רוי:סלאווישע שפראכן

פארשפרייט פון די סלאווישע שפראכן

די סלאווישע שפראכן זענען א גרופע פון נאנט פארבינדענע שפראכן פון די סלאווישע פעלקער און אן אונטער-גרופע פון די אינדא-אייראפעישע שפראכן וואס מ'רעדט אין רוב פון מזרח אייראפע, אין די באלקאנען, אין טייל פון צענטראל אייראפע און אין צפון אזיע.

צווייגן

די סלאווישע שפראכן ווערן צעטיילט אויף דריי עיקר צווייגן:

• אסט-סלאוויש, וואס איז כולל רוסיש, אוקראיניש, בעלארוסיש, רוסיניש.
• וועסט-סלאוויש, וואס צווייגט זיך אפ ווייטער אלס:
  • טשעכיש און סלאוואקיש,
  • אויבער סארביש און אונטער סארביש (מינאריטעט שפראכן אין דייטשלאנד),
  • לעכישע שפראכן: פויליש, פאמעראניש/קאשוביש, שלעזיש און פאלאביש (א טויטע שפראך),
  • כנעניש (א טויטע שפראך).
• דרום-סלאוויש, וואס צווייגט זיך אפ ווייטער אלס:
  • מערב טייל: סערביש, סלאוועניש, קראאטיש און באסניש, (געשריבן אין לאטיינישן שריפט, אחוץ סערביש אין צירילישן שריפט),
  • מזרח טייל: בולגאריש אוין מאקעדאניש (אין צירילישן שריפט).
    • די עלטסטע סלאווישע ליטערארישע שפראך איז געווען אלט קירכע סלאוואניש.

אחוץ דעם דרייפאכיגן שפאלט איז אויך פאראן דיאלעקטן פון יעדער שפראך.

כאטש די סלאווישע שפראכן האבן זיך געשפאלטן פון איין קדמונישער שפראך אסאך שפעטער פון אלע אנדערע אייראפעישע שפראכן, די חילוקים צווישן זיי איז גענוג גרויס אז עס קען זיין שווער פאר א רעדער פון איין סלאווישע שפראך צו פארשטיין א צווייטן.

סלאווישע שפראכן
אסט-סלאוויש:	אוקראיניש | בעלארוסיש | רוסיניש | רוסיש
וועסט-סלאוויש:	טשעכיש | כנעניש (יידיש-טשעכיש) | סארביש: אויבער סארביש, אונטער סארביש | סלאוואקיש | פויליש | קאשוביש | שלעזיש
דרום-סלאוויש:	בולגאריש | מאקעדאניש | סלאוועניש | סערבא-קראָאַטיש: באסניש, סערביש, קראָאַטיש, מאנטענעגריניש
אַנדערע:	אלט קירכע סלאוואניש | אינטערסלאוויש

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!