אונטערשייד צווישן ווערסיעס פון "רוי:פאקיסטאן"

'''פּאַקיסטאַן''' ({{שפראך-ur| پاکِستان}}; פארמאל: '''[[איסלאם|איסלאמישע]] [[רעפובליק]] פון פאקיסטאן''') איז א [[לאנד]] אין דרום [[אזיע]] מיט מער פון 220 מיליאן איינוווינערס. עס איז דאס זעקסטע גרעסטע לאנד אין דער וועלט פון דער באפעלקערונגס פונקט. צו דרום האט פאקיסטאן א בארטן לאנג 1,046 ק"מ אויפן [[אראבישער ים|אראבישן ים]] און דעם [[איינגאס פון אמאן]]; עס גרענעצט [[איראן]] און [[אפגאניסטאן]] צו מערב, [[אינדיע]] צו דרום און [[כינע]] צו צפון־מזרח.

די הויפטשטאט פון פאקיסטאן איז [[איסלאמאבאד]], און די גרעסטע שטאט איז די פארט־שטאט [[קאראטשי]], די געוועזענע הויפטשטאט פון לאנד. דער פריערדיקער [[פרעזידענט]] איז געווען [[פערוועז מושאראף]]. דער היינטיקער פרעזידענט איז [[אסיף אלי זארדארי]].

ביז 1971 האט פאקיסטאן געהאט צוויי טיילן, מזרח פאקיסטאן און מערב פאקיסטאן, אבער אין 1971 האט זיך מזרח פאקיסטאן אפגעשיידט און דערקלערט זיין אומאפהענגיקייט, און געווארן דאס לאנד [[באנגלאדעש]].

אין 1973 האט פאקיסטאן איינגעפירט א נייע קאנסטיטוצע וואס האט אויפגעשטעלט א פעדעראלע רעגירונג באזירט אין איסלאמאבאד וואס באשטייט פון פיר פראווינצן און פיר פעדעראלע טעריאטאריעס. לויט דער נייער קאנסטיטוציע דארפן אלע געזעצן שטימען מיט [[איסלאם]] אזוי ווי עס שטייט אין [[קאראן]].

אין פאקיסטאן רעדט מען אסאך שפראכן. די אפיציעלע שפראך איז [[ענגליש]] און די נאציאנאלע שפראך איז [[אורדו]]. צווישן די נישט-אפיציעלע שפראכן זענען [[פונזשאבי]] מיט 60 מיליאן רעדערס,<ref name=Punjabi> [http://www.ethnologue.com/show_language.asp?code=pnb Ethnologue Western Punjabi]</ref> [[פאשטא]], [[סינדהי]], [[סארייקי]], און  [[באלאכי]]; געבילדעטע מענטשן רעדן  [[ענגליש]].<ref name="VOA News">[http://web.archive.org/web/20080517100456/http://www.voanews.com/specialenglish/Wordmaster/2008-05-08-voa3.cfm In Pakistan, a Big Push to Teach English; Local Versions Flourish] VOA News. URL דערגרייכט דעם [[18טן מאי]] [[2008]].</ref>

ביז 1946 איז פאקיסטאן געווען א טייל פון דער אינדישער אימפעריע אונטער בריטישער הערשאפט. אין 1946 איז פאקיסטאן געווארן אומאפהענגיק. פון 1946 ביז 1971 האט פאקיסטאן באשטאנען פון צווי באזונדערע טיילן. איז 1971 איז דער מזרח טייל פון פאקיסטאן געווארן א באזונדער לאנד, [[באנגלאדעש]].

נאך דער סאוועטישער אינוואזיע פון [[אפגאניסטאן]] אין 1979 האט פאקיסטאן געהאלפן די פארטיזאנער קעגן די סאוועטן. דערנאך אין די 1990ער יארן האט פאקיסטאן געשטיצט די [[טאליבאן]] רעגירונג אין אפגאניסטאן.

אנטוויקלען א קערן-פראגראם האט אנגעהויבן אין פאקיסטאן אין די [[1970ער]] יארן, אין די שפורן פון אן ענלעכער אנטוויקלונג פראגראם דורך דעם שכן-לאנד [[אינדיע]], אין ליכט פון דער לאנגיעריגער קעגנערשאפט צווישן די צוויי לענדער, וואס האט איינגעשלאסן דריי מלחמות. אין מאי [[1998]] האט פאקיסטאן געהאלטן זיין ערשטן אויסגעשפראכענעם אויספרואוו פון א קערן־אויפרייס. פאקיסטאן האט זיך נישט איינגעשלאסן אין דעם אינטערנאציאנאלן אפמאך צו פארמיידן די פארשפרייטונג פון קערן־וואפן (NPT). אויסער דעם וואס פאקיסטאן אנטוויקלט [[נוקלעארער וואפן|נוקלעארע וואפן]] באשעפטיקט זיך פאקיסטאן אויך מיט אנטוויקלען די אפשיק-מיטלען, ווי למשל באליסטישע מיסלען וואס קענען טראגן נוקלעארישע אויפרייס־שפיצן.

