אונטערשייד צווישן ווערסיעס פון "חיים משה שטויבער"

{{דעסקריפציע|סאטמארער עסקן אין אמעריקא (1941-2020)}}

| תאריך לידה עברי = כ"א כסליו תש"ב

| תאריך פטירה עברי = י' אייר תש"פ

| כיתוב = ביים אויפטרעטן ביי [[דינער (סעודה)|דינער]] פון [[כולל שומרי החומות]]

'''חיים משה שטויבער''' (אדער '''שטאובער'''; תש"ב–תש"פ) איז געווען א כלל-טוער, עסקן, און ווארטזאגער פאר [[סאטמאר (חסידות)|סאטמאר]] אין אמעריקע.

חיים משה איז געבוירן אין [[קארסלבורג]] אום [[כ"א כסליו]] תש"ב, צו רבי יחזקאל מנחם שטויבער, [[שוחט|שו"ב]] אין קארלסבורג, [[אראד]], [[צפת]], און [[אנטווערפן]]. אלס בחור האט חיים משה צוערשט געלערנט אין לאנדאן{{מקור}} ביי [[רבי אליקים שלעזינגער]], דערנאך אין [[ישיבת עץ חיים (בעלגיע)|קאפעלן]], אנטווערפן ביי [[רבי יצחק דוב קאפלמאן]], און אין יאר תשי"ח איז ער געקומען אויף אמעריקע לערנען אין ישיבה פון סאטמארער רבי'ן, [[רבי יואל טייטלבוים]], וועמען ער האט משמש געווען א שטיק צייט אלס [[הויז בחור]]{{הערה|[[#זכרונות|זכרונות פון רבנו הקדוש מרן ר' יואל טייטלבוים מסאטמאר]], עמוד 97}}. אין תשכ"ב האט ער חתונה געהאט מיט די טאכטער פון רבי צבי אביגדור פעקעטע, [[נאנאש]]ער רבי פון [[וויליאמסבורג]]. נאך זיין חתונה האט ער געדינט אלס אדמיניסטראטער פון [[בית יעקב]] אין וויליאמסבורג.

אין יאר תשל"ב איז ער אויפגענומען געווארן אלס רעדאקטער פון צייטונג [[דער איד]]{{הערה|{{לינק|אדרעס=https://www.tabletmag.com/sections/arts-letters/articles/new-yorks-yiddish-press-is-thriving|קעפל=New York's Yiddish Press Is Thriving|זייטל=Tablet Magazine}}}}. אונטער אים איז עס שטארק ארויפגעארבעט געווארן, און האט אנגעהויבן ארויסקומען אויף א וועכנטליכער פארנעם, און באשרייבן וועלטליכע נייעס. ער האט געשריבן [[עדיטאריעל]]ס אונטערן פסעוודאנם "שמחה בוימל" (אקראנים פאר: ה'רב ח'יים מ'שה ש'טויבער ב'ן י'חזקאל מ'נחם ו'ל'אה), און נאך נעמען געוואנדן לויט דער כאראקטער פונעם ארטיקל. אין יאר תשל"ח האט ער אויפגעגעבן די פאזיציע צוליב דרוק פאר'ן שרייבן זאכן וואס האט נישט געשמעקט פאר טייל סאטמארע חסידים{{מקור}}, דאן האט ער ארויסגעגעבן עטליכע יאר א טעגליכער צייטונג אויף ענגליש "The World Jewish Tribune", וואס האט זיך אויך פארמאכט נאך עטליכע יאר, נאך טענות אז ער איז נישט גענוג שארף אנטקעגן [[ציוניזם]]{{הערה|שם=אינט}}{{הערה| זעט {{לינק|אדרעס=https://newspapers.library.in.gov/cgi-bin/indiana?a=d&d=JPOST19791109-01.1.12|שרייבער=Jewish post|קעפל=Digest of The Yiddish Press|עמודים=12}}}}. שפעטער האט ער צוריקגענומען די פאזיציע פון יאר תשנ"ד ביז תש"ס{{מקור}}.

א שטיקל תקופה איז ער געווען א בדחן אויף חתונות, אזוי ווי זיין פאטער און אנדערע געשוויסטער.

אין תשס"ז האט ער געליטן פון א [[אנפאל|סטראוק]]{{הערה|שם=אינט|{{אידיש24|אלגעמיינע אינטערוויו|19416|שטריכן און אנעקדאטן וועגן די אלזייטיגע פעולות און פילפארביגער פערזענלעכקייט פון ר׳ חיים משה שטויבער ז״ל - אבסערוואציעס פון א זון}}}}, און ער איז נפטר געווארן י' אייר תש"פ.

