אונטערשייד צווישן ווערסיעס פון "רבי זאב וואלף פון זיטאמיר"

{{דעסקריפציע|אור המאיר, מגיד מישרים אין זיטאמיר, תלמיד פון מעזריטשער מגיד (–ה'תקנ"ז)}}

| נאמען = רבי זאב וואלף פון זיטאמיר

| טיטל = דער "אור המאיר"

| בילד = אור המאיר.png

| כיתוב = שער בלאט פון ספר "אור המאיר", פאריצק תקע"ה

| פטירה ארט = איוועניץ, [[זשיטאמיר גובערניע]]

| תאריך פטירה עברי = [[ה' סיון]] [[ה'תקנ"ז]]

| טעטיגקייט ארט = [[וואהלין]]

| השתייכות = [[חסידות]]

| רביס = [[רבי דוב בער פון מעזריטש]], [[רבי פנחס פון קאריץ]]

| בני דורו = [[רבי לוי יצחק פון בארדיטשוב]], [[רבי שניאור זלמן פון ליאדי]]

| ספרים = אור המאיר

| מאמע = יהודית

| ווייב = עטיא אסתר, טויבא

| קינדער = רבי ישראל דוב בער, רבי מנחם מענדיל, רבי צבי הירש, רבי יוסף, {{ש}}רבי דוד, רבי יחיאל מיכל, רבי פנחס פון קאלק

'''רבי זאב וואלף פון זיטאמיר''' (גערופן אויפן נאמען פון זיין ספר: דער '''אור המאיר'''; אוועק [[ה' סיון]]{{הערה|לויט זיין אייניקל [[רבי דוד ארטינבערג]], דער "תהלה לדוד". לויט טייל איז ער אוועק [[ט"ו אדר]]}} [[ה'תקנ"ז]]{{הערה|לויט טייל איז ער אוועק [[ה'תקנ"ח]], אדער [[ה'תק"ס]] (אנציקלופדיה העברית, באנד 16, זייט 569); אבער אין יאר ה'תקנ"ח שטייט שוין אויף אים זצ"ל אין די הסכמות צו זיין ספר. זעט: [https://www.dirshu.co.il/wp-content/uploads/2020/05/ליזענסק-במדבר-תשפ.pdf גליון דברי תורה ליזענסק, במדבר תשע"ט] זייט 7; אריינפיר צו ספר "אור המאיר", ה'תשנ"ה}}), איז געווען פון דריטער דור פון [[חסידות]], פון די גרויסע [[תלמיד]]ים ביי [[רבי דוב בער פון מעזריטש]]. ער איז קודם געווען א וויין סוחר, דערנאך האט ער געדינט אלס מגיד מישרים און פארשפרייט דעם תורת החסידות אין [[זשיטאמיר]].

ווייניג איז באקאנט איבער זיין אפשטאם און זיינע יונגע יארן. זיין מאמע האט געהייסן יהודית, און ער האט געשטאמט פון [[רבי שאול וואהל]]. רבי זאב וואלף האט חתונה געהאט צו עטיא אסתר. אין די שפעטערע יארן, נאך וואס זי איז אוועק, האט ער חתונה געהאט צו טויבא, א טאכטער פון [[רבי צבי הירש מרגליות]] דער רב אין [[מעזריטש]]{{ביאור|די פרוי פון רבי צבי הירש איז געווען א שוועסטער פון רבי אהרן פון לעבערטאוו, א זיידע פון [[רבי אפרים זלמן מרגליות]]. א צווייטע שוועסטער האט חתונה געהאט מיט [[רבי מרדכי זאב אורנשטיין]] אין זיין ערשטע זיווג, און א דריטע שוועסטער איז געווען די מאמע פון [[רבי יעקב לארבערבוים]].}}, וואס זי איז געווען די אלמנה פון [[רבי יצחק אייזיק כץ]] דער מחבר פון ספר "ברית כהונת עולם", און ער האט געהאט מיט איר דריי זון.

