אונטערשייד צווישן ווערסיעס פון "מסכת קידושין"

# '''האשה נקנית''' – קידושין ווערט באטראכט ווי א [[קנין]] פון א מאן אין זיין פרוי. דער פרק הייבט זיך אן מיט די קנינים מיט וועלכע א מאן קען מקדש זיין א פרוי, און וויאזוי די פרוי קען זיך קונה זיין ארויסצוגיין פון זיין רשות. דאס ווערט נאכגעפאלגט מיט די קנינים פון [[עבד עברי]], [[אמה עבריה]], [[עבד כנעני]], [[בהמה|בהמות]], [[גרונטאייגנס]] און אנדערע חפצים. דער פרק פירט אויס מיט די חילוקים צווישן מענער און פרויען אין זייער חיוב אין געוויסע מצוות, און דרך אגב אויך אזעלכע חילוקים צווישן [[ארץ ישראל]] און [[חוץ לארץ]]. דער פרק פארמאגט צען משניות{{הערה|דער צאל פון משניות אין אלע פרקים לויט ווי געדרוקט אין [[דפוס ראם]], ווילנא תרפ"ט. אין אנדערע דרוקן קען עס זיין אנדערש איינגעטיילט.}}.

# '''האיש מקדש''' – דער פרק באהאנדלט קידושין דורך א [[שליחות|שליח]] און קידושי טעות, אויספירנדיג מיט [[איסור הנאה|איסורי הנאה]] וואס מען קען מיט זיי נישט מקדש זיין. דער פרק פארמאגט צען משניות.

# '''האומר''' – דער פרק רעדט זיך פון קידושין מיט א [[תנאי]], אויסשמועסנדיג די דינים פון תנאי אין אלגעמיין. דאס ווערט נאכגעפאלגט מיט פעלער ווען עס געשעט א ספק אדער מיינונגס פארשידנהייט איבער די קידושין, אדער עס איז אומקלאר וועלכע פרוי איז געווארן מקודשת אדער צו וועמען. עס שליסט זיך מיט די כללים פון [[יחוס]], אריינגערעכנט וועלכע קידושין זענען פארבאטן אדער קענען אינגאנצן נישט צושטאנד קומען. דער פרק פארמאגט דרייצן משניות.

# '''עשרה יוחסין''' – דער פרק פארברייטערט איבער די הלכות פון יחוס, אריינגערעכנט איבער די באגלייבטקייט פון א מענטש צו פסל'ען זיין קינד און אנדערע ענליכע טענות. עס שליסט זיך מיט די הלכות פון [[יחוד]]. דער פרק פארמאגט פערצן משניות.

מסכת קידושין איז א פאפולערע "[[ישיבה]] מסכתא", בארימט צווישן די [[למדן|למדנים]] פאר אירע טיפע סוגיות{{הערה|{{ציטוטון|'''כי היא מסכתא עמוקה''', דקה מן הדקה, יש בקרבה אש וגפרית ורוח זלעפות, בדברי הגמרא ורש"י ותוספות, בקושיות והויות, '''עשר ידות משאר מסכתות'''|עצמות יוסף, אין די הקדמה}}.}}. ביי [[חסידים]] איז אנגענומען אז לערנען די מסכתא איז [[סגולה|מסוגל]] פאר [[שידוך|שידוכים]]{{הערה|{{אוצר החכמה|רבי אברהם שלום האלבערשטאם|דברי שלום <מהדורה חדשה>|611306|עמוד=485}}}}. טייל האבן זיך געפירט צו לערנען די מסכתא, צוזאמען מיט [[מסכת כתובות]], אום [[שבועות]]{{הערה|[[רבי שמואל שמעלקא הורוויץ (ניקלשבורג)|רבי שמעלקא פון ניקלשבורג]] און זיין ברודער [[רבי פנחס הורוויץ]], געברענגט אין נטעי גבריאל אויף חג השבועות, עמוד ר"א.}}.

די מסכתא הייבט זיך אן מיט א שמועס וואס באהאנדלט דעם סטיל און [[דקדוק]] פון עטליכע משניות. דאס איז נישט פון די [[אמוראים]], נאר איז שפעטער צוגעלייגט געווארן דורך די [[סבוראים]] אדער פריע [[גאונים]]{{הערה|אגרת רב שרירא גאון, און אנדערע מקורות געברענגט אין אוצר הגאונים אויף די סוגיא.}}.

* {{שיתופתא בשורה|Mishnah_Kiddushin/1|משניות {{בלאטנאמען}}|אינהאלט=יא}}

* {{ויקיטקסט בשורה}}