ער פלעגט אויפטרעטן ביי פארשידענע געלעגנהייטן, אריינגערעכנט רעדעס אויף [[ענגליש]] פאר די [[פרעסע]] ביי דעמאנסטראציעס קעגן [[מדינת ישראל]] אנגעפירט דורך סאטמארער חסידים. און האט געדינט אלס ווארטזאגער אריינצושטעלן אפיציעלע לייט-ארטיקלען אין אלגעמיינע צייטונגען אין נאמען פון סאטמאר{{הערה|{{NYT|2=Deaths Lefkowitz, Rabbi Leopold (Leibish)|3=1998/08/04/classified/paid-notice-deaths-lefkowitz-rabbi-leopold-leibish.html|4=August 4 1998}}}}{{הערה|{{NYT|2=Deaths Deutsch, Rabbi Sender|3=1998/09/04/classified/paid-notice-deaths-deutsch-rabbi-sender.html}}}}.

ער איז געווען פון די גרינדער פונעם [[יד לאחים]] אפיס אין אמעריקע; א פירנדער מיטגליד אין דער [[רב טוב]] ארגאנאזיציע פאר אידישע פלטים איבער דער וועלט; ער האט געדינט אלס פרעזידענט פון די [[פאראייניגטע אידישע ארגאניזאציעס]] אין וויליאמסבורג (יו-דזשעי-או); ער איז געווען א חבר הנהלה אין [[כולל שומרי החומות]], און [[קרן הצלה]]; גרינדער און פירער פון איחוד עולמי של היהדות החרדית (World Council of Orthodox Jewish Communities) פאר [[מלחמה איבערלעבער]]{{הערה|1={{לינק|אדרעס=https://www.banking.senate.gov/themes/banking/hearing_archive/97_05hrg/051597/witness/stauber.htm|קעפל=Prepared Testimony of Rabbi Chaim Stauber Executive Director World Council of Orthodox Jewish Communities|זייטל=Senate Banking, Housing and Urban Affairs Committee|מידע נוסף=Hearing on the Eizenstat Report regarding Holocaust Assets|דאטום=May 15, 1997}}}}, ווי אויך האט ער רעפרעזענטירט דעם [[התאחדות הרבנים]]{{הערה|{{לינק|אדרעס=https://www.jta.org/2000/06/23/ny/prague-cemetery-row-hits-n-y|קעפל=Prague Cemetery Row Hits N.Y.|זייטל=JTA|דאטום=June 23, 2000}}}}{{הערה|{{לינק|אדרעס=https://www.chabad.org/library/article_cdo/aid/4784566/jewish/Rabbi-Chaim-Moshe-Stauber-76-Brooklyn-NY.htm|קעפל=Rabbi Chaim Moshe Stauber, 76, Brooklyn, N.Y|זייטל=chabad.org}}}}.

אלס טייל פון זיין עסקנות האט ער געגרינדעט דעם פתח תקווה אנשטאלט פאר קינדער מיט ספעציעלע געברויכן, וועלכע ווערט באצייכנט אלס דורכברוך ביים חסיד'ישן אידנטום{{הערה|{{NYT|Douglas Martin|About New York; In Williamsburg, Hasidim Find A Door of Hope|1989/03/08/nyregion/about-new-york-in-williamsburg-hasidim-find-a-door-of-hope.html|March 8, 1989}}}}{{הערה|{{לינק|אדרעס=https://www.congress.gov/101/crecb/1990/10/15/GPO-CRECB-1990-pt20-6-3.pdf#page=8|שרייבער=Stephen J. Solarz|קעפל=EXTENSIONS OF REMARKS: A Door of Hope in Brooklyn|זייטל=אמעריקאנער קאנגרעס וועבזייטל|עמודים=29500|דאטום=October 15, 1990}}}}, באקעמפט דאס אויפשטעלן א [[רעסייקלונג]] פלענט אין וויליאמסבורג געגנט{{הערה|{{לינק|אדרעס=https://www.jta.org/archive/hasidic-group-in-brooklyn-vying-to-acquire-navy-yard|קעפל=Hasidic Group in Brooklyn Vying to Acquire Navy Yard|זייטל=[[JTA]]|דאטום=March 1, 1989}}}}{{הערה|{{NYT|2=Jewish Groups Hear Koch and Rivals|3=/1989/05/22/nyregion/jewish-groups-hear-koch-and-rivals.html|4=1989 ,May 22}}}}, און גע'שתדל'ט אויפצובויען די בעדפארד גארדענס הייזער, ווי אויך נאך פילע לייסטונגען לטובת הכלל והפרט{{הערה|שם=אינט}}.

*The Satmar Rebbe: The Life and Times of Rav Yoel Teitelbaum zt"l, A close talmid's personal recollections, : Feldheim Pub, 2011 {{ISBN|9781598267648}}

*צבי אביגדור ([[מאנסי]])