אונטערשייד צווישן ווערסיעס פון "רוי:רבי גרשון לאפיאן"

הרב '''גרשון לאפיאן''' ([[ה'תרצ"ט|תרצ"ט]] - [[כ"ט שבט]] [[תשע"ד]]) איז געווען א רב אין [[עדזשווער]], [[לאנדאן]] און א דיין אין דער [[פעדעריישן (לאנדאן)|פעדעריישן]] קהילה. ער איז געווען א זון פון רבי [[לייב לאפיאן]], א ראש ישיבה אין [[געיטסהעדער ישיבה|געיטסהעד]], און אן אייניקל פון רבי [[אליהו לאפיאן]].

ביי דער עלטער פון 21 האט ער אנגעהויבן לערנען אין דער ישיבה אין [[כפר חסידים]], וואו זיין זיידער רבי אליה איז געווען משגיח. נאכהער האט ער געלערנט אין דער [[חברון ישיבה]] אין [[ירושלים]]. ביי די 24 איז ער געווארן איינער פון די געציילטע מענטשן צו באקומען היתר הוראה פון רבי [[שלמה זלמן אויערבאך]]. ווען מען האט אויפגעשטעלט דעם [[סונדערלאנד]]ער כולל איז ער אריבער דארטן און געבליבן לערנען אין כולל מער ווי צען יאר. ער האט געהייראט זיין פרוי יהודית, א טאכטער פון דאקטער יצחק סאבערסקי פון [[בערלין]] און [[לאנדאן]]. במשך א לענגערער צייט פלעג א פארן קיין לאנדאן צו באקומען שימוש ביים רב, הרב [[חנוך העניך פאדווא]]. אין תשל"ג איז ער געפארן קיין [[ניו יארק סיטי|ניו יארק]] אויף פינף חדשים צו באקומען שימוש ביי הרב [[משה פיינשטיין]].