אונטערשייד צווישן ווערסיעס פון "רבי זיידא אליעזר זאב ראזנבוים"

| בילד = ר' זייזל מקרעטשניף סיגעט.png

| תאריך לידה עברי = [[ט"ו ניסן]] [[ה'תש"י]]

| טאטע = [[רבי צבי הירש ראזענבוים]] זצ"ל, דער קרעטשניף רבי פון ירושלים

| תאריך לידה = [[2 אפריל]] [[1950]]

| מקום פעילות = [[וויליאמסבורג]]; [[ירושלים]]

'''רבי זיידא אליעזר זאב ראזענבוים''' (ט"ו ניסן תש"י – ב' אלול תשפ"ה) איז געווען דער רבי פון [[קרעטשניף]]-סיגעט, א צווייג פון דער [[נדבורנא]]-קרעטשניף דינאסטיע.

רבי זיידא'לע איז געבוירן אין [[קרית אתא]] (דעמאלט באקאנט אלס כפר אתא), אינעם סדר נאכט פסח תש"י{{הערה|{{צ-זשורנאל|שלמה ניימאן|אשרי ילדותינו: די קינדער יארן פון אונזערע רבי'ס|קינדער שריפט|235|64|שנת הוצאה=סוכות תשפ"ד}}}}, אלס דער צווייטער זון פון [[רבי צבי הירש ראזנבוים]], באקאנט אלס "רבי הערשעלע קרעטשניפער", און שפרה, די טאכטער פון רבי חיים מרדכי פון נדבורנא (בעל "דבר חיים").

ער איז אויפגעוואקסן אין דער רוחניות'דיגער אטמאספערע פון דער נדבורנא-קרעטשניף דינאסטיע. אלס קינד האט ער געלערנט אין תלמוד תורה פון קרעטשניף{{מקור}} אין קרית אתא און שפעטער אין סאטמארער תלמוד תורה אין [[חיפה]]. אין זיין בחור'ישע יארן, האט ער ממשיך געווען צו לערנען אין זיין פאטער'ס ישיבה אין כפר אתא און שפעטער אין ישיבת כוכב מיעקב (טשעבין) אין ירושלים. פון א יונגן עלטער איז ער שוין אנערקענט געווארן אלס אַן איבערגעגעבענער עובד ה'.

ער האט חתונה געהאט צו פרימט, א טאכטער פון [[רבי יחזקאל שרגא מערץ]] פון וויליאמסבורג. אין יאר תשמ"ד האט ער זיך געצויגן קיין ירושלים. אין זומער תשנ"ז האט ער זיך צוריקגעקערט קיין וויליאמסבורג לצורך רפואה פון די רעבעצין, וועלכע איז אוועק אין א יונגן עלטער, אין כ"ח סיון תשנ"ח{{הערה|[https://www.ivelt.com/forum/viewtopic.php?t=77778&start=975 א שמועס דערוועגן אויף אייוועלט]}}. א צייט שפעטער האט ער חתונה געהאט א צווייטע מאל צו א טאכטער פון רבי אפרים פישל בראך, אב"ד מאדע, און ער איז געבליבן וואוינען אין וויליאמסבורג, וואו ער האט געדינט אלס רב פון דער קרעטשניפער קהילה.

ווען זיין פאטער איז אוועק, אום ט"ז אייר תשס"ו, איז רבי זיידא'לע אויפגענומען געווארן אלס דער קרעטשניף-סיגעטער רבי אין אמעריקע, און זיין ברודער אלס דער קרעטשניף ירושלים רבי. אין יאר תשס"ט האט ער געווידמעט א נייעם בית מדרש אין וויליאמסבורג. בנוסף צו זיין קהילה אין אמעריקע האט ער אויך געגרינדעט קהילות אין ירושלים און [[בית שמש]], ווי אויך אין לאנדאן און [[קרית יואל]].

אין יאר תשע"ו האט ער זיך צוריקגעצויגן קיין ירושלים, און געעפנט א בית מדרש אויף ראפאפארט גאס אין [[בית ישראל (געגנט)|בית ישראל געגנט]] אין ירושלים. אין יאר תשע"ח האט ער אוועקגעשטעלט אין ירושלים א מתיבתא להוראה{{הבהרה}} מיטן נאמען "נחלת צבי" על שם אביו. ער האט אויך איינגעפירט א גרופע צו לערנען "עמוד היומי".

