אונטערשייד צווישן ווערסיעס פון "רוי:רחל פרייער"

'''רחל עטל ''רוחי'' פרייער''' (געבוירן [[כ"ט אדר ב']] [[ה'תשכ"ט]], [[2טן אפריל]] [[1965]]) איז די ערשטע חסידישע [[ריכטער]]ין אין דער געשיכטע פון די [[פאראייניגטע שטאטן]].{{הערה|נאמען=פארווערטס|[http://yiddish.forward.com/articles/199669/first-female-hasidic-judge די ערשטע חסידישע ריכטערין] ביי [[פארווערטס]], 30סטן סעפטעמבער 2016}}

רחל פרייער איז געבוירן געווארן אין [[בארא פארק]], [[ברוקלין]], דאס עלטסטע קינד פון א אידישער חסידישער משפחה. אלס מיידל האט זי געלערנט אין דער [[בית יעקב]] [[שולע]]. ווערענד שטודירן אין הויכשולע האט זי בייגעטרעטן א [[קורס]] פאר א געריכט סטענאגראפער. זי האט געענדיגט הויכשולע אין יאר [[1982]]. אין עלטער פון 19 יאר האט זי חתונה געהאט מיט דוד פרייער, א [[באבאוו (הויף)|באבאווער]] חסיד. דאס פארפאלק האט דריי זון און דריי טעכטער.

אנפאנג האט זי געארבעט אלס געריכטליכע סעקרעטארין, און אין יאר [[1994]] האט זי געארבעט אלס יוריסט אין א בארומטער געזעלשאפט פון [[אדוואקאט]]ן. גלייכצייטיג האט איר מאן שטודירט בוכהאלטונג אין "טורא קאלעדזש". אין יאר [[1996]], אין עלטער פון 30 יאר, נאכדעם וואס ס'איז איר איינגעפאלן אז זי ארבעט מיט אדוואקאטן וואס זענען יונגער פון איר, האט זי באשלאסן צו לערנען רעכט און געזעץ. זי האט זיך איינגעשריבן אין "טורא קאלעדזש", דארט וואו זי איז געווארן אן אנפירער פון דער סטודענטשאפט, און זעקס יאר שפעטער האט זי געקריגט אן ערטשער אפשלוס אין פאליטיק וויסנשאפט. אנשליסנד האט זי שטודירט אין דער שולע פאר רעכט און געזעץ אין ברוקלין, און האט באקומען פון דארט אן אפשלוס אין יאר [[2005]]. אין יאר [[2006]] איז זי אריבער ערפאלגרייך דעם עמטליכן פארהער פאר אדוואקטן פונעם שטאַט [[ניו יארק (שטאט)|ניו יארק]], און געווארן די ערשטע חסידישע פרוי וואס איז געווארן אן אדוואקאט. זי האט באקומען רעכט זיך צו באשעפטיגן אין געזעץ אין [[ניו זשערסי]], און אין [[וואשינגטאן די סי]]. אין יאר [[2001]] האט זי געארבעט ביי [[הילארי קלינטאן]] אין איר ביורא וואס געפינט זיך אין [[מאנהעטען]].

אין [[22סטן דעצעמבער]] [[2016]], איז פרייער איינגעשוואוירן געווארן צו איר נייער אויפגאבע אין דעם אלטן ראטהויז פונעם ברוקלין קווארטאל. אין דער איינשווערונג צערעמאניע וואס איז אויסגעשטראלט געווארן אין די מידיע, האט פרייער געהאלטן גאר א דערהויבענע רעדע אין וועלכער זי האט אריינגערעכנט פארשידענע באגריפן אין [[אידיש]] און [[לשון קודש]]. דער באקאנטער חסידישער זינגער [[ליפא שמעלצער]] האט געזינגען אין דער צערעמאניע דעם אמעריקאנישען [[נאציאנאלער הימען|נאציאנאלן הימען]], און האט אפילו צוגעלייגט דערויף ווערטער אויף אידיש, און צוזעצליך האט ער געזינגט דעם באקאנטן ליד "G-D bless America" אויף א פולשטענדיגער אידישער ווערסיע.{{הערה|נאמען=יידיש|{{ynet|לירון נגלר-כהן|חסידישע ריכטערין איינשווערונג - נאציאנאלן אמעריקאנישען אויף אידיש|4898137|25 בדצמבר 2016}}}}

נאך איר איינשווערונג, האט מען איר באשטימש צו דינען אלס א ריכטער אין דעם קרימינאלן געריכט פון ברוקלין.  פרייער האט געשריבן פאר זיך די לייסטונג און דעגרייכט א זעלטענעם מעמד, צווישן די אנדערע א דאנק צו אירע משפחה מיטגלידער אין הויפט פון איר מאן רבי דוד פרייער וואס האבן איר געשטיצט פון אנפאנג, און אויך א דאנק פאר דער אונטערשטיצונג און דער ערמוטיגונג פון די [[רב|רבנים]] און פון דער חרדישע געמיינדע. אום זיך צוצוגרייטן ארדענטליך צו די וואלן, האבן מיטגלידער פון איר משפחה ארויסעגעבן א וואל בולעטין אויף וועלכן פארשידענע רבנים און [[ראש ישיבה|ראשי ישיבות]] האבן אונטערגעשריבן.{{הערה|נאמען=חתימת רבנים און ראשי ישיבות|[https://twitter.com/askbooboo/status/774312568320102400 חתימת רבנים און ראשי ישיבות] 9 בספטמבר 2016}}

אין יאר [[2011]], איז מרת פרייער געווען טעטיג און פארוויקלט אין אויפשטעלן די ארגאניזאציע "[[עזרת נשים ארגאניזאציע|עזרת נשים]]",א ספעציעלע מעדיצינישע ארגאניזאציע וואס וואס ווערט געלויפט דורך בלויז פרויען וואס וואלאנטירן זיך פרייוויליג אהן סיי וועלכע פארדינסט צילן, נאר מיט א ציל צו באהאלטן די גרעניצן פון [[צניעות ]] אין מעדיצינישע [[נויטפאל|נויטפעלער]], און באזונדער אין פאלן פון [[געבורט|אנטבינדונגען]]. די ארגאניזאציע איז געגרינדעט געווארן נאכדעם וואס די [[הצלה]] ארגאניזאציע האט זיך געווייגערט און אנטאזגט איינצושליסן פרויען אין זיינע רייען, וואס זעלבסטפארשטענדליך האט פאראורזאכט א מידיע-שטורעם און א שארפע קריטיק אין דער אמעריקאנישער פרעסע. אנפאנג האט מרת פרייער פארזארגט פאר דער ארגאניזאציע מיט געריכטליכע באדינונגען, און שפעטער איז זי געווארן אן אנפירער און פארוואלטער פון דער ארגאניזאציע. אין [[פעברואר]] [[2013]] איז די ארגאניזאציע עמטליך אנערקענט געווארן דורך דער געזונטהייט אפטיילונג פונעם שטאַט ניו יארק וואס האט דערלאנגט די ארגאניזאציע די נויטיגע גענעמיגונגען וואס זי האט געברויכט. מרת פרייער ארבעט אויף א פראיעקט צו קויפן פאר דער ארגאניזאציע א [[אמבולאנס|קראנקן-וואגן]].{{הערה|נאמען=ידיעות אחרונות|[http://www.ynet.co.il/articles/0,7340,L-5061259,00.html לא פראיירית: האישה החרדית שעשתה היסטוריה] באתר [[ידיעות אחרונות]], 24סטן דעצעמבער 2017}}

[[קאַטעגאָריע:אמעריקאנער יידן]]