רוי:רבי שלמה זלמן אולמאן (מאקאווא)

הרב שלמה זלמן אולמאן (נפטר י"א טבת ה'תרכ"ג), דער בעל יריעות שלמה, איז געווען רב אין דער שטאט מאקאווא.

ער איז געווען דער זון פון הרב שלום אולמאן און דער זיידע פון הרב שלמה זלמן אולמאן דער רב פון ביסטריץ און פרעזעס פון דער ארטאדקסישער קאנצעליי פון זיבנבערגן.

ער האט חתונה געהאט מיט א טאכטער פון הרב בונם אייגער פון מאטערסדארף.

הרב שלמה זלמן איז נפטר געווארן דאנערשטאג ביינאכט י"א טבת תרכ"ג אין מאקעווע, און מען האט באערדיגט אינעם ארטיגן בית החיים זונטאג י"ג טבת.

דער יריעות שלמה איז געדרוקט געווארן דורך הרב פינחס זעליג שווארטץ פון מאד, אן אייניקל פון דעם מחבר הרב שלמה זלמן אולמאן. שפעטער אין יאר תשס"ט האט זיין אייניקל הרבני הנגיד הרב חיים ארי' שפיטץ ארויסגעגעבן לאור עולם זיינע תשובות, אונטערן נאמען שאלות ותשובות יריעות שלמה, נאך יארן הארעוואניע איבערצוזעצן די אלע כתבים און מגיה זיין.

רעפערענצן

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!