רבי זאב וואלף איז געווען א פראמינענטער תלמיד פון [[רבי דוב בער פון מעזריטש|דער מעזריטשער מגיד]]{{ביאור|אין זיין ספר (פרשת צו) שילדערט ער וויאזוי עס האט זיך אפגעשפילט די תורה זאגן ביים מגיד. ביי חסידים האט מען פארציילט אז ער פלעגט זיך פארטיפן לאנגע שעות אין די תורה וואס ער האט געהערט, און אז דער מגיד האט זיך אויסגעדרוקט אז ער איז דער איינציגסטער וואס פארשטייט זיין תורה בשלימות{{הערה|{{אוצר החכמה|[[רבי אברהם יעקב פרידמאן]]|אמת ליעקב|199476|אויף י"ט כסלו|page=76}}}}.}}, און ער ווערט אויסגערעכנט צווישן די צען תלמידים אויף וועמען עס ווערט פארציילט אז זיי האבן זיך באטייליגט אין [[חרם]] קעגן די [[מתנגדים]]{{הערה|{{אוצר החכמה|מיכאל לוי ראדקינזאהן|שבחי הרב|623|לעמבערג תרכ"ה|page=29}}}}. ער איז געווען פאררעכנט אלס גאר איינגעהאלטן אין זיין סטיל, אין קאנטראסט צו אזעלכע תלמידים [[רבי לוי יצחק פון בארדיטשוב]], [[רבי משולם זושא פון האניפאלי]] און [[רבי אהרן הגדול פון קארלין]].

רבי וועלוול האט מקבל געווען אויך פון [[רבי פנחס קאריצער|רבי פינחס פון קאריץ]]{{הערה|אמרי פנחס השלם, עמוד ר' אות מ"ה; דארט, עמוד רל"ב אות ט'}}, און ער האט אראפגעשריבן פון זיינע דברי תורה{{הערה|דער [[כתב יד]] איז פארקויפט געווארן אין יאר [[ה'תרנ"ד]] צו [[רבי מרדכי שרגא פרידמאן]] פון [[הוסיאטין]]}}. ער איז געווען נאנט מיט נאך צדיקים פון יענעם דור, ווי [[רבי יחיאל מיכל פון זלאטשוב]], [[רבי לוי יצחק פון בארדיטשוב]], [[רבי מנחם נחום פון טשערנאביל]], [[רבי משולם זושא פון האניפאלי]], און נאך. טראץ וואס ער האט זייער געשעצט דעם [[רבי אריה לייב פון שפאלע|שפאלער זיידן]], האט ער געשטיצט [[רבי נחמן פון ברסלב]] אין זייער [[מחלוקת]]{{הערה|ספר ליקוטים יקרים, אין כתבי קודש רמ"מ}}.

רבי זאב וואלף האט נישט געפירט קיין חסידישע הויף{{הערה|{{אוצר החכמה|אברהם יעלין|דרך צדיקים|10553|פיעטערקאוו תרע"ב, עמ' 47–48|page=47}}}}. ער האט געוואוינט אין [[זיטאמיר]] וואו ער האט געפירט א [[קרעטשמע]]. חסידים האבן פארציילט פילע פאסירונגען איבער זיין פארשפרייטן דעם תורת החסידות און זאגן מוסר פאר אידן אין זיין קרעטשמע. שפעטער האט ער געדינט אלס [[מגיד מישרים]], און דערנאך האט ער אויך געעפנט א חסידישער [[בית מדרש]]{{הערה|דערמאנט דורך רבי לוי יצחק פון בארדיטשוב אין זיין הסכמה צום ספר}}.

אין זיינע לעצטע יארן האט ער זיך אריבערגעצויגן צו איוועניץ נעבן זיטאמיר{{הערה|כתבי ר"י שו"ב, אות תתע"ח}}. ער איז דארט אוועק, און דארט האט מען אים אויך באהאלטן. לויט ווי זיין אייניקל רבי דוד ארטינבערג, דער "תהלה לדוד", האט פארציילט, איז ער נפטר געווארן ערב [[שבועות]] אין אוונט, און צוריקקומענדיג פון די לויה איז שוין געווען יום טוב; ווידער אין [[סקווירא (חסידות)|סקווירא]] איז אנגענומען אז זיין יארצייט איז אין [[ט"ו אדר|שושן פורים]]. ווען ער איז אוועק זענען נאך געווען אין שטוב דריי פיצלעך [[יתום|יתומים]], זיינע קינדער פון זיין צווייטן זיווג.

