אונטערשייד צווישן ווערסיעס פון "רוי:אוועראעס"

[[File:Colliget Auerrois totam medicinam V00026 00000002.tif|thumb|''Colliget'']]

'''איבן־רושד''' (פולער [[אראביש|אַראַבישער]] נאָמען: '''أبو الوليد محمد بن أحمد بن رشد''', '''אַבו אַל־וואַליד מוכאַמאַד איבן אַכמאַד איבן רושד''', אויך באַקאַנט מיטן [[לאטיין|לאטיינישן]] נאָמען '''Averroes''', '''אַוועראוּס'''; 1126 – 1198) איז געווען אַ [[מוסולמענער]] [[דאקטער|דאָקטער]] און [[פילאזאפיע|פילאָזאָף]], וואָס האָט געהאַט אַ שטאַרקע ווירקונג אויף דער אייראָפּייאישער פילאָזאָפיע פון דעם [[מיטל אלטער|מיטל־אַלטער]].

איבן־רושד האָט געפּרואווט פאַרענטפערן אַריסטאָס פילאָזאָפיע אַז עס זאָל קיין סתירה ניט זיין צום [[איסלאם|איסלאַם]]. לויט זיין מיינונג, זענען רעליגיע און פילאָזאָפיע צוויי שליאַכן וועלכע פירן צו איין און דעם זעלבן אמת. ער איז געבליבן געטריי דער טראַדיציאָנעלער אַריסטאָטעלישער מסורה, און האָט שטאַרק אַטאַקירט [[איבן סינא|איבן־סינאַ'ן]] וואָס ער האָט אַריינגעמישט עלמענטן פון דעם איסלאַמישן [[קאלאם|קאַלאַם]] אין זיין פילאָזאָפיע. ווי אַריסטאָ, האָט ער געגלייבט אַז דער [[אוניווערס]] איז אַ קדמון (דאָס הייסט, אַז ער האָט אייביק עקזיסטירט און איז קיינמאָל ניט באַשאַפן געוואָרן), און האָט אויך באַהויפּטעט אַז דער מענטשליכער זעל באַשטייט פון צוויי טיילן - דער פּערזענליכער זעל וועלכע שטאַרבט צוזאַמען מיטן גוף; און דער געטליכער טייל, וועלכער איז אַ געמיינזאַמער נשמה פאַר דער גאַנצער מענטשהייט (ווי די שיטה פון [[איבן באדזשא|איבן־באַדזשאַ]], להיפוך פון איבן־סינאַ).

[[קאַטעגאָריע:פילאזאפן]]

[[קאטעגאריע:אויף יידיש]]  

{{קרד/ויקי/יידיש}}