אונטערשייד צווישן ווערסיעס פון "רוי:דאנאלד טראמפ"

אום מאי 30, 2024 איז טראמפ געפונען געווארן שולדיג דורך א ניו יארק שטאַט דזשורי אויף 34 פעלאָני פארברעכנס פון פעלשן ביזנעס רעקארדס אין פארבינדונג מיט א שווייגונג־געלט צאלונג אין 2016 צו א פילם-שטערנקע וועלכע האט גע'טענה'ט אז זי האט געהאט אן עסק מיט טראמפ אין 2006. ער איז שפעטער אנגעקלאגט געווארן אויף צענדליגער אנדערע פעדעראלע און שטאַט קלאגעס אין פעלער בשייכות צו זיינע באמיאונגען צו איבערדרייען זיין נידערלאגע אין די 2020 פרעזידענטליכע וואלן און ווי אויך זיין באזייטיגונג פון פילע [[קלאסיפירטע דאקומענט]]ן פונעם [[ווייסע הויז|ווייסן הויז]] ביים פארלאזן דעם אַמט. נאך טראמפ'ס ווערן אויסגעוועלט צו א צווייטן טערמין, האט דער ספעציעלער אדוואקאט [[דזשעק סמיט]], וועלכער האט געפירט ביידע פעדעראלע קרימינאלע פאלן קעגן טראמפ, געבעטן אז די וואל-פארבינדענע קלאגעס קעגן טראמפ זאלן אראפגענומען ווערן און אז טראמפ זאל אוועקגענומען ווערן פון דער גרופע מיט־אנגעקלאגטע אין די קלאסיפיצירטע דאקומענטן קעיס. סמיט'ס באשלוסן שפיגלט אָפּ א פּאליסי פונעם יוסטיץ דעפּאַרטמענט וואָס פארבאט די קרימינאלער פּראָקורירונג פון אַן אמטירנדן פּרעזידענט.

טראמפּ איז אויך אַ ריעל עסטעיט דעוועלאָפּער און ביזנעסמאן וואָס האט פארמאגט, פארוואלטעט אָדער געלייסענסט זיין נאָמען צו [[האטעל|האטעל]]ן, [[קאסינא|קאַסינאָס]], גאָלף קאָרסעס, רעזאָרטן און רעזידענטשל פּראפּערטיס אין די [[ניו יארק סיטי]] געגנט און ארום די וועלט. זינט די 1980ער האט טראמפּ פארלייעט זיין נאמען צו מערערע ריטעיל פירנעמען - אריינגערעכנט געברענדטע ליניעס פון קליידונג, קעלניש-וואסער, עסנווארג און [[מעבל]]. אין די פריע 21טער יאָרהונדערט איז זיין פּריוואטער קאנגלאמעראַט, די "[[טראמפ ארגאניזאציע|טראמפּ ארגאניזאציע]]", באשטאנען פון עטליכע 500 פירמעס פארמישט אין א ברייטע קייט פון געשעפטן, אַריינגערעכנט האטעלן און רעזאָרטן, רעזידענטשל פראפערטיס, סחורה, און פאַרוויילונג און [[טעלעוויזיע]].

טראמפ האט גענאסן פון א שטענדיגע אויבערהאנט אין אנקעטעס צווישן די רעפובליקאנער פארטיי קאנדידאטן און אינעם פארנעם פון מידיע דעקונג דורכאויס די קאמפיין. ער האט זיך פארמאסן אנטקעגן זעכצן אנדערע מאכטפולע קאנדידאטן, אריינגערעכנט [[בען קארסאן]] און גאווערנארס ווי [[זשעב בוש]] דער גאווערנאר פון [[פלארידע]], [[קריס קריסטי]] דער גאווערנאר פון [[ניו דזשערסי]] און [[דזשאן קעסיג]] דער גאווערנאר פון [[אהייא]], און סענאטארן ווי [[טעד קרוז]] פון [[טעקסאס]] און [[מארקא רוביא]] פון [[פלארידע]]. אבער רוב פון זיי האבן זיך ארויסגעצויגן שוין אין די ערשטע פאזעס פונעם פארמעסט איינזעענדיג אז זיי האבן נישט קיין אויסזיכטן, מיטן אויסנאם פון געציילטע קאנדיטאטן ווי טעד קרוז, וועלכער האט געוואונען די וואלן אין א רייע שטאטן און איז געבליבן אינעם פארמעסט ביז כמעט צום סוף ווען עס איז קלאר געווארן אז טראַמפּ האט געוואונען די מערהייט פון די דעלעגאטן. אין די [[פריימעריס]] וועלכע האבן זיך אנגעהויבן אין פעברואר 2016 איז ער אריינגעקומען דער צווייטער אין די [[אייאווע]] קאוקוסעס (נאך [[טעד קרוז]]) און דער ערשטער אין די [[ניו העמפשער|ניו העמפשיר]] פריימעריס, די [[דרום קאראליינע]] פריימעריס און די [[נעוואדא|נעוואדע]] קאוקוסעס. אויך אין די וואלן אין 13 שטאטן אין מערץ 1, "דעם גרויסן דינסטאג", האט טראמפ געוואונען די גרעסטע צאל שטימען צווישן די קאנדידאטן. בשעת דער קאמפיין האט ער באקומען די שטיצע פון ​​עלטערע רעפובליקאנער ווי [[סארא פעלין|סערע פעילין]], [[קריס קריסטי]], [[רודי דזשוליאני]] און [[דזשעף סעשאנס]], הגם רוב פון די רעפובליקאנער עסטעבלישמענט איז נישט געווען צופרידן פון זיין קאנדידאטור, סיי צוליב זיינע פאליסיס און סטיל, און אויך אויס זארג אז זיין כאראקטער וועט מאכן שווער פאַר די פּאַרטיי צו געווינען די וואַלן.

