אונטערשייד צווישן ווערסיעס פון "רוי:רבי קלונימוס קלמיש שפירא"

הרב שפירא איז געבוירן אין יאר תרמ"ט אין [[גראדזשיסק מאזאוויעצקי|גראדזשיסק]] אין [[קאנגרעס פוילן]], א בן זקונים צו זיין פאטער הר"ר [[אלימלך שפירא]] (דער גראדזשיסקער רבי) און זיין מוטער חנה ברכה שטערנפעלד (א טאכטער פון דעם כענטשינער רבי'ן). מ'האט אים געגעבן א נאמען "קלונמוס קלמיש" נאך זיין עלטער-זיידן (דעם [[מאור ושמש]]). צו דריי יאר אלט איז ער פאר'יתום'ט געווארן פון זיין פאטער. א טייל פון זיין פאטער'ס חסידים האבן ממשיך געווען צו פארן קיין  גראדזשיסק צו קלונימוס קלמיש (און זיין  יונגערן ברודער ישעיה). אין [[ה'תרס"ה]] האט ער חתונה געהאט מיט חיה רחל האפשטיין, די טאכטער פון זיין נעפע דעם [[קאזשניץ (חסידות)|קאזשניצער רבי'ן]]. אין [[ה'תרס"ט]] האט ער באקומען היתר הוראה און אין יאר [[ה'תרע"ג]] האט מען אים  אויפגענומען אלס אב"ד אין פיאסעצנע, א קליין שטעטל דרום פון [[ווארשע]]. אין [[ה'תרפ"ג]] האט ער מייסד געווען די "דעת משה" ישיבה, אין [[ווארשע]], וואו ער האט געדינט אלס [[ראש ישיבה]]. אין דער זעלבער צייט האט ער געפירט זיין רביסטעווע אין פיאסעצנע.