אונטערשייד צווישן ווערסיעס פון "רבי משה חיים אפרים פון סדילקאוו"

[[קובץ:sedilkov.jpg|שמאל|ממוזער|250px|די בית המדרש אין סאדילקאוו]]

'''רבי''' '''משה חיים אפרים (דער "דגל") פון סאדילקאוו''', (בערך [[ה'תק"ב]] - [[י"ז אייר]] [[ה'תק"ס]]), אן אייניקל פון דעם [[בעל שם טוב]], פון זיינע נאכפאלגערס, און פון די ערשטע צו שרייבן [[חסידות|חסיד]]'ישע [[ספרים]].

געבוירן צו [[רבי יחיאל אשכנזי|רבי יחיאל מיכל אשכנזי]] און [[אדל]], די טאכטער פונעם [[בעל שם טוב]], אין שטאט [[מעזשביזש]] וואו זיין זיידע האט געוואוינט. עטליכע מיינונגען זענען פארהאן איבער דאס יאָר פון זיין געבורט{{הערה|אין "ספר החסידות" פון אברהם כהנא ווערט געברענגט אז ער איז געבוירן אין יאר [[ה'תק"ב]], און אין ספר "החסידות והחסידים" פון שמואל אבא האראדעצקי ווערט געברענגט אז ער איז געבוירן אין יאר [[ה'תק"ח]]}}. אלס קינד האט אים זיין זיידע שוין אנגערופן: "עילוי גדול בתכלית הלימוד"{{ביאור|אין א בריוו צו זיין שוואגער [[רבי אברהם גרשון פון קיטוב]]. דער בריוו איז בערך פון יאר [[ה'תקי"ג]], ד.ה. ווען ער איז געווען צווישן פינף און עלף יאר.}}.

נאכן די פטירה פון זיין זיידן האט ער געלערנט ביי זיינע [[תלמיד]]ים: [[רבי דוב בער פון מעזריטש]], [[רבי וואלף קיצעס]], און מערסטנס ביי [[רבי יעקב יוסף פון פולנאה]] דער מחבר פון [[תולדות יעקב יוסף]]. רבי אפרים ווערט אבער נאך פאררעכנט ווי א מיטגליד פונעם צווייטן דור פון [[חסידות]], ווייל ער האט אליין מקבל געווען [[תורה]] פון זיין זיידן און ער ציטירט דירעקט זיינע ווערטער אין זיין ספר.

דער דגל האט געדינט אלס [[רב]] און [[מגיד מישרים]] אין [[סדילקאוו]] וואס איז נעבן [[שפיטיווקא]] און נישט ווייט פון מעזשביזש זיין געבורטס ארט. ער האט דארט שטארק געליטן פון רדיפות צוליב די [[מתנגדים|התנגדות]] צו [[חסידות]] צוזאמען מיט ארעמקייט, נאך וואס די קהילה האט אים נישט באזארגט זיין פרנסה{{הערה|[https://www.mytzadik.com/tzadik.aspx?id=252]}}. אין יאר [[ה'תקמ"ח]] בערך איז ער צוריק צו זיין געבורטס ארט, וואו זיין ברודער [[רבי ברוך פון מעזשביזש]] האט געדינט אלס [[אדמו"ר|רבי]]; דער דגל האט זיך דערפאר געפירט צו [[תפילה|דאווענען]] אין [[בית המדרש]] פון זיין זיידן.

עס איז באקאנט אז דאס פריינדשאפט צווישן די ברידער איז געווען זייער נאנט, כאטש זיי האבן ביידע געפירט רעביסטווע אין זעלבן שטאט. רבי אפרים איז נישט ארויסגעשטאנען ביים לעבן אלס מנהיג פון א גרויסע קהילה, ווי זיין רבי דער [[תולדות יעקב יוסף]] איז זיין כח געווען גרעסער אין שרייבן ווי אין פירן א קהילה, כאטש ער איז געווען באקאנט אלס דרשן. זיין ברודער פון דער אנדערער זייט האט געפירט א גרויסע [[קהילה]], ער איז אסאך ארומגעפארן צו די פארשידענע שטעטלעך אין [[אוקראינע]] וואו זיינע חסידים האבן געוואוינט, און אסאך פון די [[מנהיג]]ים פון קומענדיגן דור אין חסידות האבן זיך געציילט צווישן זיינע תלמידים.

[[:קאטעגאריע:משפחת הבעל שם טוב]]

[[:קאטעגאריע:מחברי ספרי חסידות]]