יאנואר 20, 2017, איז ער געווארן איינגעשוואוירן אלס פּרעזידענט דורך דער הויפט פון דער העסטער געריכט. אויף טראמפ'ס איניציאטיוו האט זיך, אויסער דעם גלח, אויך באטייליגט א רב (מארווין הייער) אין דער איינשווערונג צערעמאָניע, וועלכער האָט געהאַלטן אַ רעדע. טראמפ האט באשטימט די גענעראלן דזשעימס מאטיס און דזשאן קעלי אלס סעקרעטאר פון פארטיידיגונג און סעקרעטאר פון היימלאנד זיכערהייט,, סענאטאר דזשעף סעשאנס אלס אטוירני דשענערעל, און רעקס טילערסאן אלס סעקרעטארי אוו סטעיט. שפעטער האט טראמפ באשטימט דעם פארזיצער פונעם רעפובליקאנער נאציאנאלן קאמיטעי ריינס פריבוס אלס דער הויפט פונעם שטאב פונעם ווייסן הויז, דער פארוואלטער פון זיין וואל קאמפיין גענעראל מייקל פלין אלס נאציאנאלע זיכערהייט ראטגעבער. סטיוו באנן, זיין טאכטער ​​איוואנקא טראמפ, זיין איידעם דזשאַרעד קושנער און זיין קאמפיין פאַרוואַלטער קעלעין קאוועי, זענען באשטימט אלס אדווייזערס. אין מערץ 2018 האט טראַמפּ געווארפן טילערסאָן פון אמט און באשטימט מייק פּאָמפּעאָ, דער געוועזענער הויפּט פון די סי.איי.עי אויף דיין פלאץ.

אום שבת חוקת, ז' תמוז תשפ"ד (יולי 13, 2024), בשעת'ן רעדן ביי א קאמפיין ראלי אין באטלער, [[פענסילוועניע]], איז טראמפ פארוואונדעט געווארן אין אַן [[אטענטאט]] פארזוך. טראמפ'ס אויער איז אנגעטראפן געווארן פון א דורכפליענדער קויל, און ער איז שנעל אוועקגעפירט געווארן דורך [[סיקרעט סערוויס]] אגענטן. דער פארדעכטיגטער שיסער, א צוואנציג יעריגער לאקאלער מעטיו קרוקס, און א צווייטער מענטש ביים ראלי זענען אומגעברענגט געווארן. טראמפ'ס וואונד איז געווען מינימאל. דער אטענטאט איז פארגעקומען בלויז צוויי טעג פארן אנהויב פונעם [[רעפובליקאנער פארטיי|רעפובליקאנער]] נאציאנאלן קאנווענשאן אין [[מילוואקי]], וויסקאנסין, וואו טראמפ איז אפיציעל געווארן זיין פארטיי'ס פרעזידענטליכער נאמינירטער.

אין 2023 זענען פיר קרימינאלע קלאגעס אריינגעגעבן געווארן קעגן אים. צוויי זענען אויף סטעיט קלאגעס (איינס אין [[ניו יארק|ניו יארק]] און איינס אין פולטאן קאונטי, [[דזשארדזשיע|דזשאָרדזשע]]) און צוויי זענען אויף פעדעראלע קלאגעס. די קלאגעס באשטייען אין סך הכל פון 91 פארברעכן קלאגעס.

טראמפ האט זיך דערקלערט אומשולדיג אויף אלע קלאגעס, און האט באשולדיגט [[דזשאו ביידן|דזשאו ביידן]] און די [[דעמאקראטן]] אויף א פאליטישע רדיפה קעגן א פאליטישע קעגנער.

[[קאטעגאריע:דאנאלד טראמפ]]

[[קאטעגאריע:לעבעדיגע מענטשן]]

[[קאטעגאריע:טראמפ פאמיליע]]