אונטערשייד צווישן ווערסיעס פון "רוי:רבי מרדכי מנחם מענדל קאליש"

'''רבי מרדכי מנחם מענדל קאליש זצ"ל''' ([[ה'תקע"ט]] - [[ט"ז סיון]] [[ה'תרכ"ח]]), באקאנט אלס דער יונגער [[ווארקא (חסידות)|ווארקער]] רבי, (די חסידים פון זיין זון ר' [[שמחה בונם קאליש|שמחה בונים]] האבן אים גערופן "דער מיטעלער ווארקער") האט געפירט א רביסטעווע אין [[ווארקע]] ניינצן יאר. ער איז אויך געווען באקאנט אלס "שותק", ער פלעג לאנג שווייגן און אז ער האט שוין גערעדט איז עס געווען קורץ און שארף.

נאכן הסתלקות פון זיין פאטער, רבי [[ישראל יצחק קאליש|יצחק קאליש]], האט ער נישט געוואלט איבערנעמען די הנהגה. נאר א יאר שפעטער האט ער נאכגעגעבן די אויסבעטן פון זיינע חסידים און אנגעהויבן פירן. ער פלעג פירן לאנגע [[טיש (חסידות)|טישן]], אמאל זעקס שעה. ביי זיינע טישן זענען געקומען זעקס טויזנט חסידים.<ref>''שבת בשבתו'' בהעלתך תש"ע (אנטווערפן)</ref>

רבי מענדל ווארקער איז געווען זייער נאנט מיטן [[מנחם מענדל מארגנשטערן|קאצקער רבי'ן]].

נאך זיין פטירה איז דער גרעסטער טייל חסידים אריבער צו זיין תלמיד רבי [[דוב בעריש לאנדא|בעריש ביאלער]]. א טייל חסידים זענען געבליבן אין ווארקע ביי זיין זון רבי שמחה בונים פון ווארקע וואס האט שפעטער געוואוינט אין אטוואצק.

'''רבי מרדכי מנחם מענדל''' איז געבוירן אין [[זשאריק]] אין יאר [[ה'תקע"ט]] צו זיין פאטער הרב '''[[ישראל יצחק קאליש]]''' רבי אין [[ווארקע]], באקאנט אלס "רבי איציקל ווארקער". און צו זיין מוטער מרת '''רחל''' א טאכטער פון הרב '''מאיר פון זשאריק'''.

נאך דער פטירה פון זיין פאטער [[כ"ב ניסן|אחרון של פסח]] [[ה'תר"ט]], האבן די ווארקער חסידים אויפגענומען רבי [[שרגא פייוול דאנציגער]] פון [[גריצע]] אלס רבי, א האלב יאר שפעטער [[שמיני עצרת]] ה'תר"ט נאך דער פטירה פון רבי שרגא פייוויל איז '''רבי מרדכי מנחם מענדל''' אויפגענומען געווארן אלס ווארקער רב.