אונטערשייד צווישן ווערסיעס פון "רוי:רבי צבי אלימלך שפירא (בלאזשאוו)"

'''רבי הערש מילך''' איז געווען רב אין [[ריבאטוטש]], נאכהער אין יאר [[ה'תרכ"ג]] איז ער געוארן רב אין [[בלאזשאוו]], נאהנט צו זעכציג יאר, נאך זיין פאטער'ס פטירה [[י"ט אדר]] [[ה'תרל"ד]] האט ער אנגעהויבן פראווען רעביסטעווע. אין זיין יוגנט איז ער געפארן מיט זיין פאטער צום [[רבי ישראל פון רוזשין|הייליגן רוזינער]] און צום [[שלום רוקח|שר שלום]] פון [[בעלזא]], ביי זיבעצען יאר האט ער שוין געדענקט דעם ספר "ברית כהונת עולם" אויף אויסנווענדיג. אין א געלעגענהייט ווען ער האט זיך געשפארט אין לערנען מיט דעם ווייטצענער רב הרב יצחק זילבערשטיין וועגען א [[היתר עגונה]] האט ער זיך אויסגעדריקט, אז אין עלטער פון פיר און צוואנציג יאר האט ער שוין געקענט [[שלחן ערוך|ארבעה חלקי שלחן ערוך]] אויף אויסנווענדיג. נאך זיין [[חתונה]] האט ער געגעסן [[קעסט]] ביים [[רבי חיים האלבערשטאם|צאנזער רב]], און ער איז געווען פון די [[חבריא]] יונגעלייט וואס דער צאנזער רב האט מיט זיי געלערנט, און ער האט באקומען [[היתר הוראה]] פון צאנזער רב.