אונטערשייד צווישן ווערסיעס פון "רוי:יבנה"

ווארשיינליך איז די שטאט אויף די פלאץ פון די זעלבע אלטע שטאט, וואס איז שוין געווען אין די צייטן פון [[יידן]] אין [[ארץ ישראל]], אין [[מלכי יהודה]], די שטאט איז געווען אונטער די [[פלשתים]], און זיי האבן געשטערט דאס לעבן פון די אידן. ביי די צווייטע [[בית המקדש]], האט [[ינאי המלך]] איינגענומען די שטאט, און די שטאט איז געווארן א יידישע. ביים חורבן האט [[רבן יוחנן בן זכאי]], באקומען ערלויבעניש דארט אויפצושטעלן די [[סנהדרין]], נאכן ארויסגיין פון [[ירושלים]]. די סנהדרין איז געווען אין יבנה פאר זיבעציג יאר, נאך רבי יוחנן איז געווען [[רבן גמליאל פון יבנה]], און נאכדעם איז די סנהדרין אריבער צו [[אושא]], נאכן דורכפאל פון [[בר כוכבא]] אויפשטאנד. רבן גמליאל ליגט לויט דער טראדיציע אין יבנה. (די [[אראבער]] האלטן אז די קבר איז פון א געוויסער חבר פון [[מוכאמאד]]).

אין די צייטן פון [[אטאמאנישע אימפעריע]], ביז די [[מלחמת השחרור]], איז געווען דארט אן אראביש [[דארף]], דער [[בריטישער מאנדאט]], האט געברענגט דאס דארף צו א גינסטיקע וווקס, אבער די [[גבעתי בריגאדע]] האט איינגענומען דאס דארף אין יוני 1948, און די איינוווינער זענען אנטלאפן קיין [[עזה שטרייף]].

[[טראנספארטאציע]] איז צוגעשטעלט צו דער שטאט דורך [[ישראל באנען]], וואס האט צוויי באן סטאנציעס אין יבנה, [[יבנה מזרח באן סטאנציע|יבנה מזרח]] און [[יבנה מערב באן סטאנציע|יבנה מערב]] (געעפנט אין פעברואר 2012).

{{שטעט אין ישראל}}