דורכאויס די יארן האט זיין תלמיד, רבי אליעזר פון זיטאמיר, אפגעשריבן זיינע דברי תורה, און די כתבים זענען פארשפרייט געווארן צווישן אנדערע תלמידים{{הערה|ווי רבי מרדכי פון קאריץ שרייבט אין זיין הסכמה: {{ציטוטון|רבים שתו דבריו בצמא, ויפוצו מעינותיו חוצה בעודו בחיים חיותו}}}}. אין יאר תקנ"ח, נאך די פטירה פון רבי זאב וואלף, האט רבי אליעזר געדרוקט פון די כתבים דעם ספר "אור המאיר". דער ספר האט באקומען די הסכמות פון רבי יהודה לייב אב"ד שידלאוו, רבי יוסף אב"ד קאסנטין, רבי מרדכי פון [[קאריץ]] א זון פון [[רבי פנחס קאריצער]], [[רבי לוי יצחק פון בארדיטשוב]], רבי צבי פון אוסטראה, [[רבי מרדכי טווערסקי]] דער מגיד פון [[טשערנאביל]], רבי ישראל פון פיקאוו (א זון פון רבי לוי יצחק פון בארדיטשוב).

אור המאיר איז באלד געווארן פאררעכנט אלס א וויכטיגער ספר אין חסידות. גלייך ביים ערשיינען אין יאר [[ה'תקנ"ח]] איז עס געדרוקט געווארן אין צוויי אויפלאגעס, און דערנאך אין קאריץ ארום ה'תקס"ו, א דריטע מהדורה איז ארויסגעקומען ארום תקע"ג, און א פערטע אין פאריצק (Poryck), [[וואהלין]] אין תקע"ה. דורכאויס די יארן איז עס געווארן איבערגעדרוקט נאך פילע מאל.

 

אין זיינע דרשות וועלכע זענען געדרוקט אין ספר פאדערט ער זיך צו אויפפירן מיט פשטות, און פארדאמט דאס נאכלויפן לוקסוס. ער האט זייער אוועקגעמאכט די וועלט און אירע פארמעגס, הנאות און פארשידנס, און ער האט זיך נישט אפגעהאלטן פון צו קריטיקירן אויך די פירערשאפט פון אדמורי"ם אין זיין דור{{הערה|זעט דער ארטיקל איבער אים אין אנציקלופדיה העברית, באנד ט"ז, זייט 69.}}. ער דרוקט אויס קעגנערשאפט צו [[סיגוף|סיגופים]] און שליסט אויס אלערליי דרויסנדיגע פעולות אין עבודת ה', ווי תנועות ביים דאווענען אדער צופיל פארלענגערן דאס דאווענען. אין דעם ספר ווערט אויסגעשמועסט מיט א קלארקייט אלע צענטראלע שאלות מיט וועלכע דער עולם החסידות איז דאן געווען פארנומען{{הערה|1=[http://www.tau.ac.il/humanities/yedion/09-10/classic/single_syllabus/06903762.html סילאבוס פאַר די קורס אויף "עיונים אין ספר אור המאיר"], ד"ר יורם יאקאבסאהן}}.

 

דורכאויס דעם ספר ווערן דערמאנט אסאך פון די גדולים פון יענע יארן, ווי [[רבי יחיאל מיכל פון זלאטשוב]]{{הערה|שם=צו|אין פרשת צו}}, דער [[רבי יהודה לייב פון פולנאה|מוכיח פון פולנאה]]{{הערה|אין פרשת מקץ; פרשת כי תצא}}, [[רבי נחמן פון קאסוב]]{{הערה|אין פרשת בחוקותי}}, [[רבי יחיאל מיכל פון האראדנא]]{{הערה|אויף [[שבועות]]}}, און אזוי אויך די ספרים פון [[רבי יעקב יוסף פון פולנאה]]{{הערה|שם=צו}}.

 

פילע צדיקים האבן געשעצט און זיך באנוצט מיט דעם ספר. זיינע רייד ווערן שוין ציטירט אין די ספרים פון חסידישע צדיקים וועלכע האבן געלעבט א דור נאך אים, ווי [[רבי אברהם חיים פון זלאטשוב]]{{הערה|{{אוצר החכמה|[[רבי אברהם חיים פון זלאטשוב]]|אורח לחיים|108279|לבוב תקצ"ח, דף י"ד עמוד ב'|page=33}}}}, [[רבי דוד שלמה אייבשיץ]]{{הערה|'''ערבי נחל''', פרשת בראשית}}, [[רבי חיים פון טשערנאוויץ]]{{הערה|'''באר מים חיים''', פרשת לך לך}}, [[רבי קלונימוס קלמן אפשטיין]]{{הערה|'''מאור ושמש''', פרשת עקב}} און נאך.