פרייטאג ראה, כ"ח אב תשפ"ה האט רבי זיידא'לע פּלוצלינג געליטן פון א סטראוק בשעת'ן דאווענען מנחה. ער איז אפגעפירט געווארן אין שערי צדק שפיטאל וואו ער איז געלעגן אין א קריטישן צושטאנד פאר עטליכע טעג. אויף דער הוראה פון [[רבי יעקב מאיר שעכטער]] האט מען אים צוגעלייגט דעם נאמען "ברוך" אלס א סגולה{{הערה|{{לינק|אדרעס=https://jdn.news/posts/7143|קעפל=גם ברוך יהיה: נאמען צוגעלייגט פאר האדמו"ר מקרעטשניף סיגעט לרפו"ש - עצרות תפילה אין ליכט פונעם גאר שווערן מצב הבריאות|זייטל=JDN|דאטום=ל' אב תשפ"ה}}}}. דינסטאג, ב' אלול, איז ער אוועק אין שפיטאל, אין עלטער פון 75 יאר.

די לוויה איז פארגעקומען דינסטאג נאכט אין זיין בית מדרש אין בית ישראל געגנט. טויזנטער אידן האבן באגלייט דעם ארון הקודש צופוס ביזן הר הזיתים. זיין עלטערער ברודער, דער קרעטשניפער רבי פון ירושלים, האט געהייסן אלע קרעטשניף חסידים זיך באטייליגן אין דער לוויה. לויט דעם ירושלימ'ער מנהג, האבן די קינדער און אייניקלעך נישט באגלייט די מיטה צום פעלד.

פאר די לוויה זענען צוגעגרייט געווארן צוויי קברים, איינס אין הר הזיתים און איינס אין הר המנוחות. נאך א מחלוקת איז עס לסוף אויסגעגליכן געווארן דורך זיין איינציגן שוואגער, דער ביאלא בני ברקער רבי, אז ער זאל באגראבן ווערן אין דעם אוהל פון זיין פאטער אויף הר הזיתים. דער רבי איז באגראבן געווארן נאך חצות הלילה אין זיין פאטער'ס אהל אויף הר הזיתים{{הערה|{{כיכר השבת|חיים רוזנבוים|שני קברים נחפרו: הדרמה סביב קבורת האדמו"ר מקרעטשניף סיגעט ב'הר הזיתים'|hasidism/kretchnif-rebbe-burial-drama|2025-08-27}}}}.

ביי דער לוויה האט רבי עקיבא וואזנער, פון די רבנים פון דער קהילה, אויסגערופן דעם רצון פונעם רבי'ן, אז זיינע קינדער זאלן ממשיך זיין. זיין בכור, רבי נפתלי הערצקא יצחק ראזענבוים, איז באקרוינט געווארן אלס ממלא מקום באדמו"רות קרעטשניף-סיגעט. די אנדערע קינדער זענען אויך באקרוינט געווארן אלס ממלאי מקומו צו משפיע זיין אויף די חסידים תורה ויראת שמים{{הערה|[https://jdn.news/posts/7168 דרכי ציון אבילות: אשכבתיה דרבי פון כ"ק אדמו"ר מקרעטשניף סיגעט זצ"ל] אויף JDN.news}}.

==הנהגה און תורה==

דער רבי איז געווען באקאנט מיט זיין פירן פייערדיגע [[טיש (חסידות)|טיש]]ן, וואס האבן אפטמאל אנגעהאלטן ביז נאך דער עלות השחר. זיינע תפילות זענען געווען מיט א ברען, און זיינע שלש סעודות תורות זענען געווען ספעציעל לאנג און אינספּירירנד, בפרט אין די "שובבי"ם" וואכן. יעדן דאנערשטאג נאכט פלעגט ער געבן א שיעור אין חומש מיט רש"י.

זיינע דברי תורה זענען געדריקט געווארן אין קונטרסים "רזא דאמונה" (רז"א איז ראשי תיבות: '''ז''''יידא '''א''''ליעזר '''ז''''אב '''ר''''אזענבוים). דערצו, זענען זיינע וואכעדיגע שיעורים און די פון זיין פאטער צוזאמענגעשטעלט געווארן אין די העפטן "להבות אש".

דער רבי איז געווען זייער צוגעלאזן צו יעדן איד, געבנדיג דעם געפיל פון פארשטענדעניש און נאנטקייט. ער האט געהאט אן אייגנארטיגן וועג זיך צו דערגרינטעווען צו די טיפענישן פון אידישע הערצער, און האט זיך באצויגן צו יעדן איינעם לויט זיין שפראך, סיי צו ערליכע בחורים און סיי צו מאדערנע אידן. פארהאן וואס דערציילן אויף אים מופתים און ישועות שלא כדרך הטבע, כאטש ער האט קיינמאל נישט געזוכט פרסום אדער געלט דערפון{{הערה|[https://www.ivelt.com/forum/viewtopic.php?t=77778&start=1350 זעט א שמועס דערוועגן אויף אייוועלט]}}.

אַן אייגנארטיגער מנהג פון בית קרעטשניף וואס ער האט אנגעהאלטן, איז געווען צו פירן א "סדר נאכט" אויף פסח שני אנגעטון אין שבת'דיגע קליידער – א באקאנטע געשעעניש צווישן ירושלימ'ער איינוואוינער, וועלכע פלעגן קומען פון נאנט און ווייט זיך צו באטייליגן.

