אונטערשייד צווישן ווערסיעס פון "רוי:ישיבת בית יוסף (געיטסהעד)"

די '''ישיבת בית יוסף''' אין [[גייטסהעד]], באקאנט ווי די '''גייטסהעדער ישיבה,''' איז א [[ישיבה גדולה]] אין דער שטאט גייטסהעד, [[ענגלאנד]].  זי איז די גרעסטע ישיבה אין אייראפע וואס האט גרויסן פרעסטיזש ביים עולם.

די ישיבה האט מען אויפגעשטעלט אין תרפ"ט. אין די ערשטע יארן האט די ישיבה געלערנט אין דער שול פון דער גייטסהעדער קהילה (די בלעכערנע שול).{{הערה|1=[[משה פראגער]], [http://www.hebrewbooks.org/pdfpager.aspx?req=27763&pgnum=6 גייטסהד, מבצר התורה באירופה שלאחר השואה], '''בית יעקב'''}} אין די יארן פון [[חורבן אייראפע]] האט די ישיבה געדינט ווי א שוצארט פאר הונדערטער בחורים פון [[דייטשלאנד]] און אנדערע לענדער וואס האבן באקומען אויטאריזאציע צו קומען וואוינען אין בריטאניע צוליב די פאדערונגען פון דער ישיבה.

דער גייטסהעדער [[שוחט]], ר' דוד דרייאן, האט שטארק געוואלט אויפשטעלן א ישיבה אין דער שטאט. צוליב דעם האט ער געבעטן פונעם "[[חפץ חיים]]" אז ער זאל שיקן פון זיינע תלמידים צו פירן די ישיבה. דער חפץ חיים האט טאקע געשיקט צוויי פון זיינע בחורים, רבי [[נחמן לאנדינסקי]], וואס איז געווארן דער ערשטער [[ראש ישיבה]], און רבי [[אליעזר קאהאן]], וואס איז געווארן דער ערשטער מנהל רוחני. זיי ביידע זענען געווען [[נאווהארדאקער ישיבה|נאווהארדאקער]] בחורים, און זיי האבן אויפגעשטעלט די ישיבה אויפן נאווהארדאקער שטייגער, מיטן נאמען "ישיבת בית יוסף" אזוי ווי אלע נאווהארדאקער ישיבות.  

נאכדעם וואס רבי לאנדינסקי איז אריבער אין די [[פאראייניגטע שטאטן]], האט מען אויפגענומען די צוויי שוואגערס רבי [[לייב גורוויץ]] און רבי [[לייב לאפיאן]] צו פירן די ישיבה.

אין תש"ז (1947) האט מען באשטימט רבי [[משה שוואב]] צו ווערן משגיח רוחני פון דער ישיבה, ווען ער איז געווען אלט 30 יאר. שפעטער האט מען אויפגענומען רבי [[מתתיהו סאלאמאן]], צו ווערן צווייטער משגיח. נאך רבי משה'ס פטירה איז ער געווארן משגיח. דער היינטיגער משגיח איז רבי מרדכי יוסף קארנאווסקי, און דער צווייטער משגיח איז רבי גרשון מילער.

אין תשע"א האבן געלערנט אין דער ישיבה עטלעכע 350 תלמידים, דער גרעסטער טייל פון זיי זענען פון [[ענגלאנד]], די אנדערע פון [[אייראפע]], די [[פאראייניגטע שטאטן]] און ארץ [[ישראל]], אויך לערנען אין דער ישיבה תלמידים פון צפון אפריקע, [[דרום אפריקע]], [[דרום אמעריקע]] און [[אויסטראליע]].

* רבי [[אברהם גורוויץ]], ראש ישיבה (האט געלערנט אין גייטסהעד און אין [[בריסקער ישיבות|בריסק]])

* רבי [[עזריאל ראזנבוים]], מגיד שיעור

* רבי [[יוסף אהרן אפנהיימער]], מגיד שיעור (האט געלערנט אין גייטסהעד)

* רבי [[חיים עוזר גורוויץ]]

* רבי [[מרדכי יוסף קארנאווסקי]], הויפט משגיח

* רבי [[גרשון מילער]], צווייטער משגיח

* רבי אליהו גורוויץ, זון פון רבי אברהם און איידעם ביי רבי [[בערל פאווארסקי]] ראש ישיבה אין פאנאוועזש

די פריערדיקע ראש ישיבות זענען:

* רבי [[נחמן דוד לאנדינסקי]]

* רבי [[לייב גורוויץ]], מחבר פון "ראשי שערים"

* רבי [[לייב לאפיאן]] (נפ' ז' אלול תשל"ט), מחבר פון "נאות אריה"

די פריערדיקע משגיחים זענען געווען:

* רבי [[משה שוואב]] (האט געלערנט אין [[מירער ישיבה|מיר]])

* רבי [[מתתיהו סאלאמאן]] (היינט משגיח אין [[בית מדרש גבוה|לייקוווד]])

* רבי [[זאב כהן]]  

* הרב [[אשר יעקב וועסטהיים]] פון [[מאנטשעסטער]]

* דיין [[גרשון לאפיאן]], רב אין [[עדזשווער]], לאנדאן

* רבי [[דניאל לאפין]]

* דיין [[חנוך ערנטרוי]], ראש בית דין פון [[לאנדאנער בית דין]]

* דיין יונתן אברהם פון דעם [[לאנדאנער בית דין]]

* הרב [[יצחק טוביה ווייס]], גאב"ד פון דער [[עדה החרדית]] אין ירושלים

* דיין [[כתריאל דוד קאפלין]], [[לאנדאנער בית דין]] און ישיבת תורת חכם

* הרב [[משה אריה באמבערגער]] פון [[מעץ]]

* [[משה רייכמאן]], קאנאדישער אנטוויקלער פון אומבאוועגלעכע גוטער אין [[טאראנטא]]

* רבי [[פסח אליהו פאלק]], פוסק, מחבר פון "עוז והדר לבושה"

* הרב אברהם יונה שווארץ, רב אין [[וויען]], עסטרייך