אונטערשייד צווישן ווערסיעס פון "רוי:אבוה דשמואל"
(הגהה, באארבעט, פארברייטערט) צייכן: רויע רעדאגירונג |
ק (צמא לדעת האט אריבערגעפירט בלאט רוי:אבא בר אבא צו רוי:אבוה דשמואל: ווי גערופן כמעט איבעראל) |
רעוויזיע פון 12:10, 4 מערץ 2024
| כינוי | אבוה דשמואל |
|---|---|
| טעטיגקייט אָרט | נהרדעא, בבל |
| תקופת הפעילות | דור צווישן די תנאים און אמוראים |
| השתייכות | בבלי'שער אמוראים |
| רבי'ס | רבי יהודה הנשיא |
| תלמידים | זיין זון שמואל, מר עוקבא |
| בני דורו | לוי, רב |
| קינדער | שמואל, פנחס און רב שמן בר אבא (ווארשיינליך[מקור פארלאנגט]) |
אַבָּא בַּר אַבָּא, באקאנט מיט זיין צונאמען אֲבוּהָּ דִּשְׁמוּאֵל, איז געווען אן אמורא אין בבל אין דור צווישן די תנאים און אמוראים, דער פאטער און רבי פון בארימטן אמורא שמואל.
לעבנס געשיכטע
אבא בר אבא האָט געוואוינט אין דער שטאָט נהרדעא. פאר א שטיק צייט איז ער ארויף קיין ארץ ישראל, וואו ער האט געלערנט תורה פון רבי יהודה הנשיא[מקור פארלאנגט]. אויך וואוינענדיג אין בבל זענען צו אים געשיקט געווארן שאלות פון די חכמים אין ארץ ישראל[1].
פון זיינע חברים איז באקאנט לוי בר סיסי[2], און זיי האבן צוזאמען זוכה געווען צו גילוי שכינה זייענדיג אין נהרדעא[3]. אבא בר אבא איז געווען א רב און דיין אין נהרדעא[4], ווי אויך א גבאי צדקה וואס מען האט געהאלטן ביי אים געלט פון יתומים ער זאל זיי היטן[5].
ווי עס ווייזט אויס איז ער געווען רייך. די גמרא פארציילט אז ער פלעגט באקוקן זיינע פעלדער צוויי מאל א טאג[6], און אז ער פלעגט פארקויפן די פרוכט אין אנהייב סעזאן פאר ביליג כדי צו נידערן די פרייזן[7]. אין מדרש ווערט פארציילט אז ער האט געהאנדלט מיט זייד, און רבי יהודה בן בתירא האט אים געבענטשט ער זאל האבן א זון וואס זאל זיין אזוי ווי דער נביא שמואל, צוליב וואס ער האט אים געטרויט[8].
ווי עס ווייזט אויס האט ער מאריך ימים געווען, און נאך געלעבט אין די צייטן פון רבי יהודה נשיאה וועלכער האט אים מכבד געווען[9].
עס זענען פון אים פארהאן פיל הלכות און אגדות, ער איז נפטר געווארן א קורצע צייט פאר זיין זון שמואל[מקור פארלאנגט].
נאמען
אין שפעטערדיגע קוועלער[10] ווערט דערציילט די פאלגנדע לעגענדע: אבא בר אבא איז אמאָל געווען אין די ווייטע לענדער, האָט ער געטראָפן א כישוף-מאכערין, וועלכע האָט אים פאָרגעלייגט צו לעבן מיט איר, ווייל זי האָט געזען מיט כישוף אז פון אבא בר אבא דארף יענע נאכט ארויסקומען א גרויסער מאן. ווי אבא האָט דאָס דערהערט, האָט ער געזאָגט א שם המפורש, און איז אין אויגנבליק געווען ביי זיך אין נהרדעא, און האָט געלעבט מיט זיין אייגן ווייב, און זי איז מעוברת געוואָרן און האָט אים געבוירן דעם זון שמואל. נאך א תקופה איז אבא בר אבא צוריקגעקומען אין שטאט און ריינגעוואשן דעם נאמען פון זיין פרוי. דעריבער רופט מען אים אבוה דשמואל מען זאל וויסן ער איז דער אמת'ער טאטע פון שמואל. אנדערע ערקלערן אז ער ווערט אזוי אנגערופן ווייל זיין זון שמואל איז אים איבערגעוואקסן און געווארן גרעסער פון אים אין תורה[11].
חסידות און גרויסקייט
אבא בר אבא ווערט נאך גערעכנט צווישן די לעצטע תנאים[מקור פארלאנגט]. אין גמרא ווערט פארציילט ווי ער האט זיך געפירט לפנים משורת הדין, צוריקגעבנדיג פארלוירענע אייזלען נאכ'ן זיך אפגעבן מיט זיי מער ווי צוועלף חדשים[12]. דער מלאך המות האט זיך באוויזן פאר אים[13].
אסאך מעשיות ווערט דערציילט וועגן זיין טיילן צדקה צו ארעמעלייט. עס ווערט דערציילט אז איינמאָל האָט ער געשיקט זיין זון שמואל מיט א נדבה אפצוטראגן צו אן ארעמער פאמיליע; שמואל האָט געטראָפן די פאמיליע-מענטשן ווי זיי האָבן געגעסן פלייש און געטרונקען וויין. ער איז צוריקגעקומען און עס דערציילט דעם פאָטער און דערביי באמערקט, אז דער דאזיגער פאמיליע דארף מען דעריבער נישט געבן קיין נדבות. דערויף האָט אים זיין פאָטער געזאָגט: אז אויב זיי זענען געוואוינט צו אזעלכע טייערע מאכלים, דארף מען זיי געבן נאָך גרעסערע נדבות[14]. אויך זיינע טעכטער האט ער אויפגעצויגן בדרכי המוסר[15].
דרויסנדע לינקס
- "אַָבוּהֵ דִּשְׁמוּאֵל", יהודה דוד אייזנשטיין (רעדאקטאר), אוצר ישראל, ניו יארק: פרדס, תשי"ב, חלק א, עמודים 18–19, אויף היברובוקס
- אבוה דשמואל, אין "אנציקלופדיה יהודית" אויף "דעת"
- הרב אהרן הימן, "אבא בר אבא אבוה דשמואל כהן", תולדות תנאים ואמוראים, לאנדאן, תר"ע, באתר ויקיטקסט
- רבי אברהם זכות, יוחסין השלם, סדר אמוראים, "אבא בר אבא הכהן אבוה דשמואל", ירושלים, תשכ"ג
- הרב יהודה אדרי, "אַבָּא בַּר אַבָּא", בנתיב האמוראים, ירושלים תש"מ, עמ' 19, אויף אוצר החכמה
רעפערענצן
- ↑ בבא מציעא צ, א
- ↑ בבא בתרא מב, ב, זעט רשב"ם
- ↑ מגילה כט, א
- ↑ ביצה טז, ב
- ↑ ברכות יח, ב
- ↑ חולין קה, א
- ↑ בבא בתרא צ, ב
- ↑ ילקוט שמעוני, שמואל א' ג, י, רמז ק'.
- ↑ יבמות קטו, ב
- ↑ "הלכות גדולות" צום סוף פון הלכות גיטין, געברענגט אין תוספות, קידושין עג, א, ד"ה מאי
- ↑ ספר האשכול, הלכות מקואות, סימן נ"ט
- ↑ בבא מציעא כד, ב, און תוספות
- ↑ עבודה זרה כ, ב
- ↑ תלמוד ירושלמי, מסכת פאה, פרק ח', הלכה ח'
- ↑ שבת סה, א
דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!