דער רבי, וועלכער האט זוכה געווען צו פילע קינדער און אייניקלעך, איז געווען טיף פארנומען אין די שמחות פון זיינע קינדער, בפרט ביי דעם מצוה-טאנץ ביי חתונות, אויפהייבנדיג דעם עולם אין הייליגע טענץ. בערך צוויי וואכן פאר זיין פטירה, האט ער נאך באשיינט ביי די חתונה פון זיין אייניקל מיט'ן אדמו"ר מטשארנאביל אין בית שמש, וואו מען האט אים געזען טאנצן א "מצוה טאנץ" מיט גרויס התלהבות.

יעדעס יאר אין די [[ניין טעג]], פלעגט דער רבי פארן קיין בישטנא, אוקראינע, צו דאווענען ביים קבר פון רבי מרדכי פון נדבורנא זצ"ל, דער גרינדער פון דער שושלת. אין חודש אב תשפ"ה, האַרט פאר זיין פטירה, האט דער רבי נאך ערלעדיגט אזא נסיעה קיין אייראפע.

 

דער רבי האט געהאלטן א פעסטע קנאי'שע שטעלונג קעגן ציוניזם, נאכפאלגנדיג די שיטה פון סאטמאר. ווי זיין פאטער, האט ער אויך פארבאטן זיך צו באטייליגן אין מדינת ישראלדיגע וואלן און צו באזוכן דעם כותל המערבי. ער האט אויך אונטערגעשטראכן די וויכטיגקייט פון אנהאלטן די מסורה פון פריערדיגע דורות און זיך אנטקעגנשטעלן מאדערנע שינויים.

*רבי נפתלי הערצקא יצחק (בכור), רבי פון קרעטשניף-סיגעט אין בית שמש. איידעם פון רבי יהודה אליעזר דוד ניישלאס, אב"ד סערדהאלי. דער הויפט צענטער פון דער חסידות איז אריבער קיין בית שמש.

*רבי יחזקאל שרגא, רבי פון קרעטשניף סיגעט אין וויליאמסבורג.

*רבי ניסן חיים מרדכי, א ברעסלאווער משפיע. געקרוינט אלס אדמו"ר מקרעטשניף-קרית אתא, נאך דער שטאט וואו זיין זיידע האט געוואוינט. ער איז דבוק אין תורת רבי נחמן מברסלב און פלאנירט צו פארן קיין אומאן אויף ראש השנה{{הערה|{{כיכר השבת|חיים רוזנבוים|ממשיך השושלת בקריית אתא ימריא עם חסידיו לאומן|hasidism/kretshnif-rabbi-succession|סעפטעמבער 4, 2025}}}}.

*רבי מאיר אריה לייב, איידעם ביי דעם שענדישאווער רבי.

*רבי יואל זוסמאן, איידעם ביי רבי חיים ברוך לייפער, האדמו"ר מ[[בישטינא]] פון קרית טאהש.

*רבי דוד צבי קאהן, רב פון תולדות אברהם יצחק בית שמש, זון פון אדמו"ר מ[[רבי שמואל יעקב קאהן|תולדות אברהם יצחק]].

*[[רבי אהרן קאהן]] (געהייראט זיין טאכטער חיה אסתר), רב פון תולדות אהרן אין מאנסי, זון פון [[רבי דוד קאהן|אדמו"ר מתולדות אהרן]].

*רבי חיים אליהו יואל אילאוויטש, בן הרב יצחק יעקב אילאוויטש, רב פון יעמערינג אין וויליאמסבורג.

*רבי חיים מאיר שנעבאלג, אב"ד סטרעליסק, בן רבי משה האדמו"ר מטשערנאוויץ פון וויליאמסבורג, זון פון [[רבי מנחם מענדל שנעעבאלג|רבי מנחם מענדל שנעבאלג]], ראב"ד מאנטשעסטער.

*רבי משה שמואל הלוי ראטנבערג, זון פון רבי יעקב ראטענבערג, רב פון סאלקא אין מאנסי.

*רבי ישראל הורוויץ, אייניקל פון דעם מעליצער רבי.

*פון זיין צווייטן זיווג – רבי אהרן טייטלבוים בן הרב משה טייטלבוים (בן [[רבי יוסף דוד טייטלבוים|האדמו"ר מסאסוב]] וחתן [[רבי אריה ראזנפעלד|האדמו"ר מפינסק קארלין]]).

*[https://www.jdn.co.il/tag/האדמור-מקרעטשניף-סיגעט/ ארכיון האדמו"ר מקרעטשניף סיגעט] אויף JDN {{לינקשפראך|HE}}