אונטערשייד צווישן ווערסיעס פון "רוי:ירדן טייך"

'''ירדן''' (אדער יאַרדן) איז דער גרעסטער טײַך אין [[ארץ–ישׂראל]] פון [[עבר הירדן]], גײט פון [[צפון]] צו [[דרום]], קומט פון די סירישע וואַסערן, פליסט אַדורך דעם [[כנרת|ים–כּנרת]], קומט אַרויס פון דאָרט און פליסט אין טאָל ([[עמק–הירדן]]) ביז ער פאַלט אַרײַן אין [[ים המלח|ים–המלח]]. דער נאָמען ירדן ווערט דערמאָנט, אַחוץ אין [[חומש]] און אַנדערע [[תנ"ך]]–ספרים (דאָס ערשטע מאָל [[בראשית]] י"ג "ככר הירדן“), אויך אין אַלטע–עגיפטישע דאָקומענטן, דאָס וואָרט "ירדן“ זאָלֹ זײַן פון וואָרט "ירד“. אַראָפנידערן, אַראָפפליסן פון דער הויך אין די נידער.

אין תנ"ך און אַלטער יידישער געשיכטע פאַרנעמט דער ירדן אַ גרויס אָרט. בײַם אײַננעמען ארץ–ישׁראל אין דער צייט פון [[יהושע בן נון]] ([[ספר יהושע|יהושע]] ג') זענען די אידן אַריבער דעם ירדן און דאָס וואַסער איז געשפאַלטן געוואָרן פון בײדע זײַטן. אַרום דעם ירדן זענען פאָרגעקומען די וואונדער–ספורים פון די [[נביא|נבֿיאים]] [[אליהו]] און [[אלישע]] ([[ספר מלכים|מלכים]] ב' ב', ה' ו').

די לענג פון ירדן איז בײַ 150 קילאָמעטער, און די ברײט נאָר עטלעכע מעטער. בײַם ירדן זענען לעצטנס אַנשטאַנען אַ רײ ייֵדישע מאַדערנע קאָלאָניעס ווי אויך די עלעקטרישע [[רוטענבערג–סטאַנציע]]. דער [[כנרת]] איז אן אזערע פון דעם ירדן טייך.

[[קאטעגאריע:אומבאקוקט]]

[[קאטעגאריע:אויף יידיש]]