אונטערשייד צווישן ווערסיעס פון "רוי:רבי משה שטערנבוך"

ער איז געבוירן געווארן אין [[לאנדאן]] כ"ד שבט תרפ"ו ([[8טן פעברואר]] [[1926]]) צו זיין פאטער ר' אשר שטערנבוך, וואס איז נפטר געווארן ווען משה איז געווען אלט אכט יאר, און זיין מוטער דבורה, א טאכטער פון הרב [[שלמה זלמן פינעס]], מחבר ספר "פנס שלמה" און אן אייניקל פונעם [[ווילנער גאון]]. ער האט געלערנט אין דער ישיבה פון הרב [[משה שניידער]] אין לאנדאן, און שפעטער אין [[ישיבת חברון]] אין ירושלים. אלס ישיבה בחור אין ירושלים איז ער געווארן נאנט צום [[רבי דוב בעריש וויידנפעלד|טשעבינער רב]] און דעם בריסקער רב, [[רבי יצחק זאב הלוי סאלאווייטשיק|רבי וועלוול]]. יעדן פרייטאג פלעג ער לערנען א "חברותא" מיטן גערער רבי'ן, דעם [[ישראל אלטער|בית ישראל]], און עטליכע מאל האט רב שטערנבוך געגעסן ביי אים א שבת סעודה.{{הערה|יתד נאמן, מוסף שבת קודש, סוכות תשע"ב}}

ביי די 28 יאר האט ער געהייראט יפה, טאכטער פונעם נדיב און פאבריקאנט יעקב שעכטער פון [[בני ברק]]. די ערשטע יארן נאך זיין חתונה האט ער געוואוינט אין ירושלים און געדינט ווי ראש ישיבה פון [[ישיבת המתמידים]]. נאכהער האט ער געוואוינט צוואנציג יאר נאנט צו דער [[פאנאוועזשער ישיבה]] אין בני ברק. אין דער תקופה איז ער געווען ראש כולל אין [[ראש העין]]. דערנאך האט ער אימיגרירט אין [[דרום אפריקע]] וואו ער איז געווען רב פון דער חרדישער קהילה פיל יארן אין [[יאהאנעסבורג]], ביז ער איז גערופן געווארן צו דינען ברבנות אין דעם בית דין צדק פון דער [[עדה החרדית]] אין ירושלים. אזוי ווי אלע מיטגלידער פונעם בי"ד פון דער עדה, גייט ער שבת און יו"ט מיטן ירושלימ'ער לבוש (שטריימל און גאלדענע קאפאטע).

אין תשמ"ט (1989), נאך דער פטירה פונעם רב פון דער [[עדה החרדית]], הרב [[יצחק יעקב ווייס]], האט מען באשטימט הרב שטערנבוך ווי וויצע־פרעזידענט און א מיטגליד אין בית דין פון דער עדה החרדית. זייט תשס"ג (2003) איז ער דער ראש בית דין.  

אזוי אויך נאך דער פטירה פון הרב [[אברהם יצחק קאהן]] תולדות אהרן רבי ז"ל האט ער זיך אנגענומען פאר הרב דוד קאהן אפילו ער איז נישט דער בכור.

רבי משה האט צוויי ברידער און פיר שוועסטער. זיינע ברידער זענען הרב [[אליהו שטערנבוך|אליהו]], ראב"ד אין [[אנטווערפן]], [[בעלגיע]] און הרב דוב, וואס איז געווען אינעם שטאב פון דעם [[געיטסהעד]] מיידלעך סעמינאר. זיינע שוועסטער זענען מרת יהודית, דאס ווייב פון [[רבי משולם דוד הלוי סאלאווייטשיק]], וואס פירט א בריסקער ישיבה, מרת רחל, דאס ווייב פון [[רבי חנוך הכהן ערנטרוי]], געוועזענער ראש בית דין אין לאנדאן, מרת שולמית, דאס ווייב פון רבי יעקב אריאלי, פאטער פון [[רבי אשר אריאלי]], דאס ווייב פון ר' מאיר מרגליות פון לאנדאן (א זון פונעם פרעמישלאנער רבי'ן), און דאס ווייב פון הערשל רייך פון [[מאנטשעסטער]].