א' שבט

א' שבט איז דער ערשטער טאג פונעם פינפטן חודש אין די אידישע יאר, ציילנדיג פון תשרי, און דער ערשטער טאג פונעם עלפטן חודש ציילנדיג פון ניסן.

די טעג ווען א' שבט קען געפאלן זענען:

קביעות פון יאר	טאג	סדרה
בשה בשז גכה גכז	מאנטאג	בא
החא	דינסטאג	בא
הכז	מיטוואך	בא
השא השג	דאנערשטאג	בא
זחא זחג	דאנערשטאג	וארא
בחג בחה זשג זשה	שבת	וארא

חגים וזמנים

• ראש השנה לאילנות לויט די בית שמאי
• די טעג פון קור הייבן זיך אן, לויט רבי יהודה

געשעענישן

• ב'תפ"ח – משה רבינו הייבט אן זאגן משנה תורה פאר די אידן.
• ה'רמ"א – די שפאנישע אינקוויזיציע הייבט אן איר ארבעט.
• ה'תרמ"ב – א גרופע יוגנטליכע משכילים גרינדן אין כארקוב דעם ביל"ו באוועגונג, אין רעאקציע צו די פאגראמען א יאר בעפאר.

געבוירן

• ה'תרל"ב – רבי חזקיה הכהן רבין, דער הויפט רב אין בוכארא (נפטר ה'תש"ה)
• ה'תר"ס – טשיונע סוגיהארא, יאפאנישער קאנסול פון די חסידי אומות העולם (געשטארבן אין 1986)

יארצייטן

• ב'תפ"ח – לויט איין שיטה, נפטר געווארן אהרן הכהן
• ה'תקע"ב – רבי נטע פון כעלם, א תלמיד מובהק פון רבי אלימלך פון ליזענסק
• ה'תקע"ד – רבי אליעזר היילבוט, א רב פון דייטשלאנד און דער מחבר פון "משנת דרבי אליעזר"
• ה'תר"ט – רבי אברהם זאב פרענקל, דער רב פון פשעווארסק און ריישא, מחבר פון "משיב כהלכה" (געבוירן ה'תק"מ)
• ה'תרל"ט – רבי משה שיק, דער "מהר"ם שיק", רב פון יערגין און חוסט און פון די גרעסטע מנהיגים אין אונגארן (געבוירן ה'תקס"ו)
• ה'תרצ"ט – רבי יחזקאל ראטער, א רב, אדמו"ר, ראש ישיבה און מגיד מישרים אין קלויזנבורג, מחבר פון "זכרון יחזקאל"
• ה'תשל"א – רבי משה יחיאל הלוי עפשטיין, אזשעראווער רבי, מחבר פון "אש דת" און "באר משה" (געבוירן ה'תר"ן)
• ה'תשל"ח – רבי אברהם שמואל ראנד, ראש ישיבת מתיבתא אין לאנדאן, מחבר פון "שמן ראש"
• ה'תשנ"ז – רבי אברהם פארבשטיין, ראש ישיבת חברון, פון די עורכים פון די אנציקלופדיה תלמודית און א מיטגלידער פון די מועצת גדולי התורה פון דגל התורה.
• ה'תשס"ב – רבי בנימין ראבינאוויטש, א רב, דיין, ראש ישיבת תולדות אהרן, חבר הבד"ץ פון די עדה החרדית אין ירושלים, און אדמו"ר פון משכנות הרועים

---

• כ"ט טבת – ב' שבט
• שבט