אונטערשייד צווישן ווערסיעס פון "רוי:יעקב יודא דאסקאל"

==לעבענסגעשיכטע און בארופליכע קאריערע==

ר' יענקי דאסקאל איז געבוירן געווארן אין [[קרית וויזשניץ]] [[בני ברק]] צו זיין פאטער הרב יחיאל מיכל, פון דער בארומטער, דאסקאל פאמיליע, וואס ווערט באטראכט אלס אן אויפפאלנדע און אלס איינע פון די חשוב'סטע משפחות פונעם וויזשניצער חסידות אין בני ברק.

אין דעם גרויסארטיגן מעמד פון סיום הש"ס, וואס איז פארגעקומען אין דעם "יד אליהו" סטאדיאן אין יאר [[2005]], האט דאסקאל אויפגעטראטן אלס א הויפט סאליסט פארנט פון א פובליקום פון צענדליגע טויזנטער אנטיילנעמער, א פאראנשטאלטונג צוליב וועלכער איז ער מוזיקאליש און געזעלשאפטליך אויפגעדעקט געווארן אויף א ברייטן פארנעם.

זייענדיג א טיכטיגער און א באגאבטער זינגער און בעל תפילה, וואס האט זיך ערווארבן א שיינעם נאמען אין פארלויף פון די יארן, ווערט ער איינגעלאדנט צו זינגען אין פארשידענע פאראנשטאלטונגען פון דער חרדישער געמיינדע אין ארץ ישראל און אויסלאנד.

לעצטענס פירט ער זיך צו פארן קיין [[פאראייניגטע שטאטן|אמעריקע]] אויף די [[ימים נוראים]], וואו ער דינט אלס א בעל תפילה אין דער צענטראלער [[שוהל]] פון [[לעיקוואד]]. גלייך נאכדעם פארט ער צוריק אהיים קיין ארץ ישראל צו זינגען אין דער צענטראלער יערליכער [[שמחת בית השואבה]] אין וויזשניץ, וואו עס קומען אהין טויזנטער אידן זיך צו מחייה זיין פון די לעבעדיגע טישן און פון דער אומגעהויערע שמחה וואס הערשט דארט.

אין די לעצטע יארן האט דאסקאל באקומען א צוזעצליכע אויפטראג: ער קאמאזירט דעם יערליכן טראדיציאנעלן מארש וואס ווערט געזינגען [[ראש השנה]] אין דעם וויזשניצער הויף, און ווערט פארהיינטיגט יעדעס יאר.

{{DEFAULTSORT: דאסקאל, יעקב יודא}}

[[קאַטעגאָריע:פרומע זינגערס]]

[[קאַטעגאָריע:וויזשניצער חסידים]]

[[קאטעגאריע:אויף יידיש]]  

{{קרד/ויקי/יידיש}}