רוי:אדיעקטיוו

אַדיעקטיוו איז אן אייגנשאַפטסוואָרט. עס איז דער נאמען פון א ווארט פון די טייל פון די שמועס וואס באשרייבט און טוט מאדיפיצירן דער מיינונג פון א סובסטאנטיוו אדער א פראנאם דורכ'ן אויסמשלן און באגרעניצן אדער קוואליפיצירן און ספעציפיצירן.

ווי צום ביישפיל גרויס, אלט מיעד זענען אדיעקטיווען פאר סובסטאנטיוון ווי מענטשן זאכן און פלעצער.

אן אדיעקטיוו שרייבט מען אדער פאר'ן סובסטאנטיוו אדער נאך אים. למשל:

• א ווייסער טיש
• דער טיש איז א ווייסער
• דער טיש איז ווייס

אין די ערשטע צוויי פעלער בייגט מען דעם אדיעקטיוו מיט א סופיקס. אין דעם ערשטן פאל, למשל, בלשון זכר לייגט מען צו ביי דער ענד פון דעם אדיעקטיוו: ער, און אויב דאס זאך-ווארט איז לשון נקבה אדער לשון סתם, קומט ביי דער ענד נאר ע. ווי צב"ש: דער גרעסטער מענטש, די גרעסטע פרוי, דאס גרעסטע קינד. אד"ג.

די פאלגענדע טאבעלע ווייזט די כללים צו בייגן אדיעקטיוון.

	נאָמינאַטיוו	אַקוזאַטיוו	דאַטיוו
יחיד, זכר (מענליך)	-ער	-ן -ען -עם	-ן -ען -עם
יחיד, נקבה (ווייבליך)	-ע	-ע	-ער
יחיד, נייטראַל	-ע	-ע	-ן -ען -עם
רבים (מערצאל)	-ע	-ע	-ע

ווען מ'ניצט א נומער אלס א סדר-אדיעקטיוו, ביז נומער 20 לייגט מען צו ביי דער ענד -טער, און פון 20 און ווייטער לייגט מען צו ביי דער ענד פון דעם ווארט א 'סמ"ך' אויך. ווי צב"ש 19טער סעפטעמבער, 20סטער סעפטעמבער. 19טער י"ה, 20סטער י"ה אד"ג.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!