די געאגראפיע און קלימאט פון פאקיסטאן זענען שטארק פארשיידנדיק, און דאס לאנד איז די היים פון כלערליי ווילד-באשעפענישן. פאקיסטאן באדעקט א שטח פון  881,913 ק"מ², בערך גלייך צו די שטחים פון פראנקרייך און דאס פאראייניגטע קעניגרייך צוזאמען. עס איז דאס [[ליסטע פון לענדער לויט שטח|33סטן גרעסטע לאנד לויט שטח]]. פאקיסטאן האט א בארטנליניע לאנג 1,046 ק"מ לענגאויס דעם [[אראבישער ים|אראבישן ים]] און דעם [[איינגאס פון אמאן]] אין דרום, און לאנד גרענעצן פון 6,774 ק"מ אינגאנצן: 2,430 ק"מ מיט אפגהאניסטאן , 523 ק"מ מיט [[כינע]], 2,912 ק"מ מיט אינדיע און  909 ק"מ מיט [[איראן]]. עס טיילט א ים־גרענעץ מיט אמאן, און איז צעטיילט פון טאדזשיקיסטאן מיטן קאלטן שמאלן וואקהאן קארידאר. פאקיסטאן אקופירט א וויכטיקע לאקאציע געאפאליטיש ביים שיידוועג פון דרום אזיע, דעם מיטל מזרח און [[צענטראל אזיע]].

פאקיסטאן איז א דעמאקראטישע [[פארלאמענטארע דעמאקראטיע|פארלאמענטארישע]] [[פעדעראלע רעפובליק]], מיט [[איסלאם]] ווי די שטאַט רעליגיע. די ערשטע קאנסטיטוציע איז געווארן אדאפטירט אין 1956. אין 1958 האט [[איוב קהאן]] זי אפגעהאלטן, און האט זי געביטן מיט דער צווייטער קאנסטיטוציע אין 1962. די היינטיקע קאנסטיטוציע האט מען אדאפטירט צום ערשטן מאל אין 1973.

די מיליטערישע קראפטן פון פאקיסטאן זענען די אכט גרעסטע אין דער וועלט, מיט אומגעפער  617,000 זעלנער און  513,000 רעזערוויסטן (געשאצט אין 2010). מען האט געגרינדעט די מיליטער נאך אומאפהענגיקייט אין 1947, און די מיליטער האט געהאט א שטארקן איינפלוס אויף נאציאנאלע פאליטיק זייט דעמאלסט.

פאקיסטאן איז די זעקסט מערסט באפעלקערטע לאנד אין דער וועלט מיט א באפעלקערונג בערך 199,085,847 (199.1 מיליאן) ווי אין 2015,[523] וואס איז גלייך צו 2.57% פון דער וועלט באפעלקערונג. בערך 35% פון מענטשן זענען אלט אונטער 15 יאר. דער דערווארטערטער לעבנס־געדויער, ריכטיק פאר [[2011]], איז 64 יאר פאר מענער און 68 יאר פאר פרויען.

אומגעפער 95% פון פאקיסטאנער זענען [[מוסולמענער]]. מערסטנס [[סוניס]], מיט א [[שיא איסלאם|שיא]] מינדערהייט פון עטלעכע 10% צו 20% פון דער באפעלקערונג, און אויך 2% [[אכמאדיע]]ר. עס וואוינען אין לאנד א באגרענעצטע צאל פון פארשידענע מינדערהייטן, מערסטנב [[הינדואיזם|הינדוער]] (1.6%), [[קריסטנטום|קריסטן]] (1.6%) און ווייניק [[סיקהיזם|סיקהן]] און [[בודהיזם|בודהיסטן]].

===יידנטום אין פאקיסטאן===

אין אנהייב פונעם 20סטן יארהונדערט זענען געווען אין [[קאראטשי]] בערך 2,500 יידן, און נאך צענדליגער יידן אין דער שטאט [[פעשאוואר]]. כמעט אלע פון זיי האבן עמיגרירט קיין [[ישראל]] נאך ווען די מדינה פון ישראל איז געווארן אויפגעשטעלט. ס'איז געבליבן א קליינע קהילה יידן אין קאראטשי.

מען רעדט אין פאקיסטאן מער ווי 60 שפראכן. די אפיציעלע שפראכן פונעם לאנד איז א [[אורדו]]. אין דער רעגירונג ווערט [[ענגליש]] געניצט, ווי אויך אין די גרויסע געשעפטן און צווישן די אינטעליגענציע. אלע אוניווערסיטעטן אין לאנד לערנען ענגליש. אורדו ווערט גערעדט דורך די עמך מענטשן. אחוץ די שפראכן רעדן אויך כמעט אלע פאקיסטאנער אן אנדער שפראך, ווי למשל [[פאשטו]] און [[פונדזשאבי]].

[[קאטעגאריע:אומבאקוקט]]

[[קאטעגאריע:אויף יידיש]]