריש אייכנשטיין (ה'תר"ח (אומגעפער) - כ"א ניסן ה'תרפ"ד), פון ווערעצקי.

• רבי אהרן מנחם מענדל אייכנשטיין (ה'תר"י (אומגעפער) - י"ט מנחם אב ה'תרפ"ג), פון אלעסק.

• רבי יוסף אייכנשטיין (ה'תרט"ו (אומגעפער) - ה'תר"פ (אומגעפער) ), פון טארניפאל.

• רבי יהודה אייכנשטיין, פון סאנוק.

• רבי פנחס אייכנשטיין, פון סטריא.

• מרת ליבעלי, די ווייב פון רבי משה חיים סאפרין, פון אלטשטאט.

• מרת דבורה, די ווייב פון רבי חיים יחיאל רובין (כ"ג ניסן ה'תרי"ד - ה'תרע"ח), רבי אין דאמבראווא.

• מרת אסתר, די ווייב פון רבי שמעון בצלאל ניימאן.

רעפערענצן

• אנציקלופדיה לחכמי גליציה, מאיר וונדר

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!