אונטערשייד צווישן ווערסיעס פון "רוי:אחז"

'''אָחָז''' איז געווען [[מלך]] פון [[מלכות יהודה]] אין דער צייט פון ערשטן [[בית המקדש]]. אחז האָט געקעניקט אומגעפער אין די יאָרן 720–735 פאַר דער [[גרעגאריאנישער קאלענדאר|געווענליכער צייט–רעכענונג]]. וועגן די מעשים פון אחז ווערט דערציילט אין [[ספר מלכים]] ב' קאַפיטל ט"ז (ווי אויך אין [[דברי הימים]] און [[ספר ישעיה]]). דאָרט ווערט אָנגעגעבן, אַז ער האָט איינגעפירט אין לאַנד יהודה און [[ירושלים]] די [[אפגאט|געצן–דינעריי]] און האָט געטאָן "דאָס שלעכטע אין די אויגן פון [[גאָט]]“. אין זיין צייט האָבן די מלכים פון [[מלכות ישראל]] ([[אפרים]]) און פון לאַנד [[ארם]] אַנגעהויבן אַ [[מלחמה]] קעגן לאַנד יהודה און זענען צוגעקומען מיטן מיליטער ביז ירושלים. אחז האָט זיך געווענדעט נאָך הילף צו [[תגלת פלאסר]] דעם מלך פון [[אשור]]. פון דעמאָלט אָן איז יהודה געוואָרן אָפהענגיק פון אשור: דער נאָמען פון אחז ווערט אויך דערמאָנט אין די [[פלעקלשריפטן]] פון אשור. ער הייסט דאָרט "יאַ–חאַ–זו“, דאָס הייסט "יהואחז“. און עס איז פאַראַן אַ מיינונג, אַז דעריבער האָט מען אין [[תנ"ך]] אים גערופן נאָר אחז כּדי נישט צו דערמאָנען אויף דעם [[געצן–דינער]] דעם נאָמען פון גאָט. אין זיין צייט פאַלט אויס אַ טייל פון [[נביא|נביאות–זאָגן]] פון [[ישעיה הנביא]].

{{מלכות יהודה}}