 

פון די אנדערע זייט, האט [[רבי יצחק אייזיק סאפרין]] פון קאמארנא רעקאמענדירט נישט צו פילעווען צופיל אינעם ספר, נאכזאגנדיג וואס זיין שווער רבי אברהם מרדכי פון פינטשוב האט דערציילט וואס ער האט בייגעוואוינט, אז רבי זאב וואלף האט געזאגט פאר'ן שרייבער אז ער האט מיט קיין איין זאך נישט ריכטיג צוגעטראפן{{הערה|{{אוצר החכמה|רבי יצחק אייזיק יהודה יחיאל סאפרין מקאמארנא|נתיב מצותיך|102047|page=93|לינק טעקסט=נתיב התורה, שביל א', לב}}}}.

*רבי ישראל דוב בער{{ביאור|זיין טאטע האט אים א נאמען געגעבן נאך זיינע [[רבי]]'ס: רבי ישראל דער [[בעש"ט]], און [[רבי דוב בער פון מעזריטש]]{{הערה|שם=אריינפיר|אריינפיר צו "אור המאיר", הוצאת אבן ישראל, תשנ"ה}}.}}, איידעם פון [[רבי חיים פון קראסנא]], איבערגענומען זיין טאטנס פלאץ אין [[זיטאמיר]]

**זיין איידעם רבי שמואל שמעלקא פון בארדיטשוב, א זון פון רבי ישראל פון פיקאוו

*רבי מנחם מענדיל פון [[בארדיטשוב]]

*רבי צבי הירש

*רבי יוסף, אן איידעם פון [[רבי צבי מנחם פון האניפאלי]]

*רבי דוד

*רבי יחיאל מיכל{{ביאור|זיין טאטע האט אים א נאמען געגעבן נאך זיין רבי, [[רבי יחיאל מיכל פון זלאטשוב]]{{הערה|שם=אריינפיר}}.}}

*רבי פנחס פון קאלק{{ביאור|זיין טאטע האט אים א נאמען געגעבן נאך זיין רבי [[רבי פנחס קאריצער]]{{הערה|שם=אריינפיר}}.}}, איידעם פון [[אליק (חסידות)#דער אליקער בוים|רבי צבי אריה פון אליק]]

**זיין זון רבי זאב אב"ד קאלק

***זיין זון רבי ישראל יוסף פון בארדיטשוב

***זיין זון רבי מרדכי אב"ד ליפאוויטש, איידעם פון רבי אלטר יוסף פון ליפאוויטש (אן אייניקל פון רבי גדליה פון ליניץ, בעל "תשואות חן"), איידעם פון רבי אריה לייב פון בענדער

**זיין איידעם [[רבי יוחנן טווערסקי|רבי יוחנן]] פון [[רחמיסטריווקא (חסידות)|רחמיסטריווקא]]

**זיין איידעם רבי יחיאל מיכל פון סקאליט

**זיין איידעם רבי אהרן פון [[לעכאוויטש]]

* רבי שכנא צבי, נעמיראווער מגיד, מחבר פון ספר "הרי בשמים"

* [[רבי מאיר פון קאריסטשאוו]], וועלכער האט מחבר געווען דעם ספר "מאיר עיני חכמים" אויף [[חנוכה]] דורך די השראה פון זיין רבי{{הערה|קהל חסידים החדש, אות קנ"ח}}

* רבי אהרן שמואל הכהן פון אוסטרהא, רב אין [[יאמפאלא]]

* [[רבי אברהם דוב אויערבאך]] פון אווריטש

* [[רבי אברהם מרדכי פון פינטשאוו|רבי אברהם מרדכי]] פון [[פינטשאוו]], דער שווער פון רבי יצחק אייזיק פון קאמארנא

== צו ליינען מער ==

* מבוא און תולדות המחבר, '''אור המאיר''', מכון אבן ישראל, [[ה'תשנ"ה]]

* '''גליון דברי תורה ליזענסק''', במדבר תשע"ט, [https://www.dirshu.co.il/wp-content/uploads/2020/05/ליזענסק-במדבר-תשפ.pdf#page=7 זייט 7]

== דרויסנדיגע לינקס ==

* {{אייוועלט|7090|רבי זאב וואלף מזיטאמיר זצ"ל - ט"ו אדר תקנ"ז}}

* {{היברובוקס||אור המאיר|62277|לעמבערג תר"כ|סופיקס=יא}}

* {{אוצר החכמה|2=אור המאיר|3=7271|4=ווארשע תרמ"ג|סופיקס=יא}}

{{תלמידים פון מעזריטשער מגיד}}

{{מיון רגיל:זאב וואלף פון זיטאמיר}}

[[קאַטעגאָריע:מחברי ספרי חסידות]]

[[קאַטעגאָריע:וואהלינער אידן]]

[[he:רבי זאב וולף מז'יטומיר]]