אונטערשייד צווישן ווערסיעס פון "רוי:מגילת תענית"

'''מגילת תענית''' איז א קורצע מגילה געשריבן אויף [[לשון תרגום]] אין סוף פונעם [[בית שני]]. דארטן ווערט גערעכנט 35 טעג ווען ס'איז געשען די אידן פריילעכע פאסירונגען, וואס מ'טאר נישט פאסטן סיי אין די טעג סיי אין די טעג פאר זיי און נאך זיי (גמרא [[מסכת ראש השנה]] דף י"ט ע"א), און טייל טעג וואס מ'טאר אפילו נישט מאכן קיין [[הספד]]ים. די געשעענישן האבן פאסירט במשך 500 יאר, פון די טעג פון [[עזרא]] און [[נחמיה]] ביז די טעג פון דעם רוימישן קיסר [[קאליגולא]].

צווישן די פריילעכע טעג פון מגילת תענית זענען [[חנוכה]], [[פורים]], [[חמשה עשר באב]], ווי אויך [[ג' תשרי]] און [[י"ג אדר]], אבער שפעטער האט מען קובע געווען תעניתים [[צום גדליה]] און [[אסתר תענית]]. ביז צום סוף פון דעם זמן פון די [[תנאים]] האט מען נאכאלץ געהיטן די איסורים פון מגילת תענית. היינטיגע צייטן האלט מען פון די טעג נאר חנוכה, פורים און [[ראש חודש]].