אונטערשייד צווישן ווערסיעס פון "רוי:פיאדאר טיוטשעוו"

'''פיאָדאָר איוואַנאָוויטש טיוטשעוו''' ([[5טן דעצעמבער]] [[1803]] – [[27סטן יולי]] [[1873]])איז געווען אַ באַוווּסטער [[רוסישער]] [[דיכטער]] און דיפּלאָמאַט. ער האט

געוווינט אין [[מינכן]] און אין [[טורין]], און ער איז געווען באַקאַנט מיט [[היינריך היינע]] און  [[פרידריך שעלינג]].  

עס זייַנען פאַרבליבן אַן ערך 400 פון זייַנע [[לידער]], וואָס זייערע שורות ציטירט מען אָפט אין רוסלאַנד. טיוטשעווס פריע לידער זייַנען געשריבן אויפן שטייגער דער פּאָעטישער טראַדיציעס פונעם [[18טע י"ה|18סטן יאָרהונדערט]]. אין זייַנע געדיכטן, וואָס שטאַמען פון די 1830ער, זייַנען שטאַרק די טראַדיציעס פונעם אייראָפּעישן (באַזונדערס דייַטשן) [[ראָמאַנטיזם]]. דאָס איז [[פילאזאפיע|פילאָסאָפישע]] (מעדיטאַטיווע) דיכטונג, וואָס איר וויכטיקסטע טעמעס זייַנען: געדאַנקען וועגן דער אַלוועלט, וועגן דעם מענטשלעכן גורל, וועגן דער [[נאטור|נאַטור]]. אין די 40ער יאָרן האָט טיוטשעוו געשריבן אַ ריי [[פאליטיק|פּאָליטישע]] אַרטיקלען, געווידמעט דער פּראָבלעם פון די באַציונגען צווישן [[רוסלאַנד]] און דער מערבדיקער [[קולטור|ציוויליזאַציע]]. אין די 1850 האָט ער געשאַפן עטלעכע שאַרפע ליבעס-לידער, וואָס אין זיי די ליבע איז באַטראַכט ווי אַ טראַגעדיע. די דאָזיקע לידער זייַנען דערנאָכדעם געווען פאַראייניקט אין אַזוי-גערופענעם "דעניסיעווער ציקל" – דהיינו דעם לידער-ציקל, געווידמעט י.אַ. דעניסיעווען, דעם דיכטערס אַ געליבטער. אין די 60-70-ער יאָרן שאַפט טיוטשעוו על-פי-רוב פּאָליטישע [[ליריק]].  

דאָס סאַמע באַרימסטע טיוטשעווס ליד – "!Silentium" – איז אַ ביטער רוף צום שווייַגן, אַ באַדויערונג, וואָס איין מענטש קען ניט קיינמאָל אינגאַנצן פאַרשטיין דעם אַנדערן. אַ סך שורות פון טיויטשעווס לידער זייַנען געוואָרן ברייט ציטירטע אַפאָריזמען.

== וועבלינקען ==

[[קאטעגאריע:דיכטער|טיוטשעוו]]

[[קאטעגאריע:אומבאקוקט]]

[[קאטעגאריע:אויף יידיש]]