רוי:רבי שמואל בנימין קרויס

דער אַרטיקל איז א יתום, קיין אַרטיקל לינקט צו עס. איר זענט געלאדנט צו ביישטייערן צו המכלול און פארבינדן צו עס פון ארטיקלען וואס אנטהאלטן "רבי שמואל בנימין קרויס".

 

רבי שמואל בנימין קרויס איז א איד פון אייראפע וואס אסאך אידן איבערהויפט וואס קערן זיך אן אין די סאטמארער (מהר"א) קרייזן, זענען פארגלייבט אין אים, אז ער ווייסט אלעס, און ער קען מאכן נסים, און פועלן ישועות, גרויסע עשירים ווענדן זיך צו אים פאר זיי מאכן א ביזנעס טראנזאקציע, אדער סתם אידן פאר זיי טוען שידיכים צו בעטן א ברכה אז אלעס זאל גיין גוט, און אפילו יונגע בחורים שעמען זיך נישט אים צו אנצורופן אויפ'ן טעלעפאן פאר א פארלוירענע פאר גלעזער, תפילין, פאספארט וכדומה

זיין גרויסקייט האט זיך אנגעהויבן יארן לאנג זיין אן איינגעשטעלטער מגיד שיעור אין תורת חסד ישיבה אין היטשין און אין לאנדאן, דארטן האבן זיינע מופתים געטראגן א בחורישע פארעם, ווען מען האט עפעס געברויכט אוועק פארן פון ישיבה אן רשות אדער טרעפן א פארלוירן היטל וכדומה פלעגט מען צו אים גיין פאר א ברכה, און מיט'ן אריינקוקן אין זיין "תהלים" איז אלעס געווארן ערליידיגט. די מיסטישע כוחות איז צעביסלעך געווארן פארשפרייט, און ער איז געווארן מער און מער אנגענומען, היינט ווען ער קומט קיין אמעריקע ספעציעל אין קרית יואל ווארן א רייע און מען קען נישט סתם אזוי אריינגיין צו אים.

ער איז א געוואלדיגער גוט הארץ וואס זארגט זיך פאר יעדן אלטן בחור אנצוטראגן שידיכים, און ער איז א ארימאן וואס וואונט זייער שפארעריש, און מיט זיינע געלטער וואס מענטשן געבן אים שטיצט ער א כולל, און געט צדקה.

מאנכע זאגן אז זיינע אויגן זענען זייער טיף און שפראצן מיט אהבת ישראל ווען א איד רעדט צו אים זיך אראפ פון הארצן, מען זעט אז ער איז כל כולו פארווייטאגט אינעם אידס פראבלעם.

ער דינט אלס רב אין דער דריטער סאטמארער (מהר"א) שול אין סטעמפארד היל.

רב קרויס איז א חסיד נאמן פונעם סאטמארער רבי'ן, רבי אהרן טייטלבוים. ווען דער סאטמאר רבי האט חתונה געמאכט זיין אינגסטע קינד ב' חשון תשס"ז, איז ער ספעציעל געקומען צו פארן צו דער חתונה קיין קרית יואל נו יארק, וואו מען האט אים מכבד געווען מיט עד קידושין; אין מיטן דער סעודה איז אים שלעכט געווארן, ער איז צאמגעפאלן אין געכאפט אן ערנסטן סטראק.

דער בלאט קומט פון יידיש-וויקיפעדיע.
אריגינעלער בלאט • ערלויבעניש cc-by-sa 3.0.

דאס איז נישט קיין המכלול ארטיקל, בלויז עפעס וואס ליגט דא ביז עס וועט ערזעצט ווערן מיט בעסערס. שרייבט עס איבער!