אונטערשייד צווישן ווערסיעס פון "רוי:גזירות ת"ח ות"ט"

'''גזירת תּ"ח ותּ"ט''' זענען געווען יאָרן, וואס ביטערע [[פאגראם|פאגראמען]] זענען פאָרגעקומען, קעגן [[יידן]] אין [[פּױלן]], און [[אוקראינע|אוקראַינע]] (1648).

[[באָגדאַן כמעלניצקי]], אַן קאזאקן-פירער, האָט אויפגעשטעלט אַן אַרמײ װאָס איז באַשטאַנען פון קאזאַקן, טאָטארן און רוטענישע<ref>דעמאלסט איז נאך נישט געווען קיין 'אוקראינישע' פאלק, און אלע עסטליכע סלאוון זענען געווען באקאנט אלס 'רוטענען'.</ref> קנעכט. צוזאַמען האָבן זיי רעװאָלטירט קעגן די [[פּױליש-ליטווישער קאמאנוועלט|פּױליש-ליטווישע]] הויך-אדעל און קעניג. זייענדיג איבערצייגט אז ייִדן זענען קעגן זיי, האָבן זיי אַטאַקירט ייִדן, געמאָרדעט, געפּלינדערט, פארגוואלדיקט, און אַנדערע שוידערליכע טאטן קעגן ייִדן.

עטליך 20,000 יידן אודר ווייניקער זענען אומגעקומען.<ref>שאול שטמפפר. '''[http://link.springer.com/article/10.1023%2FA%3A1022330717763?LI=true ?What Actually Happened to the Jews of Ukraine in 1648]'''. ג'ואיש היסטורי, מאי 2003.</ref> עס איז באוואוסט אויף ר' [[שמשון אסטראפאלער]], א גרויסער מקובל, וואס האט פארשפרייט דער אורזאך צום אומגליק, טויזנטער יידן זענען געווארן היימלאז, יידן האבן געוואנדערט ביז אזש קיין [[קאנסטאנטינאפאל]], אין [[טערקיי]], אדער קיין [[אמסטערדאם]]. אין די פאלגנדע יארן וואר פוילן-ליטע אויך פון [[רוסלאנד]], [[זיבנבערגן]] און הויפסטנס [[שוועדן]] אנגעגריפן. שלום איז נישט געקומען ביז 1667. היסטאריקער דוב וויינריב שאצט איין אז אין די קריגן קעגן די קאזאקן און אנדערען זענען אין גאנץ פוילן-ליטע 40,000-50,000 יידן אומגעקומען.<ref>Weinryb, Bernard Dov. '''The Jews of Poland: A Social and Economic History of the Jewish Community in Poland from 1100 to 1800'''. Jewish Publication Society (1973). ISBN 9780827600164. זייטן  195-197.</ref>  

עס איז באוואוסט די געשיכטע פון דעם [[ש"ך]] מיט זיין טאכטער, ווי זי איז פארלוירן געווארן, און נאך יארן האבן זיי זיך באגעגנט, דער [[ט"ז]] ווי ער האט געראטעוועט זיין שטאט, וואו ער איז געווען רב. און די ספעציעלע תפילה פארפאסט דורכן [[תוספות יום טוב]], פאר יידן וואס שמועסן נישט ביים דאווענען.  

ביי די יידישע באפעלקערונג, איז באגדאן כאמילעצקי א מאסן מערדער, וואס האט אומגעברענגט הונדערטער טויזנטער יידן. ביים אוקראינער פאלק, איז ער א נאציאנאלער גיבור, וואס זיינע סטאטוען, זענען פארשפרייט איבער די שטעט פון אוקראינע.

[[שבתי צבי]] און [[יעקב פראנק]], זענען ארויף געקומען אויף דער יידישער מאפע, און יידן האבן אנגעפאנגען גלייבן, אז דא וועט קומען די ישועה, דאס איז אויך געווען דער פחד פון די רבנישע וועלט אויף [[חסידים]], האלטנדיג אז דאס איז נאך א משיחישער קולט.

== וועבלינקען ==

[[קאַטעגאָריע:יידישע פוילישע היסטאריע]]

[[קאַטעגאָריע:אידישע היסטאריע]]

[[קאטעגאריע:אומבאקוקט]]

[[קאטעגאריע:אויף יידיש]]