אונטערשייד צווישן ווערסיעס פון "רוי:רבי גדליה שארר"

הרב '''גדליה הלוי שאָרר''' ([[ה'תר"ע|תר"ע]], [[1910]] - [[ז' תמוז|ז תמוז]] [[ה'תשל"ט|תשל"ט]], [[2טן יולי]] [[1979]] ) איז געווען דער [[ראש ישיבה]] פון [[תורה ודעת]] אין די פֿאַראייניקטע שטאַטן.

ער איז געבוירן געווארן אין איסטריק, נישט ווייט פון [[פשעמישל]], [[גאליציע]], אין א משפחה פון [[סאדיגורא (הויף)|סאדיגורער חסידים]]. זײַן זיידע, נאָך וועמען ער הייסט, איז געווען רבי גדליה שור פון אסטריק. ס'איז אנגענומען אין דער משפחה אז זיי זענען אייניקלעך פון רבי [[גדליה מאליניץ|גדליה פון ליניץ]], א תלמיד פונעם [[דוב בער פון מעזריטש|מעזריטשער מגיד]]. אין זײַן יוגנט האָט זײן משפּחה עמיגרירט קיין ניו־יאָרק. ער איז געווען פון די ערשטע בחורים אין ישיבת תורה ודעת. נאך זיין חתונה איז ער געגאנגען לערנען אין דער [[קלאצק ע זיצונג|קלעצקער ישיבה]] וואו ער האט א שטיק צייט געלערנט ביי רבי [[אהרן קאטלער]] און געווארן זיינס א [[גרעסטע רוחניות השפּעה|תלמיד מובהק]] .

נאָכן צוריקקערן קיין אַמעריקע איז ער באַשטימט געוואָרן א מגיד שיעור אין תורה ודעת. צענדליגע יארן האט ער געדינט אלס ראש ישיבה. ער האט אויך געדינט אלס ראש ישיבה אין [[בית מדרש עליון]]. אונטער זיין השפּעה האָבן עטלעכע פון די בחורים פון די ישיבות באקומען א חסידישע השפּעה, ספעציעל הרב [[משה וואלפסאן|משה וואָלפסאָן]] .

ער איז נפטר געווארן אין תשל"ט, אין מיטן פון א [[שבע ברכות]] סעודה פון א תלמיד, עטלעכע מינוט נאָך פאַרענדיקן זיין דרשה לכבוד דעם חתן. זיין אָרון האָט מען אריבערגעפירט קיין ארץ ישראל און ער איז באַגראָבן געוואָרן אין [[הר הזיתים]] אין [[ירושלים]] .

הרב [[צבי מאיר זילבערבערג]] איז זיין אייניקל. זיין אייניקל רבי חיים יהושע שארר איז אן איידעם ביים [[גור (הויף)|גערער]] רבי'ן, רבי [[יעקב אריה אלטער]].

== וועבלינקען ==

[[קאַטעגאָריע:אמעריקאנער רבנים]]

[[קאַטעגאָריע:נקבר אין הר הזיתים]]