אונטערשייד צווישן ווערסיעס פון "רוי:פיאדאר טיוטשעוו"

עס זענען פאַרבליבן אַן ערך 400 פון זיינע [[לידער]], וואָס זייערע שורות ציטירט מען אָפט אין רוסלאַנד. טיוטשעווס פריע לידער זענען געשריבן אויפן שטייגער דער פּאָעטישער טראַדיציעס פונעם [[18טע י"ה|18סטן יאָרהונדערט]]. אין זיינע געדיכטן, וואָס שטאַמען פון די 1830ער, זענען שטאַרק די טראַדיציעס פונעם אייראָפּעישן (באַזונדערס דייטשן) [[ראָמאַנטיזם]]. דאָס איז [[פילאזאפיע|פילאָסאָפישע]] (מעדיטאַטיווע) דיכטונג, וואָס איר וויכטיגסטע טעמעס זענען: געדאַנקען וועגן דער אַלוועלט, וועגן דעם מענטשליכן גורל, וועגן דער [[נאטור|נאַטור]]. אין די 40ער יאָרן האָט טיוטשעוו געשריבן אַ ריי [[פאליטיק|פּאָליטישע]] אַרטיקלען, געווידמעט דער פּראָבלעם פון די באַציונגען צווישן [[רוסלאַנד]] און דער מערבדיקער [[קולטור|ציוויליזאַציע]]. אין די 1850 האָט ער געשאַפן עטליכע שאַרפע ליבעס-לידער, וואָס אין זיי די ליבע איז באַטראַכט ווי אַ טראַגעדיע. די דאָזיקע לידער זענען דערנאָכדעם געווען פאראייניגט אין אַזוי-גערופענעם "דעניסיעווער ציקל" – דהיינו דעם לידער-ציקל, געווידמעט י.אַ. דעניסיעווען, דעם דיכטערס אַ געליבטער. אין די 60-70-ער יאָרן שאַפט טיוטשעוו על-פי-רוב פּאָליטישע [[ליריק]].